كرونيك💕 " حب تحت رحمة التقاليد " 💕

46

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_46
🌸#Mîss_Rõssįlã
#قيصر_يحكي:
دفعت الباب داخل لبيتها...نغزرلها متكورة على روحها...وقفت نغزرلها وأول مرة مانحملش نقربها...مانحملش نشوفها هكا...تبكي كاين فرق كبير كي تبدى مع جاسر...تكون فرحانة ودايما تضحك وكي رجعت لعندي...نغزرلها تموت بالشوي...ماحملتش حالتها كبست على البونية تاعي...ورجعت غلقت الباب...مشيت لسطح نشم فهوى نحب نهدى شوي...لزم نحسبها صح مي مانعرفش سبب الخنقة لي حاسس بيها...مانعرفش علاه نحس بلي قاعد نغلط...وأنو مصيبة باش تاقع عليا وتندمني ففعايلي...علاه حاسس هكا ؟؟...علااااااه ياخي...يصير معايا هكا فالوقت هذا..؟ علاه حتى وصلت ناخد لي حاب عليه...كي رجعت بين يديا...يدق الضمير هذا داخلي...؟؟..ضربت يديا بعصب على الطابلة...ومشيت راجع لبيتي...جبدت سيقار نشعل فيه...نحب نرتح اعصابي...كان دايما يفيدني...مافهمتش المرة هذي علاه رجعت نفكر ...علاه وقت قربتلها محسيتش بالنشوة اللي متعود نحسها وقت نقرب لبنت علاه ناري طفات وماحسيت بحتى شي وقت مسيتها ...علاه ..علاه شنوا اللي صارلي ...فيقني على وضعي الباب وقت ندق رميت السيقار من يدي وخليتو يدخل :
قيصر: نسمع فيك ...اذا مش رح تحكي اللي نحب عليه ومش جايب اخبار باهية روح بدل الساعة بختها واقلب منظرك ...
هو: آغا ...جاسر قرب يوصل رجالنا لمحو السيارة نتاعو قريبة من منطقتنا ...
قيصر: متأكدين ...هو جاي وحدو ولا معاه حد ..
هو: ايه آغا كان وحدو مفماش معاه حتى حد ..
قيصر: من غير مانوصيكم خلي عيونكم مفتحه هذاك الكلب يخدم مع الدولة...اتوقعو منو اي شي ..وجهزو اللي وصيتكم عليه ...وخلي الرجال تاخذ البنت للبلاصة اللي وصيتكم عليها وردو بالكم يصيرلها شي ...
هزلي براسو وخرج من عندي..قربت علبة السيقارات وخذيت واحد حطيتو في فمي...وشعلتو..خذيت نفس منو ونفختو في الهواااء بقوة...وتبسمت على جنب
قيصر:.ايجا مرحبا بيك والله محضرلك اشياء مش رح تخطر على بالك لو قعدت تخمملها حياتك الكل...مش رح نمسك حتى بطرف صبعي ...ولا رح نجرحك...رح نمارس عليك طقوس العذاب النفسي ونخليك تتحرق من الداخل وتبقى عاجز...وطبعا بمساعدة حبيبة قلبك المدااام...اولها رح تكون ملكي وبعدها نرميها لرجالي ينهشو لحمها قدام عينيك يااجاسر وياجااسر... ايجا تيك ..توك ..تيك ..تاك تيك.. توك ..تيك ..تاك...
وقفت نضحك حاسس بالنشوة...قرب النصر لكبير...واخيرا باش نشوفو مذلول ومقهور...باش يبكي دم ومكانش ذل أكبر من ذل العقاب بالشرف ضحكت فاتح فيديا...وقفني صوت المساج لي وصلني بالوقت هذا  من رجالي ...ومحتواه هو خبر وصول جاسر آغا ...ضحكت على جنب...موصيهم قبل مايقربوش ..منو ويخلوه يدخل بارتياح من غير مايعيقو الحركة متاعو ...رحت فتحت PC متاعي على الكاميرات باقي مراقب فيه شابك ايديا في بعضهم نمووت على لعبة القط والفار ...نزل من السيارة نتاعو ..شد انتباهي انو واقف على رجليه مش متسند على العكازاات متاعو .. ورابط رجليه ببونداج ...
