كرونيك💕 " حب تحت رحمة التقاليد " 💕

21

حب_تحت_رحمة_التقاليد💏🔥🔫
#الحلقة_21
#Mîss_Rõssįlã
وجهو مدمدم...وحالتو حالة...يأن من وجيعة...آثار الضرب على جسمو...يتفكر فيها ويتبسم ..ضحكتها...وجها ملآئكي...هي دواه...خايف عليها...إذا هو عذبوه بضرب...هي ياترى شصاير فيها...يكون قتلوها....نفض راسو من أفكار لي تجي فيه...وبدى يصيح...عليهم...(ياكلآب وينكم...فكوني...مش رجلة منكم...عشرة على واحد...فكوني ياكلآاااب...خلوني نروح...) قطع صياحو إيهاب وقت دخل عليه... وتكلم
(شبيك انت تصيح...كسرتلي راسي...رح نفكك...ونبعثك لأمك...ياحبيب قلب أمك انت😂😂...وضحك عليه بتمقعير..) جاوبو بعصب ( اسكت ياكلب ما تحشمش يا واطي متذكرش اسم أمي على فمك ياكلب ....والله ندمك على كل شي ...اصبر عليا) قاطعو...( نقص من صياحك...رح نخلو سبيلك...لأنو آغا جاسر أمر نطلقوك..) ..شنوا تقول..جاسر رجع وقتاش؟؟...سألو باستغراب وهبط راسو😐....(إيه...رجع اليوم...مالك مستغرب ولا خفت...تبسم بشفقة عليه)....علآه نخاف...جيست مستغرب...نسألك وجاوب من غير ماتتمسخر...(باهي،اسأل)...يسأل فيه ومتردد..(شنوا عملو فيها؟؟)...والله يامراد من بهامتك دمرت كل شي...بنت اليوم شعرة لآراحت فيها...سي الطاهر كان رح يقتلها لولآ آغا جاسر ادخل في آخر لحظة... ....كبس بونيتو وضربها ع الحيط....نعرف أني بهيم...طحان أنا ....كل شي صرى بسبتي...قاطعو إيهاب وقت تكلم ( هدي روحك...صار لي صار...لآزمك تلقى حل ...وحاول تحكي مع آغا جاسر في أقرب وقت..)...عاونو لبس قميص متاعو...وعاونو يمشي ...وصلو لسيارة..ركبو ...وركب بحذاه...وقلع....
#بعد_نصف_ساعة
توقفت سيارة إيهاب...قدام دار مراد...عاونو ينزل.....ووصلو قدام باب دارهم...وراح خلى عجاج وراه...يدق في الباب...مش قادر يوقف على رجليه من وجيعة...في جنابو...وكرايمو مدقدقة..حتى هما مقصروش فيه..حلت عليه جوري الباب....وشهقت من منظر لي رات خوها فيها..وبدات تصيح على أمها ...(أمي ايجا عاوني ...مراد جا..ياأمي إجا)...جاتها تجري...شهقت من فجعتها (واه ...وليدي شبي حالتك هكا ياروحي؟؟)..قاطعتها شهد...(علآه مستغربة ياأمي...مبين شكون عمل فيه هكا..ولآد الكلب ...عايلة الغامدي ...الله لآتربحهم..)....اتكلم مراد موجوع مش قادر يوقف على رجليه(  عاونوني ندخل...انا لباس...جيست جروح خفيفة...متتقلقوش...)...
دخلوه لغرفتو ...سطحاتو...تكلمت خديجة  بخوف(قوم بنتي جيب ...كمادات وماء سخون..هيا بسرعة) جابت كل شيء وبدات تنظفلو في جروحو
وعقمتهملو... من وقت بدات وهو يأن من الوجيعة...لكن وجيعة قلبو على محبوبتو اقوى من اي وجيعة يحس بيها  ..... بدنو يوجع لكن ألم روحو اقوى ...
تعب من التفكير فيها و في حالتها صغرونتو  ... ياما خاف لا يجي اليوم هذا ... ياما حاول يبعد عليها من خوفو لا يكشفوا عشقهم لكن حبو ليها كان اقوى من كل عرف وكل التقاليد
لعن الظروف و الفقر الي خلاتو عاجز عن انو يطلب يدها على سنة الله ورسولو ...لو كان ذا منصب و جاه راهم هزوه على كفوف الراحة لكنو فقير و عامل عندهم ...
مستحيل يوافقو انو يصير صهرهم...
فيقتو جوري من سرحتو كي غطاتو...وباستو من خدو...و تكلمت بصوت حنين( بشفاء  عليك خويا)
_خرجت و هي تمتم في سرها  (إلآ ماندمكم يا عايلة الغامدي...ياعايلة البكوات...كل ضربة بدوبل ...وكل جرح جرحتوه...نرجعولكم ..ولا ما نتسمى جوري)...
_خرجت هي وأمها ...وراحو للصالة...وبدات أمها تبكي ع ساكت...حاطة طرف شال متاعها على فمها..بش ميسمعهاش....أمي عيشك اهدى واسكت....دموعك غاليين...ونوعدك نوريهم نجوم الليل في نهار...جاوبتها بخوف(اخطاك منهم عيش بنيتي...شفت شصار في خوك...مش رح نسمح يجرالك بحالو...نموت من قهرتي...).....سبق ونبهتو يبعد عليها...وهو يبس راسو...وهاك شفت آخرتها وين وصل...نحن مش من طينتهم ومنقدروش عليهم...تي كلمة منهم يمحونا من الأرض...قاطعتها جوري بعصب:( شيسخيبو في رواحهم هذو ،علاه الدنيا سايبة...تمشي على هواهم...اذا عندهم فلوس يعفسو على الناس..بحق شنوا هذا التخلف...كل شي سبب هذي العادات..الى متى نظلو عايشين تحت ظلمها...وظلآمها...تي حتى بابا لآ يسأل علينا..خذاو مراد قدامو ولآ عمل شي...راح لمخمرة كيف عادتو مش هكا...مفضل السم الهاري على عايلتو...ولدو مش موجود وهو رح يفرهد روحو... قداش نكرهو ياأمي...) ...هسسسس...شششششش عيش بنيتي ،اسكتي لا يجي ويسمعك...والله يقتلك..روحي ارقدي  غدوا عندك قراية....(نفخت بفدة...افففففف،باهي ياأمي رح نسمع لكلآمك...باستها من خدها..وقامت لكن الي ناوية عليه ما يعرفوا كان الخالق)...
__________________________________________
تعاااليق داخل الرد هيا بنات اسمعو كلآم،وأعطوني رايكم في أحداث
#Mîss_Rõssįlã