#حب_تحت_رحمة_التقاليد🔫💏🔥
#الحلقة34
#Mîss_Rõssįlã
من وقت ماخرج من عندهم...وهو عصب يهز فيه..من كلآم ولدو...اللي طلعلو الغاز...لآزمو يلقى حل...ولآ قيصر رح يتمادى...ومارحش يوقف...غير لما ياخذ اللي يحب عليه...مجرد الفكرة رهوجتو...وخلاتو يعصب...جاتو صورة قيصر وبين إيديه جوري...تصيح...مفجوعة...تطلب أنو يرحمها...تترجى فيه بعينوها...صاح في سائق متاعو...إنو يوقف...
منصف: وقف...توقفت السيارة...نزل يجري يرد في النفس...طاح على ركايبو ...ساند إيديه على الأرض...تقدم سائق متاعو...بش يساعدو...ولكن وقفو...وقت عملو اشارة بايدو...انو يتوقف...دموعو نزلت...مقهور ...موجوع...ماتت وهدت حيلو...كسرتو...جرحتو...خلات وحدو...بقلب مجروح...مشوي على فراقها...
..........................................
#فلآش_بااك
جميلة: منصف...تعرف حاجة...تبسمت بوجيعة..تمنيت ...ننسى تعبي...ننسى وجيعتي...قهرتي...اللي شوات قلبي...وقت زوجوك بامرأة غيري...صحيح ...أني صرت مرتك...أما بعدما...فات الفوت...مريم...رقدت على فرشك قبلي...مريم دخلت دارك..قدام العباد.. الكل .مريم اختارها...بوك...وأنا الخدامة حد...ماعبرني...عفس عليا...وقهرني...عذبني...في غيابك...
منصف: هسسسس...أسكت عيشك. من غير ماتكمل
جميلة:.خ...خليني نكمل...
منصف:ب..باهي
جميلة: حبيتك من صغرتي...أما نسيت ...إني جرد خدامة...مش رح يقبلوني...بينهم....بوك طردني وقتها....عذبني....اما كل شي يهون...في خاطرك...نظرك منك...طيرني لسابع سماء...قبلت اني نكون مرتك...في خفية....بتخبية...كيف الخيال...حد مايعرف فيا...وفي وجودك...أما شقت...ربي...عاقبني...على غدرتي لمريم...على خيانتي...ليها....يبكي...ودموع تحرق..نازلة على خدو...(أسكت...أسكت عيشك...حرقتني...ياجميلة..بالله أسكت...ايديه على خدها..معنقها عندو)
جميلة: رح نموت يا منصف...من غير مانحمل بنتي...من...غ..غير...ما نشم ريحتها...ونعبي صدري...فيها...رح نموت من غير مانشبع منها...رح نموت يامنصف...ت...تعرف...ح...حلمت...نمشطلها شعرها...ونعملو ظفيرة...رح يكون أصفر...حاسة....عيونها...كيفك...نجهزلها..كرطابتها...حلمت نبوسها....آه...آه....تصيح من وجيعة...
منصف:بصوت موجوع...شبيك ياروحي...خا.خليك معا..يا
جميلة: رد بالك عليها....عوضها في حناني...عوضها غيابي...عيشها...
منصف:ابقى معايا...مش رح نجم...من غيرك...رح نربوها مع بعض...
جميلة: جات ساعتي يامنصف...سميها جووري...واحكيلها اني حبيتها....شهقت...شهقة ..أخيرة...روحها طلعت للعالي ...راحت لمولآها..ماتت...رجعت جثة من غير روح...ماتت وقتلتو في الحياة...خذات معاها كل شي حلو...خذات معاها ...فرحو..روحو....خلتلو بنت...قطعة من روحها وقلبها..شوات وحرقت قلبو....
