#حب_تحت_رحمة_التقاليد💏🔫🔥
#الحلقة_48
#Mîss_Rõssįlã
_يامن تملكين حياتي وترسمين البسمة على شفتاي
_إليكي أقدم روحي وكل أشعاري وكلماتي...
_يامن تملكيني ...أحبك...وسأحبك حتى مماتي...
_أفديكي بعمري دون تردد فأنت أغلى من حياتي..
_أفديكي بحياتي وبكل ماأملك ياهمساتي ويا صرخاتي
_أنا السحاب ومن حبك أرسل لك أمطاري وقطراتي..
_يامن تسكنيني وتسكني ظلي وخطواتي...أحبك😘
*★*★*★*★*★*★*★*★*★
_الأرض تعبات الرجال...نصهم جريح والباقي موتى...الدم في كل بلاصة...نزل من سيارة...بوهرتو كيف العادة...الكل يعملو حساب...مايخاف من شي...نجح في كل القضايا اللي وقف عليها وحقق فيها...أكبر محقق...شوكة في حلق المهربين وتجار السلاح والكيف...استدعاوه للمنطقة هاذي...بحكم الكل ارفض يستلم القضية هذي ...وخصوصا في منطقة عشيرة الغامدي...الكل يخافهم...هو الوحيد اللي قبل القضية...
#سيف_هارون: عينيه خضر حادة كيف الصقر، لحية مطراسية، عضلات مكبوسة،كتاف عراض، شخصية قوية، غروور، جبروت،غطرسة، تكبر،شخص عادل، يموت ويفنى في خدمتو، ...أكبر محقق في الشرطة...فرع المخدرات والجرائم... نجح في برشا قضايا...شي اللي خلى الكل يعملو تحية ويحترمو...والتجار الأسلحة والمخدرات الكل تخاف منو...ويعملولو حساب...
حط سلاحو في خصرو....يمشي وعينيه تلعب في كل اتجاهات...كيف الأسد اللي يراقب في فريستو...دخل للمخزن...قابلوه صناديق السلاح...تبسم على جنب..
سيف: مسكتكم من الإيد اللي توجعكم...توا بدينا اللعب ياقيصر...صحيح ماعندي حتى دليل ضدك...بصح عارفك ياصاحبي..تلفون ينوقز..يلقاه أشرف يطلب فيه..
سيف: شفما أشرف
أشرف:شصار..كبست عليهم،
سيف: لا قدرو يهربو...بصح أمانتهم عندي ..
أشرف: قصدك السلاح؟؟
سيف: إيه...لازم تضل تراقب فيهم...نظن منذر تصاوب..
خلي راجل متاعك، ينتبه من غير مايشلقو بيه...واحنا لازمنا نخفو من لقائتنا..
أشرف: أوك كيفما تحب..أيا نخليك من بعد..
سيف: تصبح بخير...
طلب من رجالو يجمعو صناديق السلاح...وياخذوهم للحجز...ويتصلو بالشرطة العلمية...تجي تحقق في البلاصة...وركب في سيارة متاعو وقلع مخلي العجاج وراه....
*★*★*★*★*★*★*★*★*★*★
_قيصر: منذر آغا ، تسمع فيا...نروحو للقصر متاعك ولا وين؟؟
منذر: ت...يكونو راقدين...ر...رح نفجعهم(بصوت موجوع ومرهوج تاعب...ضعيف)..
قيصر: باهي...رح ناخذك معايا لدار...إيهاب انت رح نزلك في أقرب بلاصة ...تروح تجيب سيارة أخرى وتوصل الروسي لللأوتيل واضح..
إيهاب:أمرك آغا..رح نعمل اتصالاتي ونخليهم يحضرو السيارة..
يضرب على الفولون بعصب...الشرطة منين عرفت ...شكون خبرهم...أكيد فما مخبر ...بينا...فما خاين...نحبك تلقاه..فاهم يا إيهاب اليوم خسرنا ملايير بسبة بهامتك وقلة خبرتك انت ورجال متاعك...احمد ربي خليتك عايش..ونبه عليك بابا مش لآزم يعرف...
إيهاب: الخاين خليه عليا رح نلقااه...ونرميه عند ساقيك...وآغا منصف مش رح يسمع بشي..كونك مطمن من هذي الجانب..
_توقف عند محطة متاع بنزين...يلقى سيارة متاعو تستنى فيه...نزل إيهاب ومعاه الروسي...اللي مافهم شي من كلامهم...مزالو مفجوع...
إيهاب: سيدي سأوصلك الى الفندق...لقد أخبرت رجالك..وطائرتك موعدها بعد ساعة...
الروسي: هيا بنا دعنا لا نتأخر...لا أريد البقاء في هذه المنطقة دقيقة واحدة...
ڨحر فيه ڨحرة ترعب...كن موش أمر آغا..كان دفنتك في الغابة...وخليت الذيوبة تنهش لحمك ياخنزير...ركب بحذاه وقلع...متوجه للأوتيل...
*★*★*★*★*★*★*★*★*★*★*★*★*
رايكم في الأحداااث ...وجمجمو على الحلقات😘😛
#Mîss_Rõssįlã
أنت تقرأ
كرونيك💕 " حب تحت رحمة التقاليد " 💕
Romanceكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
