كرونيك💕 " حب تحت رحمة التقاليد " 💕

102

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_102
🌸#Mîss_Rõssįlã🌸
🌸حضر أشرف القهوة وحط السنيوة على الطااولة وقعد مقابله...تراقب فيه في كل حركة يعملها مش لافت إنتباهها. غيره ...لا كمية الكتب اللي معبية البلاااصة ولا أنتيكا الي كل قطعة تقول لاختها قومي أنا نقعد في بلاصتك ...كل شي سبيسيااال وكل شي عنده حكاية كبيرة وقصة تعاشت ...أما مش قد هذي الراجل المسن اللي يخليك تتسائل بينك وبين نفسك على غموضه وكلماته الملغمة كل حرف منها لغز يدخلك في متااهة مش رح تخرج منها غير لما يشيب رااسك ...قطع عليها حبل الأسئلة وقت سألها :
بابا رجب: نسمع فيك ..أسأل اللي تحب عليه ...
جوري: (فتحت عينيها على وسعهم مبهوته) أنا ماقلت شي كيفاااه عرفت اللي يدور في راسي😓..
بابا رجب: ههه ...أستغفر الله يا جوري..مش قصة كيفااه عرفت ..عيونك التايهة وريقك الشايح وحالتك اللي داخلة بعضها ..واخزر كيفاااه تلعب بصباااعك ..عرفت من هك ..
جوري: أما أنا ماقتلك شي على إسمي ..كيفااه عرفتو ...
بابا رجب: بنت مزيانة كيفك ماتكوون غير وردة جورية ..ولا شقال ولدي أشرف.
أشرف: أي أي بابا..(وقرب وشوشلها في وذنها).مداام جوري بطل أسئلة ..(هزتلو براسها بمعنى بااهي)..
بابا رجب: يااابنتي ...قطع عليهم الكلااام وقت هبط جااسر
وطلب من جوري تجهز أمه:
جاسر: جوري هيا اطلع بحذا أمي وحضرها ...لازمنا نمشو..
هزتله براسها بمعنى باهي ..وراحت ليها بعدما خذاات الإذن من بابا رجب ...
جاء قعد مقاابلة ..يلعب بايديه ...مزاله ضايع ومش مصدق لحد السااعة أنها لقى أمه ومن ثوااني كان رااقد في حضنها ...كان يشم في ريحتها اللي كيف المسك..وفعلا الأم جنة وعبق ريحتها وطيبتها وحنينها محاال يعوضه ولا مخلووق فووق الأرض...فيق من سرحته ..وقطع عليه حبل تفكيره وقت تكلم:
بابا رجب:مش كل شي تحب عليه رح تحققه..جيست لنك راغب فيه...بالعكس كل شي في هذي الدنيا عنده وقته وساعته زماان تحضر احنا مش رح ناقفو في وجهها ...كل شي مقدر ومقضي من العااالي ...لازمك تصبر وكل شي في وقته حلو..وتبسم على جنب ...وترشف من قهوته رشفتين..باقي يخزرلها حااير فيه ...وفي كلاامه الملغم اللي دخله في حيط ...يعني بووه عمره لا غلط وقت أمن على أمه عنده ...بادله تبسيمة وجاوبه:
جاسر: صحيح ماافهمت شي من كلاامك ولا اللي تقصد فيه...أما ميسااالش نسألك سؤاال وااحد..
بابا رجب: انت حااب تسأل..علااه بووك أمني على أمك..هكا كنت رح تسأل؟؟
تلفت جاسر لأشرف باهت وعاقد حواجبه في بعضهم ..يسأل فيه بعينيه ؟؟
أشرف: ههه هذا هو بابا رجب ..من غير ماتتحير ..
بابا رجب: رح نحكيلك وكل علامة إستفهااام في مخك رح نجااوبك عليها ...من غير ماتتحير وتدخل بعضك أكثر..
