#حب_تحت_رحمة_التقاليد🔥🔫💏 #الحلقة_58 #Mîss_Rõssįlã _دخل لمحها راقدة على الفرش...متكمشة في بلاصتها...حاطة إيدها تحت خدها..وثانية بين رجليها..اللي ضامتهم لصدرها...كأنها بردانة...قرب ليها من غير مايعمل حس...قعد بحذاها...طبع بوسة مرصوصة على خدها...وخذى نفس من ريحتها...وخر عليها مايحبش يغلط..ويتمادى معاها...يمسح على شعرها...وقرب الغطاء وغطاها...وبقى يمسح على خدها بكل حنية...يخزر فيها ويثبت في ملامحها البريئة ...اللي أسرتو من أول يووم راها فيه...صحيح الظرووف جمعتهم...في وقت موش مناسب...بصح اول مرة يشكر القدر اللي بعثها ليه...اليوم بعد كل اللي صاار...تأكد من شك متااعو...وكشف إنها تهموو برشاا...وخذات مكانة ليها في حياتو...عفويتها..برائتها...هبالها...كل شي فيها سبيسياال...خلقت بلاصة ليها في قلبو..من غير ماتقصد...تنهد من عرووش قلبوو...آه يا جووري...إسم على مسمى...خلق معاااك...إنت وردتي اللي نورت حيااتي من وقت دخلتها...ريحتك مرهم لجرووحي ياجوريتي...اليووم كان فاصل في حياتي...عرفت قداشك مهمة بالنسبة لياا..حتى منياار ماحركت فيا شعرة ...رغم جرأتها ونضجها..والله نسيتني فيها جملة...راحت من باالي...لآزمني نلقى حل...بش منجرحهاش...حتى هي موش ذنبها...زفر بقوة يحب يرتاااح..ويزيح الحمل اللي على كتاافو...حيلو نهد..وتعب من وقت ماستلم آغوية اللي دمرت حياتو..وماخلاتو يتهنى ويعيش كيف النااس...صحيح في الأول رفض...بصح قطع وعد على رووحو...أنو يغير العاادات المتخلفة اللي ظلمت برشا عبااد...وسفكت الدم..وخلقت عداوات بين العرووش...مسح وجهو بزربة..وقام بحذاها..رايح لبيت البانو...يعمل دووش يبرد بيه أعصاابو...ويداوي جرووحو..اللي موش حاس بوجيعتها... ......................................... _في بلاصة معااكسة...منطقة مظلمة...منعزلة على برى...مطرفة...بيوت جنب بعضها...داخلها صالة قماار...طاولات جنب بعضها..كل وحدة في زاوية...فيها برشا رجال...دخاان...شراب...نساء الليل... _وجهو مايتفسرش...اليوم خسر برشا فلووس...هذي آخر مرة يلعب فيها...راهن على حياتو...بيه الطمع...ناس زمان قالت«الطمع يخسر الطبع»..وهذا كان حال أحمد...طول عمرو كلب فلووس...وطماع للمادة..مايهمو غير نفسو وهواها..أناني...مايخمم في حد...تلون وجهو وقت الراجل اللي مقابلو سحب الورق ليه...وضحك بفرح وخبث لآنو ربخ اليووم...وخسرووو...قام اللي بحذاه من غشو...قلب الطاولة...وبدى يصيح...انت غشيت هذا مووش عدل نحب فلووسي...ريحتو فايحة بالشرااب...جاه المسؤوول على الصالة:إهدى...شبي**تصيح...هيا كل حد يشد بلاصتو...موش كل واحد يخسر...يبدى يكسر في اللي يجي قداامو...هذا قانون اللعب فما خاسر...ورابح..وتلفت لأحمد..انت شنوا تعمل هوني موش منبه على ** ماتجي لهوني كان وفلوسك معااك..جاه يدهشر ...عينيه حمر جمر...من السكرة... أحمد: أعطيني وقت..ورح نسدد كل ديون😓 الراجل: عندك جمعة وانت كل يوم تعاود نفس الكاسيت أحمد: شبي**قتلك معندشي تواا...هنا راجل مبقاش يعقل من العصب...وقرب ليه عطاه بونية...طيحو على القاعة..وشاور لرجاالو يضربووه...جنو عليه...وفشخوه بطريحة نبااشة القبوور...ورماوه برى كيف الكلب...قرب ليه وشدو من كول شوميزو...هذا المرة سلكت...عندك منا لغدواا...نحب فلوسي الكل...وفوقهم بونيس وغمزو...ولا تشهد على رووحك ياكلب وبزق في وجهو...ودخل وخلاه...من غير مايتلفت ليه...قام يدهشر...ومسح الدم من فمو...رح نوريكم ياكلااب استنو...والله الا ماندمكم...منذر آغاا أنت المخرج متاااعي...وضحك بتمقعيير...😂😂😂..
أنت تقرأ
كرونيك💕 " حب تحت رحمة التقاليد " 💕
Romanceكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
