#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_91
🌸#Mîss_Rõssįlã🌸
عملنا اللي علينا في هذااك الوقت....اصابتها كاانت خطيرة برشا...وبقاات في غيبوبة لمدة خمس سنين...ووقت فااقت ..ستنيتها تحكي...ستنيتها تنطق...نطرتها تعاقبني تلومني تعاتبني ...أما ماحكاات. لا حرف...لليووم مانطقت بحرف...مزالها في نفس البقعة ونفس النظرة..نظرة الحزن ..نظرة القهر...رغم اللي كبرت ..أما عينيها مزالهم نفسهم شهل...بصح نظرة الفرح والضحكة اللي كانت مالية وجهها تمحاات وبردت اللمعة اللي كانت في وسط عينيها..وأنا السبب وأنا السبب...أيه أمك عاايشة جاسر..مزالها حية مقدرتش نفرط فيها ...مقدرتش نقتلها..كيفااه تحبوني نقتل الأمل اللي حيااني وصبرني على ظلم باابا من صغرتنا ...كانت نوارتنا وصغرونتنا ...عاارف مش رح تسامحني ...أما حميتها ...خبيتها من عيون بابا ...بعدتها على قهرتو ..وإذا حااب تقتلني أنا جااهز ...ومساامحك في حقوقي الكل ..اليووم رح نرقد متهني لني زحت حمل هدني هذي السنين حتى انتي يااصقر ...ساامحني ...موقفتش معااك ..كنت جبااان وقتها ضعيف ...سامحني..
وقفت في بلاصتي جااامد...يعني أمي طلعت عاايشة حاسس روحي في دوامة أسبوع واحد قلبلي حياتي سافيها على عاليها...ولاات جحيم ..بالأول نكتشف أنو حيااتي طلعت كذبة ...واللي فكرتو بابا هو في الحقيقة خاالي...وأمي البيولوجية ميته ...قتلها خاالي ..وبعدها طلعت عاايشة وبعدها عليا السنين هذي الكل بحجة أنو يحميها ...قطع عليا صووت واحد ينادي باسمي:
جااااااسر الغااامدي(يصيح باسمي) ..تلفت ليه ..مرهوج منعرفش السبب...قلبي دق ...خرج سلاحو. وضغط على الزناااد...وقوص علياونطق:منذر آغا يسلم عليك..
كل شي فاات في ثوااني قليلة معاادش عارف ..فتحت ايديا مستسلم للمووت ...أما في لحظة حد دفعني بقوة..فتحت عينيا مصدووم...ووخرت لتاالي مرهوج...
طايح على القااعة...وصوت القوااص...تلفت نخزرلو ..نلقااه غاارق في دمو...عديت عينيا عليهم بالواحد...سيف سلاحو في ايدو...صقر مزال في بلاصتو...أمي وجوري ضامين في بعضهم ويبكو...جريتلها أول وحده ...نطمن عليها ...
أنا: جوري ياروحي وفاات وفاات ماصاار شي أنا هوني...متخاافش...
وقفت على صوتها اللي ياادووب يتسمع وهي تشاور بايدها:
جوري: جا...جا..جاسر...ب....بو...بوك.. بووك...شووف...شوف..
تلفت وين موجهها صبعها ..تفجعت وأنا نرى فيه ملوح ع القااعة..غاارق في دمو...وينااازع...يحااول يحكي...جريت ليه...وترميت بحذااه ...ضاام في راسو لصدري..وحطيتو على حجري..محاوطو بايديا: ب...بابا....بابا....بابا...علااه...علااه ...علااه عملت هك ...علااه علاه رميت روحك ..كنت رح نتكفل بيه...علااه يابابا علااه...
هو: اششش...اشششش....و... ولدي.....جا...جاسر.. سامحني..ه...هذا...كان....أقل ش..شي..ن..نعملو...على خاطرك(وبقى يسعل)...
أنا: سامحتك ...سامحتك...يار****عيطو للاسعااف..تتفرجو فيا....أشرف....سيف...بابا أمان متعملهااش فيا...رد باالك تخليني ...مزالني فحاجتك يابابا...متخلنيش..
الطاهر: لحق الوقت ...أمك....أمك...أمك...عند رجب...عند..رجب...عنوان.....عنواان...في خزنة...خزنة...مكتب...انت ...انت تعرف ...كلمة سرها...خمم...رح تلقااها....سااامحني...ساامحني..
وغمض عينيه ...وطاحت ايدو على القااعة ..لطختها عملت حس خلى قلبي يرجف لدااخل...ضميتو لصدري..وطلعت راسي للسمااء وصحت بأعلى صوتي: بااااااباااااا.....بااااابااااا....وبكيت ...ايه طااحو دمووعي...نزلو يحرقو على خدي...وجيعتي زاادت أكثر ..وناار قلبي شعلت أكثر...وجيعة ورى وجيعة ..
ضربة ورى ختها...معادش عندي الطااقة بش نتحمل هذا الكل...قربتلي وضمتني حتى هي وبداات تبكي معاايا...طلعت راسي في السمااء ندعي أنو يرحمني لنو معااادش فيا..كأنو يعااقب فيا على أغلاطي بأحباابي..
وقت تحب تلعب بالناار ...رد باالك تبكي لنو رح تحرق رووحك أول حد ..لنو كل شي يبدى بغلطة وآخرها دماار وحريق ..
#يتبع
#Mî_Rõ
أنت تقرأ
كرونيك💕 " حب تحت رحمة التقاليد " 💕
Romanceكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
