كرونيك💕 " حب تحت رحمة التقاليد " 💕

33

حب_تحت_رحمة_التقاليد🔥🔫💏
#الجزء_الثاني😍🌸
#الحلقة_33
🌸#Mîss_Rõssįlã🌸
#بااك
يجري بكل ماعطااه ربي من قوة ...ويتلفت ورااه
جاه صووت جااسر من بعيد ينادي عليه ...وقتها
عرف أنو كشف النفق ...خاطرو قدر يلحق بيه
بسرعة هاذي ...بدى يكبس على سنيه من الغش ..
توقف ينهج ...وساند بدنو على الشجرة ...يرد
في النفس اللي تقطعلو ....وبدى يتكلم :
قيصر : أوووه يا ولد العم طلعت ذكي ...مخيبتش
ظني ...ايجاااا....ايجااا....نستنى فيك ...
يصيح بأعلى صوتو ...بش يسمعو ...كابس ايدو
على الزنااد ...يستنى فيه على ناار ...بش يخلص
عليه ...ويشفي غليلو منو ... رد عليه ...
جاسر : علاه شكنت تسخايلني ...سلم رووحك
خيرلك ...متلزنيش  نستعمل القوة معااك ...
قيصر : هههههههه ....خوفتني والله ...ايجا شوفني
نترعد من الخووف منك ...مش رح نخليك تنال
مراد ...مش رح تعفس عليا كيف كل مرة ...مش
رح تهيني وتمسح بيا الأرض ...هذي المرة الدور
عليك ... أنت اللي رح تعاني من الليلة هذي ...
رح تتوسل أني نعيفك وتتوسل رصاصاتي
يقوصووك ...بصح مش رح نشفق عليك ...ايجا
ايجا يا ولد العم ...
وعلى غفلة يتلفت يلقاااه في وجهو ...وسلااح
تحط فووق رااسو ...وعينين تقدح نااار ...تخزرلو
بقرف ...باشمئزاز . ..يمكن شفقة ...ماترى كان
نظرة عيوونهم تحت ضوء القمر ...الصمت اللي
بينهم طول برشا ...ونااار اللي داخلهم مزاالها
شاااعلة ...فرقهم الحسد والبغض ...بسبب
العاداات والسلطة ...والتنافس على الآغوية
خلاهم يولو أعدااء ...ويوجهو سلاااح على بعضهم
بدل إنهم يشدو إيدين بعض ...وكتف لكتف ...
بصح الواقع كان ليه كلااام آخر ...
كسر حاجز الصمت ...وقت غفلو وعطاه ببونية
لكرشو ...خلااه يوخر لتالي مرهوج ...وطيح
السلاح من إيدو ...خزرلو بعيوون حمراااء من
الغش ...
جاسر : إذا كنت رااجل واجهني ...من غير سلااح
من غير غدرة ...احنا هنا وحدنا ...هيا وريني
شعندك ..
خزرلو بنص عين ورمى الفاست متاعو للأرض...
وسلاحو ...وقدم ليه ...ايديه جيهة صدرو ...
وبقااو يدورو ...كل واحد مخو وين رااح ...
قيصر : من وقتااش أنا نخااف منك ...وإذا على
الرجلة رح يجي الوقت ونوريهاالك على القااعدة
هيا اضرب ...اضرب وريني قوتك الكل ...طلعت
مع الدولة يا خاين ...واحنا راقدين على وذنينا ..
والماء يجري تحت رجلينا ...
عطااه ببونية لوجهو .. ردهاالو .. بقااو متعافرين
شدو الجرح اللي في إيد جااسر ...تبسم بشر ...
ووجه ضربتو ليه بقوة ...خلااه يصيح من الوجيعة
ويطيح على القااعة كابس عليه ...يتلوى من السطر ...
ضحك عليه بتمقعيير :
قيصر : هههههه ....زيد نحب صوتك يوصل لطرف
الدنيا ....(وهبط لمستواااه ...وبقى ضاغطلو عليه ...)
هذا حتى شي من الوجيعة اللي تستنى فيك ...رح
تبكي ...ورح تصيح ...رح تكسر ...بصح حد مارح يسمعك
حد مارح يشفق عليك...وحد مش رح يعااونك ...
(طلع السروال نتاعو ...وجبد سلاحو اللي حاطو فمااك
وضغط على الزنااد ...وتبسم على جنب ...وقوص
عليه في رجلو ...اليمين ...(هذا حق هذاك نهاار في
اجتماع العشيرة ) ...وزادلو رصاصة في رجلو اليسار
(وهذا حق ضربي نهاار تسمية ولد أختك ) ...
وكاان رح يزيدلو وحدة في نص قلبو ...بصح
رصاصة أشرف اللي استقرت في ايدو ...خلاتو
يطيح السلااح ...ويوخر لتاالي ...راجع لورااء ...
وبعدها تلفت وعطااه بالظهر ...وهرب مابيمن
الأشجار ...كابس على إيدو اللي تشرشر بالدم...
يحاول يبعد على البلاصة قد ماينجم ...
وفي اللحظة هذي ...جاء أشرف يجري لجااسر
اللي غارق في دمو ويئن بالوجيعة ...ينادي عليه
وصوتو يرجف ...وجهو يصب بالعرق ...وحالة
داخلة بعضها ...مفجووع ...خايف .. حاول يلحقو
بصح وين يخلي عشيرو ...وهو في هذي الحالة .
دمو عامل وديااان ...حاول يفيقو ...
أشرف : جاسر تسمع فيا ....عيش صاحبي اتحمل
جاااسر ....جاسر ...رد عليا أماانك ...سمعني صوتك
ياااجاسر. متخلينيش .....جااااسر ... نزع الحزاام
متاعو ...وربطولو رجلو بش يوقف النزيف..وزاد
نزع حزاام جااسر ...وربطلو رجلو الثاانية :
اتحمل عيش صاحبي ...اتحمل...
قومو ..وسندو عليه ...وحطو فوق كتفو ...
:هيا أتحمل رح نسعفك ...مش رح نخليك تمووت
رح نر وحو للسيااارة ....تسمع فيااا جااسر ...جاوبني
متبقاااش ساااكت ...
دمووعو نازلة على خدو ...تجري ...مش قادر يتصور
حيااتو بلاش بيه ...مش رح يتحمل ...
أشرف : تتفكر وقت لقيتني ...عطيتني إيدك
نظفتني من وسخ الدنيا ...نظفتني من السم اللي
كنت مدمن عليه ...عطيتني دار دافيه ...عايلة
حنينة ...كنت ليا  الأخ اللي جابتولي الدنيا ..
كنت ليا سند اللي نحك كتفي عليه ...وقت نتعب
ملا متخلينيش ....متسلمش فيا ...كلنا بحاجتك
كلنا مسحقينك جنبنا ....شنوا رح نقول لمرتك .
أني مقدرتش نحافظ عليك ...مقدرتش نحميك
وأنا اللي أقسمت أني نكون ليك الدرع ...الحصن
نفديك بروحي ...قوووم عيش صااحبي ...
سمعني صووتك ....
جاه صووتو ضعيف برشا ...مخلط بالوجيعة يئن
بصح في وسط هذا الكل مايخمم كان فيها ...مايلفظ
كان اسمها وقلبو كان عندها هي :
جاسر: ج.....جوري ....ج.....جوري ...
#يتبع
#Mî_Rõ