_من وجيعتو وقهرتو....ما نجم يعمل الصحيح..عيونو عمات....لقى انو اذا تخلص من بنتو...رح ينهي وجيعتو...رح ينهي قهرتو...أحمد كان هو الحل...بالنسبة ليه كان هو المخلص...جرد كلب عندو...يقبل في خاطر القرش...طماع فلوس...يعمل كل شي على خاطرها...اعطالو بنتو من غير مايخمم...شنيا مصيرها وقت تعيش بعيدة عليه...شنية رح يصير فيها...أحمد قبل أنو يربيها...على طرف فلوس...خذى ملآيكة...اعتبرها فرصة...حياتو....صفقة مربوحة..ومن سعادة حظو......مرتو ولدت....بنت بوقتها ...لكنها ماتت....وهو من خبثو...خسيس..طماع...حقير...كل الصفات السيئة....فيه....عمل تبادل بين البنتين.....وكتبها على إسمو.....وخديجة.مافيبالهاش ...فكرتها بنتها....من غير ماتشك في شي....ولا يخطر في بالها دنائة وحقارة راجلها...
.....................................
#Back
عيط عيطة...تهد الجبال...صاح بقوة...بحرقة...بوجيعة....تشوى...وتحرق...لتوا وجيعتها...كيف قبل....تقول ماتت اليوم....نااادم لأنو اتخلى على بنتو....ماسمعش لقلبو...تصرف من غير وعي....وجيعتو هي اللي تحكمت فيه....آه...ياجوري....نادم ياروووح بوك...سامحني...لاني سلمت فيكك...سامحني ياجميلة...وينك....تعبت في غيابك...تهديت....ياجميلة...وينك...ارواحي ...شوفي...وين وصلت...منجمتش نعيش من غيرك...فراقك حرقني...قتلني...بعرق...خذيني لعندك...ريحيني...وريحي...روحي....يضرب على صدرو...بقهرة...وحرقة.....
_يبكي....دموعو تنزل ...تحرق على خدو....اما ماتجي شي قدام وجيعة قلبو...وحريقتو....حاول يكبس أعصابو ...وتنهد مسح دموعو وقام....حمحم وتكلم بصوت بارد..
منصف: عملت اللي قلتلكم عليه
السائق: إيه...ياآغا...صار عندنا في المخزن....يستنو في كلمة منك...وننهو كل شي...
منصف: خلينا نروحو.....
_وصلو للمخزن...وين متواجد أحمد...دخل عليه...لقاه مربطينو على كرسي...وجه مدمدم...مخلاو فيه عظم صحيح...يبكي من وجيعة ويأن يترجى فيهم يرحموه...ويرأفو بحالو...حد ماسامع بيه...دخل عليه...جمد في بلآصتو وقت شافو...تكلم منصف...وعينيه حمر جمر من العصب...تكلم بكل بروود.
منصف: تهلآو فيك بالقدا...تبسم بخبث... شنوا مزلت...على كلآمك
أحمد: سي منصف...ارحمني عيشك...مش رح نعاودها...فكو سراحي...ونوعدك..من يووم أنا خدامك..وفمي نسكرو..
منصف: آااه...شنوا لنسمع فيه....قبل ساعة..كنت تحل في فمك...ناسي أنو أنا سيدك...موش أنا الي نتهدد...وسبق اني نبهتك..انك متوقفش في طريقي...
أحمد: خلاص...خلاص (بصوت خايف...ومذعوور)...مش رح تتعاود...نوعدك...
منصف: رح نشوف...ياويلك تلعب بذيلك...بأشارة مني...تكون تحت التراب...وصاح فيه ...فاهم...
أحمد: ب.....باهي....مف.. مفهوم..
منصف: هذا المرة نفذت وكليت طريحة...مرة جاية. ...عزرائيل يرحب فيك في جهنم...
_أمر رجالو...انهم يفكوه...ويرموه قدام دارو....
خرج...رايح لداروو...وجوه الصباح...الشمس رح تشرق غلى قريب...
_وما بين حب وحب أحبك أنت...
_ومابين واحدة ودعتني..وواحدة سوف تأتي..
_أفتش عنك هنا....وهناك..
_كأن الزمان الوحيد زمانك أنت...
_كأن جميع الوعود تصب بعينيك أنت...
_فكيف أفسر هذا الشعور الذي يعتريني
صباح....مساء......
...................................................................
رايكم بنات...كتبت من غير تركيز#Mîss_Rossilã
أنت تقرأ
كرونيك💕 " حب تحت رحمة التقاليد " 💕
عاطفيةكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
