كرونيك💕 " حب تحت رحمة التقاليد " 💕

93

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_93
🌸#Mîss_Rõssįlã🌸
_قمت من بحذاهم نازلة الدرج هذاكا درجة درجة..رزانيت وكرشي تكعبرت وكبرت شوية على قبل ..قريب ندخل في الساادس...نلقى فاطمة في طريقي:
أنا: خالتي طلع الأكل لأمي ..قنعتها تااكل..واعطيها دوااها..وكاان صاار شي جيست عيطلي..
فاطمة: اتهنى بنتي ورد بالك على روحك..
هزيتلها براسي باهي وخرجت نلقاه في وجهي ..فتحلي البااب وركبت ...
أشرف: للفيرمة مداام ...ديما تعند شنقوول للآغاا توا..
أنا: من غير ماتخمم جاسر خليه عليا..
أشرف: بااهي أمري لله..كل شي يهوون في خااطر الآغا..
لفت وجهي للبلار نخزر للطريق ..مخي معااه وساارح في خياالو ...نستنى وقتااش نوصل ونترمى في حضنو ونشبع بريحتو..قطع عليا سرحتي وقت نطق: مداام وصلنا ..ومن غير ماتقول اني أنا اللي قتلك..
أنا: هههه اطمن أشرف تقول جااسر رح يقطعلك راسك ..مش رح يسخى فيك من غير ماتخااف..
ونزلت وخليتو..نمشي بخطوات متثااقلة ..قلبي يدق..حاطة ايدي على بطني نستقوى بصغااري ...نسمع في صووت كرطووش..جااي من المخزن...تبعت الصووت ..نلقااه وااقف ...وحاامل سلااحو في ايدو.. ويقوص ..محسش عليا وقت قربت ليه...ووقفت ورااه..
دارلي بسرعة كبيرة ...دورلي ايدي ورى وظهري...وقربني ليه أكثر...بدني لاصق فبدنو..ظهري في صدرو..وغرس راسو في شعري...خذى نفس منو وطبع بوساات خفااف عليه ...بقيت ننهج قلبي خض بالقوي...خفت اذا رح يقوص عليا...رعشة سراات في بدني..بعدلي خصلاات من شعري حطهم ورى وذني...وتكلم بصووت حنين جنب وذني:
جاسر: شتعمل هنا ياافرخة...امممم(صوتي هرب مني وهو يحكي هك..غمضت عينيا بقوة وكبست على طرف الروبة بايدي...وخرجت حروفي ..ترجف مني)
أنا:جيت نشوفك...ولا عندك ماانع..نحب نسألك..
جاسر: امممم
أنا: علااه مقوصتش؟؟
جااسر: ههه يافرحتي..انت مفكرة أني محسيتش بيك وقت دخلت...من خطواتك مترددة عرفتك...وريحتك وصلت قبلك ..ملا نحي افكاار خايبة من مخك...
دورني ليه وحط خشمو على خشمي...وجهو مقاابل وجهي ..نفسو سخون يضرب في وجهي رهوجني وزاد في وتيرة دقاات قلبي ...خلاني نرجف بين ايديه ..تقول أول مرة يقربلي لدرجة هذي ...تبسم على جنب ...وقرب طبع بوسة على جبيني...وبعدها على خدودي...وبعدها خطف بوسة من شفاافي ...رهوجني السخطةودخلني بعضي أكثر..ترميت في صدرو وعنقتو بقوة مدورة ايديا على رقبتو ...نشم في ريحتو ...قدااش توحشت تحضينتو..
جاسر: شبيها صغرونتي..متوحشتني هيا؟؟
هزيتلو براسي ايه❤
جاسر: سامحني يااروحي لني بعدت عليكم...سامحني أما مش بقصدي...كل شي فووق طااقتي..وجيعتي كانت أقوى من اني ناقف مقابلك وترى ضعفي...مكنتش حاب نوجعك ولا تحزن ولا دموعك طيح بسبتي ...(بعدت راسي من صدرو )
أنا: انت خممت انك وقت تبعد رح تبرى رح تطفى نارك ورح تشفى جروحك...خممت فينا ...خممت في أمك...نقصدهم اثنينهم...خممت في صغاارك ...اللي يكبرو كل يووم في بطني ...ومتعبيني ..ووحامي الكل عليك..توحشت حبك ...حنانتك ...حضنك..تعنيقتك...صيااحك...عصبيتك...الدار هذيكا باردة في غيابك...كل شي فقد لونو وقت رحت علينا ...وأمي نجية تعبت في غياابك برشا...
سكتني وقت حطو صبعو على شفاافي وقربني ليه أكثر وعنقني بقوة ...تي عصرني...استحليتها منو ...يااروحي هذا وين حسيت بالأماان ...وأنا في حضنو مانخااف من حتى شي...حتى صغااري فرحانين بيه...والدليل أنهم تحركو داخل أحشاائي وبقااو يرفسو فيا..عيطت من الوجيعة فجعتو..
جاسر: شبيك جوري.. شفما رح تولدي.
ضحكت بالصوت على آخر كلمة ... ملا مهبوول .
أنا: هههه .  لا مش توا...أما صغاارك يرفسو فيا...
وشديت ايدو قربتها من بطني : شووف 😂😂انت حاسس فيهم...رجعو يضربو...
جاسر: ايه....ايه....(تملااات عينيه دمووع...وخزرلي بنظرة فسرت برشا كلاام ...حب امتناان شكر...عشق...فرحة..سعادة..وكل احسااس يحس بيه أي أب وقت يجرب ويكون في بلاصة جاسر..
هبط على ركبتو ...لمستوى بطني وطبع بوسة عليها ...وعنقهم 😂😂... وبدى يتكلم: مرحبا بيكم في حيااتي ياروح بوكم أنتو..نوعدكم نكون أب مليح ..أنا وماما نحبوكم(هزيتلو براسي ايه) ..توحشنااكم ونستنو فيكم وقتاااش تشرفو حياتنا...ونوصيكم متعذبووش مااما برشا ...لنها تحبكم أكثر من روحها...وبعدها قاام قرصني من خشمي ...وعنقني لزني ليه أكثر ...وبقى يمشي بيا خارجين من المخزن...
#يتبع
#Mî_Rõ