#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_57
🌸#Mîss_Rõssįlã🌸
💕 كل شيء يتحول إلى ماضي ...إلآ اللحظة التي ينكسر فيها القلب 💔..تبقى حاضرة إلى
أن تموت ..💕
🌸فيقني على وضعي وقت رجع ومعاه الطبيب...
الطبيب: حمد لله على سلامتك مدام...طلعت قوية...
جاسر: (ڨحرلو ) كان تعاينها مش خير ...
بهتت في جرأتو ....حتى وجهو حمار بالكل وعروقو برزت ..شديتو من ايدو نهدي فيه ...قرب عايني وقاسلي ضغطي ...وعمل كل شي يلزم ...ووصى الفرملية كل ساعتين تتفقدني ...جاء يحكي بصح قطع عليه
جاسر: من غير ماتعب روحك دكتور .. أنا نخبرها ...وسامحني حاب نبقى وحدي مع مريتي ...جيست ضحك على هبالو ...
هو: مرة اخرى حمد للله على سلامتك ومن غير ماتعبها مسيو ...ومتكثروش زحمة هوني لسلامتها...وخرج وهو يتبسم...
(والله لا يحشمها ...تمنيت تنشق الأرض وتبلعني .. ) شرقت وبقيت نسعل ....قربلي كاس ماء.
هو: اشرب ياروحي ...صحة... صحة. .. ليك ..
قطع علينا وقت دخلت الناس الكل عندي...أمي ...مراد..شهد..أمي نجية....عمي الطاهر...الكل قربلي غير هي بقاات بحذى الباب مهبطة راسها ..
أنا: أمي. ...أمي...ولا معادش تحبني كيف قبل. هيا ايجا ..قرب...(وكأنها كانت تستنى فيا ناديلها . جراتلي ...وحضنتني بكل قوة ...ناسية اني مزال كي فقت من غيبوبة... أنيت من الوجيعة اللي سيطرت عليا .. حتى بعدت عليا..
هي: سامحني ياروحي...سامحني مش بقصدي ...سامحني ...
هما : حمد لله على سلامتك خوفتنا عليك ..
مراد: شفتوها كيف القطة بسبع رواح ...مش قتلك ياخويا انها قوية ورح ترجع ...اصلا هي عملتها بلعاني ...بش تخوفنا عليها وتشوف معزتها عندنا ...
أنا: صار هكا يامراد احمد ربي اني مريضة ...ولا تعرف شنوا نعمل فيك ...
خديجة: هيا شد قدرك مراد ...ولاحد يغشش بنتي ...
مراد: صار هك عجووز ...عيب عليك فيسع مابدلتني ...
شهد: احشم مراد ...شبيك استلمتها ياخي ...عيش اختي اخطاك منو ...
أنا: من غير ماتخمم حبيبة ...وينو جود متوحشتو ...
شهد: خليتو عند امي فاطمة غدوا نجيبولك...
نجية: حمد لله يابنتي على سلامتك خوفتنا عليك...
أنا: الله يسلمك أمي ...
فرملية: هيا ياجماعة مريضة لازمها راحة من فضلكم خلوها ترتاح...واحسن يبقى معاها شخص واحد عالأقل..
جاسر: أنا بالطبيعة...هيا ياجماعة بسلامة ...في امان ربي..
الطاهر: والله لا تحشمها...طرد فينا عيني عينك ...
خديجة: نجيبلك حوايجك ونرجعلك ياروحي...خوفتني عليك يانوارة عيني ...
أنا: مطولش عليا ...نحبك يا أمي...
قربتلي وطبعت بوسة على جبيني لخصت فيها كل محبتها وختمتها بتحضينة دخلتني وسط ضلوعها نستني في وجيعتي ...كانت كيف البلسم تحط على جروحي ..وهي شذنبها غير انها ضحية كيفي...وخلوها تشاركهم جريمتهم من غير ماتعرف ولا تقصد....وبرجوعي للحياة خذيت فرصتي ومش رح نضيع ولا ثانية وانا بعيدة على عايلتي ...لنهم سبب قوتي ووجودي ...
*∞*∞أخبئك عن الجميع ...لأنك أخطر أفكاري *∞*∞*
*∞*∞*لأنك الفكرة التي تهز عرش الطمأنينة *∞*∞*
*∞*∞*وتنسف كل مافي الروح من السلام*∞*∞*
*∞*∞*ولأن الأمر لو انكشف أكثر*∞*∞*
*∞*∞*سيفقد هذا الغموض *∞*∞*
*∞*∞*جلالته وطهارته*∞*∞*
*∞*∞*لأنك #خطيرة جداا*∞*∞*
#يتبع
#Mî_Rõ
أنت تقرأ
كرونيك💕 " حب تحت رحمة التقاليد " 💕
عاطفيةكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