جاسر: باهي نسمع فيك ..
بابا رجب: احنا كلنا العباااد الكل تحت حمااية الرحماان..وأمك كانت حتى هي بين أيدي أمينة ..أنا جيست كنت أدااة ...الإنسانية والمودة..أنك إذا جااء عبد ودق بابك وطلب حمايتك ..رد بالك ترده...أنت وقتها تكون سكرت الباب في عبد من عباد الله الضعفااء ...هما وجههك وقت تقابل مولااك...وأنا عملت بانسانيتي ...من غير مانستنى مقابل...
جاسر: بابا رجب أنت رديت فيا الروح وقت حميت أمي وداويتها ...وعمري لا رح ننسى أفضاالك عليا..
بابا رجب : أستغفر الله ولدي...كل ليلة وفي كل ليل يربطه النهاار ...مع كل شروق للشمس ..هنااك أرواح تزهق..وتسحب من أجسادها ..وهناك ولادات جديدة...صوت صراخ طفل أو مجموعة أطفاال ولدت من جديد...واحتضنتها الدنيا...المعنى أن كل أحد في هذا الكون لديه أجل محتووم..ووقت تأتي ساعته...ويتحضر ملك الموت ..لقبض روحه..أحد لن يمنعها..فلكل منا فرصة ثانية يستحقها..فالإنسان يأخذ حجما في الكون هذا بقدر قلبه..وليس بقدر جسده..وإن كان قلبك كبيرا..والذي موجود بداخله ..حب الكثير من النااس...وكلما كثرت أحبابك كثرت مخاوفك..وكثرت أعدائك...وأمك نهارتها مكانش أجلها ونكتبلها عمر جديد وانعطاات فرصة جديدة..وأنا كنت وسيلة جمعتك بأمك ..معادش تشكرني لنو أمك كانت أمانة الطااهر عندي ...والحمد لله وصلت الأمانة لصاحبها ...وهذي فرحتي بالدنيا...حمد لله..
قطعت عليهم كلاامهم وقت نزلت جوري مع كهينة ...غير بشوية...أولى حبلة وبطنها متعبتها...وثانية مش متعودة على الحركة برشا..
جوري: أحنا حاضرين..
بابا رجب: لحق الوقت ..تلفت ليها ومشى ناحيتها ..وشدلها إيدها : أختي كهينة نشاء الله كانت رفقتي عاجبتك ..شفت جاء الوقت اللي قتلك عليه ..وكما قال الله تعالى:★«وَبَـــشِّرٌ الصَّـــابِرِينٌ»★..وتردت الأمانة لماليها..جاء الوقت بش تفرح وترى النور وتعيش السعاادة وتحس بدفئ عايلتك ...وحمد لله ربي مع الصابرين..
غمضتلو عينيها برشا مراات ..كأنها تشكر فيه على معروفه ..معاها..
بابا رجب: جاسر أمك في أمانتك من بعد اليوم ..
قرب ليه جاسر باسله إيده : قد ماشكرتك مش رح نوفيك حقك...
بابا رجب: نستنى في زيارتك مرة أخرى..عرفت العنوان وبابي مفتوح ليكم في أي وقت ...
