كرونيك💕 " حب تحت رحمة التقاليد " 💕

76

حب_تحت_رحمة_التقاليد🔥🔫💏
  #الحلقة_76
🌸#Mîss_Rõssįlã🌸

منيار: متقولش انتي الظابط المسؤول  هوني... حمارت ودخلت بعضها... تمنات تنشق الأرض وتبلعها...ملا  وحلة...بصح فيسع مالمت  روحها وقت اتذكرت انو جاسر  بين ايدين امرأة غيرها.. غمضت عينيها  بقوة...وكبست على ايدها حتى  ولات بيضة...جيست عروقها  يبانو...حمحمت.. وخزرت  فيه..بعينين ثاقبة...كلها جرأة.. وقوة.. تعكس مدى شخصيتها القوية... 
: بون..نقدملك نفسي...ومدت إيدها... منيار اليوسفي...محامية قيصر  الغامدي...بقات ايدها ممدودة في  الهوى..معبرهاااش جملة.  جيست يڨحرلها بتسوميم...تكلم  بكل بروود..
  سيف: إيه تفضل احكي اللي عندك... وحط سيقارو في فمو...وشعلو... ونفخو في وجهها.. حتى بدات  تسعل...وعينيها تحرق فيها...  بدات تمروح عليهم... وكملت تحكي... 
منيار: بعدما درست ملف الموكل  متاعي. نظن مافما حتى دليل  ضدو...ونطالب بإطلاق سراحو... لأنو مفهمتش علاش حاجزينو  هوني عندو مدة...قام من  كرسيه...وتقدم ليها بخطوات  رزان...رافع خشمو لسما...ملا كريزمة  عندو... تاخذ عقل ...😍😍...تخليك تركز معاه..من غير  ماتشلق على روحك...ووقف  وراها...انحنى على مستواها... وقرب يحكي عند وذنها...نفسو  سخون قوي يضرب في رقبتها... خلاها ترعش...وتكبس بإيديها  على حرف الساك متاعها.. 
سيف: نظن أموور كبااار عليك... متسحقش دخل روحك فيهم  ياقطوسة..خليك بعيدة  أحسنلك...ولا نوعدك رح تندمي... وتحرقي روحك في وسط النااار  اللي بيناا..بلعت ريقها وزادت  كبست على إيدها...رح تطرشق  شي من قربو...وشي من  لغة التهديد اللي حكى بيها..  زفرت بقوة...تحاول تهدي  روحها قد ماتقدر... لأنو اذا  شعلت فيه...مش رح يكون  لمصلحتها.. ورح توقع في  مصيبة هي في غنى عنها...  منيااار: أمورك يا ...ذكرني باسمك... أطلب من رجالك يسرعو في  إجراءات...لأنو نظن...مش  فاضي تدخل في سين وجيم... ونخلي قضية.. تلحق للمحكمة  ورؤساااء متاعك...هنا ضربتو في  الوتر الحساس...وزيد تهدد فيه... ورجعتلو نفس الفازة متاع  قبيل...عجباتو قوة شخصيتها... بصح مش هو اللي يعترف بقوة  امرأة...بالنسبة ليه... ديما راجل سابقها  بخطوة...تبسم على جنب..  وشدها من زندها...وقربها ليه أكثر.. .وبدى يحكي.. في وجها...عينيه  في عينيها...
سيف: ننصحك ماتلعبش مع ناس  اللي أكبر منك.. ولا تخمم توقف في  وجهي...لآنك رح تحرق روحك  في الآخر...وتوا  اخرج عليا.. .مراد هو رح يكمل  الإجراءات.. .ورخف ايدو عليها...ورجع قعد.  على كرسيه...من غير ما يعبرها.. .مخليها واقفة في بلاصتها... جامدة...باهته في جرأتو...تلفتت  ليه.. ڨحرتلو...ولمت غراضها.. .وخرجت من عندو. طربقت الباب  وراها..تتحلف فيه...انها  تتنقم منو... على ذلها...وتهنتيلها... موش هي اللي تتبهدل وتبقى  ساكته...دخلت عليه.. .من غير مادق الباب كيف  العادة...ووقفت على راسو كيف  ملك الموت...حتى فجعتو..
  منيار: سرع في إجراءات وخليني  نخرج  من هوني  رح نطرشق😠😠  مراد:بسم الله الرحمان الرحيم...تي  دق الباب يابنت اليوسفي...وسبق  ونبهتك متحكيش  معايا بصفة الأمر😏😮 .. منيار: هيا فيسع...نستنى فيك..
مراد: ياربي صبرني...نظن لازم  تدفع كفاله.. حقها 10 ملايين... 
منيار: باهي فكرت مبلغ اغلى من  هك ببرشا.. وجبدت شك...وكتبت المبلغ  ووقعت...وحطتو قداامو... نظن هكا باهي..خزر فيه... باشمئزاز.. كيف فما عباد هكا... متكبرة وشايفه روحها..تفكر انو  الفلوس هي كل شي...وتقدر  تشري اللي تحب عليه...بصح  غالطين في حساباتهم...متقدرش  تشري الصحة...الفرح...السعادة... الهناء...راحة البال... كبس على  زر...جاه واحد من الأعوان. .
مراد: جيبلي قيصر الغامدي.. بعد  درج جابو...وكلابشات في إيديه..وهو كيف  عادتو ملامحو باردة ماتعبر على  شي...جيست لحيتو هاجت  شوية...فكهملو...وخرج وخلاهم..
مراد: مزال مكملناش قيصر آغا.. .رح نتلقاو مع بعض برشا...وغمزو... تفضل وقعلي هوني.. جيست تبسم على  جنب...وقع...وحط إيديه في  مكتوبو...وقعد يخزرلو...يحب  يستفزو.. ويلعب بأعصابو...
مراد: متفرحش برشا... قيصر:
😏😏..في أي وقت تسحقني الدولة أنا  هوني..وحاضر في أي وقت.. .وعنواني معروف.. أيا بسلامة  توا...وشاورلها بإيدو بش  تبعو... خرجو مع بعض...ووجوهم  ماتبشر بالخير...تلمو زوج قلوب سوداء...حاقدة...ناقمة...تحرق الأخضر  واليابس... ركبت في السيارة متاعها وهو بحذاها .. وتلفتت ليه..تسأل فيه...
  منيار: بون...حمد الله علا سلامتك...وتوا  وين تحبنا نروحو؟!
قيصر: وصليني لداري...وغدوا  نتصل بيك...ونخممو اللي رح  نعملوه...توا تاعب وماعيني  في حديث.. هزتلو براسها...وديمارات  من غير ماتزيد كلمة..🌸  #يتبع🌸 
🌸🌸🌸🌸🌸🌸🌸🌸🌸🌸🌸🌸🌸🌸🌸 توقعااااتكم في الحلقااات كيف العااادة... #Mîss_Rõssįlã