قيصر:ههههه ايجا والله طلعت أقوى ياآغا
غزرتلو ندقق الغزرة فيه...حامل سلاحو في ايدو ...نحب نظرة الغضب  اللي تحتل عينيه وتغطيها باللون الأحمر وتخلي عروق عينيه تبرز ...عيون الصيد تخزر لكل بلاصة يمكن هذا اللي خلاني نحسدو ديما لنو نظرة عينيه خلاات كل كباار العشيرة تخافها ...وتهاب شموخ متاعو وقوتو اللي كانت مزيج بين الآغوية والدولة اللي عطاتو اشياء غير اللي كان يملكها وخلاتو ياخذ خبرة أكثر ...دخل للدار وبحث في البلايص الكل ...بصح من غير فايدة حبيبة قلبو مش هوني جملة ...نقلتها لبلاصة أخرى ...مش موجودة على اليابسة هي مابين السماء والبحر....ومش رح يلاقيها غير لما نحب أنا ...وصل للبيت اللي كنت حابسها فيها ...دفع الباب برجلو ...وعدى عينيه على البلاصة الكل ...يلقى دمها متاع آخر مرة ...وروبتها مقطعة مرمية على القااعة ...بقى يصيح ويكسر خرب كل شي جاء قدامو ..وبعدها طاح على ركابيه ضاام روبتها لصدرو ويبكي
قيصر:.ايه يبكي ...وهذا اللي نحب عليه
ضحكت بجنون سخفني الكلب وخلاني نتعاطف معااه ...هذا اللي كان حاجتي بيه نرى دموعو والانكسار متاعو ..نراه عاجز وهايم ...نراه راكع قدامي ويطلب في السماح واني نرأف بحالو ورغم هذا مش رح تطفى ناري ولا تبرد حالتي لنو هذا مايوصل ربع اللي عيشوهلي من صغرتي لحد اليووم ...قمت من بلاصتي رايح ليه مش رح نضيع هذي الفرصة ...لازمني نشوفو بعينيا ونستشفى فيه ونشفي غليلي منو...دفعت. الباب لقيتو على الحالة هذيكا ...حطيت ايديا في جيوبي ورسمت تبسيمة سخرية على وجهي...#Mîss_Rõssįlã
تلفتلي عينيه حمر جمر...كابس على روبتها ...وقاام على حيلو ...ترسمت على وجههو ڨريماس تدل على وجيعتو ..حتى انا وقتها تقصدت نضربو لرجليه بش نخليه عاجز بلا رجلين تخليه ديما متأخر عليا بخطواات بش نفذ كل شي نحب عليه..قرب ليا وغفلني ببونية لوجهي ...وخرت لتالي مرهوج...وشدني من خناقي يصيح في وجههي..
جاسر: وينها ياكلب شعملتلها ...اتكلم ...انطق ...شنوا ذنبها في اللي بينا يااكلب ...كان تعرف حقيقتها رح تاكلك الندامة وتموت بحصرتك ....انطق شعملت فيها وينها مرتي..
قيصر: هي في بلاصة بعيدة لازمك تتعداني بش تلقاها ..وشنوا تخرف عليا ...ولا حقيقة رح تخلني نوقف ..فهمت...(ورديتلو البونية وضربتو لكتفو المنصااب وخر لتالي متوجع حاط ايدو عليه يصيح ..)
جاسر: مش نخرف ***** جوري تكون ...(مخليتوش يكمل وضربو واحد من رجالي بسلاحو لقفاااه ...طاح على ركابيه وحاط ايدو على راسو وختمها بكلمة اني #طول_عمرك_غدار..)
وطاح مغمى عليه ...امرتهم  يحملووه ويحطوه في السيارة ...وينظفو الدار من بعدي ...وخرجت مخي يخمم في اللي كان حاب يقولي ...وشقصدو بالحقيقة ..علاه وقت نعرفها رح تنخر الندامة قلبي ..علااه؟؟؟وركبت في سيارتي ،وقلعت عجاجة وتبعوني باقي السيارات وأكيد  وجهتي معروفة ...
#يتبع
#Mî_Rõ