كرونيك💕 " حب تحت رحمة التقاليد " 💕

40

#حب_تحت_رحمة_التقاليد🔥🔫💏
#الحلقة_40
#Mîss_Rõssįlã
قاعدة في الصالة...حاطة ساق
على ساق..télécommande ,في
يدها...تقلب في القنوات...من الصباح
وهي تتأمر عليها...وتتشرط...كرهتها
في حياتها...زفرت بقوة واستغفرت
مولآها..وتبسمت تبسيمة كلها خبث
وشر...وبدات تعيط عليها...وإيدها على
حزامها...شهد...ياشهد...ياسخطة وينك..
جاتها تجري ...تنهج...وقفت ترد في
النفس...حاطة إيدها على صدرها...
ونطقت:نعم أمي شفما...؟؟
خديجة: قهوتي بردت أعملي
وحده أخرى...😈...جات رايحة
وقفتها ...استنى ماقتلكش امشي..
تنهدت بفدة...واصطنعت ابتسامة..
مسحت بطرف صبعها...على الطاولة..
وعملتلها بايدها...شوف الدار مغبرة
نظفها...جات تتكلم تقول...أنا منعرفش
...قطعت عليها ...وقت صاحت..إبدى..
نحبها تشعل...عملتلها براسها بمعنى باهي..
هذي البداية ومزال ياشهد يابنت نجية..
ندمك على الساعة اللي دخلت فيها داري..
بدات تمسح في غبرة...وتسعل...قعدت
تمسح في نفس البلآصة ...حتى غزلت
خديجة...وخلاتها تصيح عليها...:وقف...
متشوفش ياخي...عمى يعميك تي جوري...
أصغر منك...وكل صبع بصنعة...وأنتي..
قحرت فيها...وعوجت فمها...مافالحة كان في
تمعشيق..منعرفش ولدي..شنوا حب فيك...تحبو
حبة وتعضو كلبة..تسمع فيها...مهبطة راسها
من غير ماتحكي كلمة...جيست دموعها نازلة
قطع عليها صياحها...أحمد خارج...من غرفة...
يمسح في عينيه...وتكلمبصوت النوم...شبيك تصيحي...يابومة...حرمتي عليا النوم...جاوبتو
بعصب..
خديجة: رانا في نص النهار...سي الشباب
موش ناقصتك...مرت ولدك تكفي وتوفي..
تلفتلها...يغزر فيها...من فوق للوطة..وعض
شفتو...بشهوة...
أحمد:اخطاك من طفلة...وأنت ما
تصدق تلقى حد...ترمي بلآك عليه...
وتلفتلها غمزها..هيا مرت ولدي أعملي
قهوة نقعد راسي بيها...وعيون كلاتها
ماكلة...وشدها من يدها يكركر فيها وراه..
خلاو خديجة تتحمص في بلاصتها وتغزل
قريب يطرشقلها عرق...
ما فكت إيدها منو كان بسيف...خافت
منو وقت شافت نظراتو ليها...اللي عراوها
وهي لآبسة...حشمها على روها..بعدت عليه
وراحت تجري لغرفتها...دخلت وسكرت الباب
على روحها ترمات فوق الفرش...تبكي  بشهقة
شي من تهنتيل خديحة ليها...وشي من نظرات
الشهوة والرغبة اللي راتهم في عيون أحمد...
عرفت علاه مراد صاح عليها الصباح...وعلاه
قريب ضربها وعصب من لبستها...حطت
إيديها على كرشها تتحسس في ولدها..
تحب تاخذ قوتها منو...لأنو اللي جاي رح
يكون أعظم...رح يتعبها.. من صغرتها
عايشة في النعيم...على راسهاريشة
والخدم داير بيها...ماتخمم في شي...