جوري: ايه نشاء الله بابا ..🌸
#يتبع
#Mî_Rõ

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_102
#جزء_2
🌸#Mîss_Rõssįlã🌸
🌸خرجو من عنده بعد ماودعووه..وكل حد في قلبو كلاام ..وعيونهم تحكي في برشا كلااام من فرحتهم ..ركبو في السياارة ..الغريبة أنو اليوم جاسر ركب من تالي جنب أمه..الي قعدوها في وسطهم ...ضاام في إيدها لصدره..مش مصدق انها بجنبو...كل مرة يبوسها ..وهذا حركاات تلقائية عفوية يعبر فيها على فرحتو برجوع أمه ليه...بعد مسافة الطريق وصلو للقصر...اللي الدنيا هادية لداخله...تقول مهجور...الشي اللي خلاهم يستغربو ويخزرو لبعضهم...أما ماطالش الصمت برشا ...وخرجو الكل من الصالة مع بعضهم نجية،خديجة،فاطمة،مرااد،منيار،قيصر،
سيف،جوليا،ومنصف،مننساوش شهد...لنها كانت حاملة الكيكة في إيدها ..وكلهم يهتفو مع بعضهم...يرحبو بكهينة...وزغاريت معبية ساحة القصر...وخطفوها من إيد جااسر ...نجية تبوس وتعااود...عنقو بعضهم ودموعهم لقاات طريقها على خدودهم ...دموع فرحة ودموع شوق سنين وحنين وفراق عوااام...بقى جاسر واقف في بلاصته يتفرج عليهم ...حاط إيده على فمه ..مش حااب يبكي ولا حد يرى دموعه...لنو فرحته اليووم مش رح يفسدها حد مين ماكان ...فيقته على وضعه وقت لزت ليه ...ودورت إيديها على خصره...تلفت ليها يتبسم يستنى فيها تحكي:
جوري: تعرف جاسر فرحاانه برشا اليووم..لنك وأخيرا لقيت أمك...أخزرلهم ولوجوههم اللي منورة بضحكتهم ...عايلتنا تلمت من جديد ..وجمعها الحب ...
جاسر: أنت السبب في الفرحة هذي الكل ...انتي مصيبة حياتي نحمد ربي نهار وليل لنك دخلتها ...ودخلت الفرح هذا الكل ...تعرف أول مرة وقت خبروني أني لازمني نعرس بيك مافرحتش...عصبت أما وقت ريتك في العرس ..قلبت كل الموازين ودخلت قلبي الجامد في حيط...
جوري: هههه صااار هك...
جاسر: إيه اضحك ياروحي اضحك...لني نمووت ونفنى عليك ياقلب جاسر أنتي (قرب باش يبوسها ..أما وقفتو وقت حطت إيدها على فمها وعملتها بعينيها احنا مش وحدنا)
جاسر: أما ميمنعش أني ناخذ بوسة من خدك .😘..الليلة ليلتك وغمزها بخبث😉😛..
يظهر الجماعة محضرين كل شي حتى من طاولة الأكل ..كل شي محضر على الكيف ...تلمو الكل على الطاولة بعدما كل حد فيهم سلم على كهينة واذا على الولاد الكل باس إيدها وخذى رضاها ...وعرفها على روحه...
فاطمة:لالة نجية نجم نحط الأكل ..
نجية: إيه ..أما أنت أقعد بحذانا وخلي لبناات يحطو الاأكل..
فاطمة: أما يالالة..
جاسر: من غير ماترفض أنت وحدة منا وفينا ياخاالتي..هيا أقعد ...حتى أنت يا أشرف ايجا اقعد...لنو من اليووم ماكاين حتى فرق بينا احنا عشرة عمر..هيا ياجمااعة ..
تبقى الحياااة متااهة صعبة يمكن أن تنجح في تخطي شهواتها والعيش فيما يرضي الله من غير عنصرية من غير ظلم ..دائما تستمع لضميرك ومايمليه عليكً..ومن غير أن تعمل حسابا للعادات والتقااليد ...لأنها ستضعك بين نارين ...أولها ضميرك وثانيها نفسك الأمارة بالسووء..لنو كل شي بعد ايماننا بالله يعتبر بااطل ...وهذا ماعاش عليه جاااسر ...لنو مبادئه هي اللي خلته يكون واقف قباال عاايلته اليووم ...🌸
#يتبع
#Mî_Rõ

لبنات ديزولي مانقدرش نكمل لبارت لي مزالو هنا على هذي راح نكملهم في كتاب اخر نتمنى تكملوها ليه وراح يكون اسمو حب تحت رحمة تقاليد جزء الثاني