كرونيك💕 " حب تحت رحمة التقاليد " 💕

27

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_27
🌸#Mîss_Rõssįlã🌸
∞🌸واقف بحذى النافذة ...على أعصابو ..
ومخو مش معاه جملة ... يرحي في دخاان
السيڨار ورى خوه ...رجعت بيه ذاكرتو
لهذاك النهاار ...وقت عمل أكسيدو ..
#فلاش_بااك ..
وجيعة كبيرة في كل بدنو...حاس روحو
تقول واكل طريحة ... بقى يفتح في
عينيه مرة ...ومرة أخرى يغمضهم ...
بداات الرؤية توضااح قدامو غير
بشوي ... جبهتو تسيل بالدم ...فتح
حزاام الأماان. .. ونزل من السيارة
يدهشر ...عمل طلة عليها يلقااها خالصة
تحطمت الواجهة الأمامية ...ضرب بساقو
على العجلة من العصب ...
قيصر : أووف ...أووف ...كان ناقصني أنا..
الحاجة الوحيدة اللي بقاتلي من أمي ...اليووم
بسبتك ياجاسر خسرتها كيف كل مرة أنت
السبب الوحيد في وجيعتي ومعاناتي ...
قدااش نقمت عليك ..وكرهتك أكثر ..يحكي
وعينيه تشاعل ناار ...يضرب على السياارة
بايديه اثنين ... كانت هدية من أمي بآخر
عيد ميلاد ليا ...بآخر نهاار ليا معاها ...بصح
أنت دمرتها ...قضيت عليها ...إلا ما ندمرك
ونخربلك حيااتك ...أنا جاايك ...جاايك ...
أمي ...غالية ...حيااتي ...سامحني ..مقدرتش
نحفظ أمانتك ...سامحني ..ونزل على القااعة
يبكي بقهرة ...بوجيعة ...أول مرة يبكي ..
وتنزل دمووعو ...اشفى على دموعي ...رح
نبكيك بدالهم دم...ونخليك تهبل وأنت تمشي
وحدك وتحكي مع روحك ...وهذا وعد مني
ليييك ...مسح دموعو ...وجبد تلفونو ...
وعيط لواحد من رجالو ...كابس بونيتو ..
اللي ملطخة بالدم ...حواجبو مقطبة في بعضهم
ويتحلف في سرو ...
#Back
فاق من سرحتو على صوت إيهااب يناديلو ...
حمحم وحاول يبين هادي عاللخر...تمالك روحو
وخرج صوتو من غير مايبين شي...
قيصر : احم ...أنعم نسمع فيك ..
إيهااب : آغا شاحنات الأسلحة قربت توصل ..
قيصر : باهي ...ملا خلي رجال متفطنين
منحب حتى غلطة ... خلي عيونك مفتحة
عشرة على عشرة ...
منذر : ماتقلقش روحك قيصر ...خذينا كل
احتياطاتنا ...خليك مطمن ...
قيصر : هذا كان كلامك آخر صفقة ...كنا رح
نتكشفو بسبب بهامة رجالك ...
مصطفى آغا : شبيك من قبيل شاعل فينا ياولد
قيصر : شد قدرك مزالني محتارمك لحد هذي
ساعة ...كانكم عرفتو الخاين اللي في وسطنا
مايطلعليش الزبل لراس ...خلوني رايض
خير ما نفرغ سلاحي في روسكم الكل ...
وخرج لبرى مخليهم في حالة ...كل حد فيهم
خايف على حياتو منو ...
_واقف بعيد كيف الصقر اللي حاب ينقض على
الفريسة نتاعو ...يراقب فيهم بكل هدوء...وبكل
حذر...مش حابهم يفلتو من ايدو هذي المرة...لازمو
يقضي عليهم ...ويخلص الناس من شرهم ومن سمهم
اللي رهجو بيه الشباب ...جاه أشرف من وراه ..
أشرف: آغا المنطقة الكل تحت سيطرتنا ...وزعت
رجالنا في كل النقااط المهمة ...تلفت ليه بوجه بارد
مايفسر شي...ماتقدر تفهم من ملامحو حتى حاجة ..
واقف وقفة كيف الجبل اللي مايهزو ريح ...
جاسر : بعثت خبر لسيف ...
أشرف : إيه آغا ...مزالو في الطريق ...
جاسر : منحب حتى ضجة ...قتلو كما وصيتك من
غير حس سيارات الشرطة ...وأحسن يجو في
الزي العادي مش الرسمي...
أشرف : كونك هاني ...نفذت كل شي أمرتني بيه..
خليك هادي يا آغا مش رح ينفذو هذا المرة ...نوعدك
قطع عليهم السيارات اللي توقفت ...بعيد شوي
عليهم ...نزل منهم سيف ورجالو (أكيد رجال
موثوقين ويقدر يتكل عليهم )...
سيف : أهلا بعشيري ....مزال ماوصلو صحابنا ..
جاسر :هلا بيك ...على قريب يجو ...مابقاش قد
اللي فاات ...تلفونو يفيبري في جيبو ...جبدو
ووقت شاف المتصل خزرلهم ...وبعد عليهم ورد
ألو ...
صقر : شصار جاسر بدات العملية ولا مزال ..
جاسر : مزال ...علاه اتصلت مش بش تسأل
على الموعد... شتحب نسمع فيك ...
صقر : لا منحب شي ...جيست تقلقت حبيت
نسأل ...أنا على أعصابي ...
جاسر : وقت تخلاص هذا الحرب ...نظن من
حقي نخبر مرتي ...بالحقيقة ...مش رح نسمح
تسكتني المرة هذي ..
صقر : إيه من حقك ....تعرفني منعتك على خاطر
مصلحتك ومصلحة البلاد أول شي ...الوطن
ديما في صدارة وأول إهتماماتنا ...ولا عندك
كلام آخر ...
جاسر : صحيتك ديما شدني من الإيد اللي توجعني
وتوا خليني نسكر ...عندي شغل أهم ...بعد
العملية نجيك ونتفاهمو ونحكو بالمستريح ...
سكر عليه وتنهد تنهيدة من عرووش قلبو ...
مقدرش يسكت صوت ضميرو اللي يأنب فيه
وينخرلو في مخو كيف اللبرة ...ضرب بايدو
على شعرة بعصب ...شي اللي خلى سيف
وأشرف يخزرولو وبعدها تلفتو لبعضهم ...
متعجبين من أمرو ومتحيرين عليه ...عارفين
الصراع اللي هو فيه ...ساخفين على حالتو
اللي بين نارين ...وصل مسااج لأشرف فتحو
بالوقت ...وتبسم على جنب ...وتكلم ..
أشرف : آغا صحابنا وصلو ...وغمزو بمكر..
شد روحو مش وقت ضعف ...هذا وقت
المغامرة والإثارة ...
جاسر : مرحبا بيهم ...حتى أنا عندي مدة
ماستعملتش سلاحي ...ايديا تاكل فيا ...
نعطوهم شويا وقت يطمنو فيها ...وبعد
اشارتي نبداو ...وتبسم على جنب ...ولا
غلط سيف صاحبي ...
سيف : كلام في الصميم عشيري ...الليلة
مزالها في أولها ...∞🌸
#يتبع
إذا حابين الإثارة أعملو جام ولا جادوغ للحلقة
ملتقانا مع المغامرة والأكشن في الأحداث الجاية
أربطو الأحزمة ...وحضرو رواحكم
#Mî_Rõ