رح تتحمل تعيش هذي العشية...قداش
رح تصبر...قداش رح تبقى صامدة وقوية
تنهدت  ومسحت دموعها...ونطقت:
حبي لمراد...رح يقويني ويخليني واقفة
على رجليا...أنا اخترت هذي الطريق
ولازمني نتحمل عواقب اختياري...
متخافش ماما...انا معااك وبابا زاد...
_تروح وتجي في الصالة ...رح تطرشق
من العصب...تفرك في يديها في بعضهم...
وتمتم بينها وبين روحها...الله يلعنك يا
موصيبة وصلت فيك ....تتشهى مرت
ولدك...طول عمرك خبيث ...وخصيص...
متتغيرش...الله يحرقك...آه ياربي...
صبرني...تعبت...صبرت..وقبلت هعيشة
الكلبة على خاطر صغاري....محبيتش
نيتمهم...ولا نخلي داري....الله يسامحك يابابا...ويرحمك...ياربي لو يعرف مراد
بنظرتو الخبيثة لمرتو...رح يقتلو..ويشرب
من دمو...موش رح يشفق عليه...
شنوا نعمل أنا...وتضرب بيدها على
راسها... فيقها على وضعها...وقت مراد
دخل...مسحتدموعها بالزربة...متحبش
يراها...بهذي الحالة..
مراد: أمي ...ويني شهد...فما موضوع
خديجة: تلقاها في بيتها...من وقت خرجت
وهي قافلة على روحها...ظهري إنقسم...
من الصباح ماقعدت دقيقة..عملت كل
الشغل وحدي ...عقلو موش معاه جملة...
يخمم  كيفاه يفاتحها بالموضوع ويخبرها
من غير مايفجعها ولا يرعبها...موش يسمع
فيها...صوتها حاسو بعيد برشا...نطق من غير
مايخزرلها..
مراد: أمي جوري قوصت جاسر...
خديجة: كذبت وذنيها اللي سمعتو...وساعت
عينيها من الصدمة..تلفتلو...وجها ملامحو
باردة مايفسر شي...تسأل فيه بعينيه...تترجى
فيه..انو يطلع يكذب...خيب أملها وقت عملها
براسو لالا..عيطت عيطة...قلبت الدار بيها...
صاحت باسمها جووووووري....بنتي...روحي..
دموعها تجري على خدها...حرقتها...وحرقت
قلبها عليها...كل شي انت السبب فيه...انت
ومرتك...ضيعتو بنتي...تضرب فيه لصدرو...
شعملتلك أختك...حتى تظلمها...رميتها للنار
بايديك...موش رح نسامحك كان تجرالها
حاجة..جات شهد تجري وقت سمعت صيحتها
سالتهم  مرعوبة....شبيها جووري؟؟
خديجة: وعندك وجه تسأل بيه...أخرج عليا
منحبش نرى وجهك...انت السبب انت
وصاحت فيها حتى قفزت...تلفتت لمراد
تسأل فيه بعينيها لعله...يتكلم...لكن هو
هبط راسو من غير مايحكي كلمة...وخرت
لتالي...وخزرت فيه بعيون كلها لووم...
وخيبة أمل..وقهرة.. صحيح تقهر عليها...
أما أمو عندها حق هما السبب في اللي صار الكل...مخمموش في نتائج علاقتهم...مفكرو
في حتى حد من غير أنفسهم...حبهم كان
أناني ودمر كل شي...في طريق...كان كيف الإعصار...تكلمت بصوت مغصوص هي مليحة
توا!؟ شنوا عملو فيها...عيش ولدي  أمانك ...نحب نراها...تترجى فيه بعيونها عملها براسو باهي..
وعنقها يهدي فيها...حتى هو قلب دم على أختو..
صغرونتو...ندم برشا...وقت ضحى بيها...وسلم
فيها...مايفيد ندم توا...لازم يلقى حل ويخلص
أختو...ويخرجها من هذاك القصر في أقرب
وقت...
..
.........................................................
#Mîss_Rõssįlã.      علقوو في ريبووووووند