كرونيك💕 " حب تحت رحمة التقاليد " 💕

18

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_18
🌸#Mîss_Rõssįlã🌸
∞🌸كسرت قلبي وظننت أنك قوي ...
∞🌸كويتني بنار وقلت أنك ستشفيني ...
∞🌸هذا القلب الذي مد لك يد الحب ...
∞🌸هو الآن يوجعني بنار تحرقني ...
∞🌸لم تخف على وجع قد يضيعني ...
∞∞∞∞∞∞∞∞∞∞∞∞∞
∞🌸 راقدة محملة بنتها كابسة عليها...مزيرة عليها
عندها...تقول رح تهرب ولا رح يخطفوها منها... كل
ربع ساعة تفيق تطمن اذا سيف جنبها ولا لا ...
مزال الخوف مسيطر على كيانها...وكل وحدة كانت
في بلاصتها اكيد رح تبقى مرعوبة وخايفة كل الوقت
أصعب شي انك تتحرم من عايلتك...تتحرم من حريتك
تتحرم من بنتك قطعة من قلبك...تبقى بعيد عليها...
تبكي متكونش جنبها....تجوع متلقاش شكون
يرضعها ولا يشربها...البعض يعتبرها مجرد تفاصيل
بسيطة ماتضر بشي...بصح قلب أمو عندو كلام
آخر...يتأمل فيهم ومخو بعييد...متوقعش الضربة
تجيه من أقرب الناس ليه...من خوه الي كلا معاه من
نفس الصحن...اللي شرب معااه من نفس الكااس...اللي
تقاسم معااه هم الدنيا...عاش معاه الدنيا ، حلوها ،
ومرها...عمرها ماكانت الثقة العميااء نقطة ضعف
تستغلها النااس وتطعن بيها في نص الظهر...فيقو من
سرحتو تلفوون اللي نوقز...خلى جوليا تفيق مفجوعة
من بلاصتها...مارجعها لبلاصتها كان بسيف...يحاول
يهدي فيها وقربها ليه أكثر...
سيف: أششش أنا هوني متخاافش...جيست صوت
تلفووني...ارجع ترقد انا جنبك...يحكي ويمسح على
شعرها في نفس الوقت...
جوليا : ابقى جنبي...متروحش..
سيف : باهي ياروحي ارجع ارقد وانا جنبك...
بقى على هذااك الحاال حتى حسها هداات ونفسها
انتظم عرفها رقدت بعد عليها غير بشوية...وغطااها..
وباسها من جبينها...ويحكي في سرو « نوعدك ترجع
كيف قبل..وهذاك الكلب حسابو مزال ماوفى » ...
هز تلفونو يلقى رسالة وصلتو من عند جاسر...
٭٭حاجتي بيك ايجا بعد نصف ساعة لبلاصة العادة ٭٭
عوج فمو على جنب وحك راسو ...انشاء الله خير
طالبني في نص الليل...حط تلفونو في جيبو ، وحمل
مفاتحو وسلاحو وخرج غير بشوية بش ميفيقهاش..
راح لأمو...دق الباب ودخل..يلقاها فايقة المصحف في
ايدها تقرى فيه ...
سيف : أمي حاجتي بيك إذا ماعندك مانع ...
امو : ايه ايجا وليدي ادخل شبيك واقف على الباب ..
وأشارتلو بايدها على الفرش بش يقعد حذاها..
سكر الباب ورااه ... وراح قعد جنبها ...سكرت المصحف
وحطت نظاراتها على جنب ...ايه نسمع فيك ..
سيف : أمي جوليا حالتها مش عاجبتني ، ديما تكوبس
وتفيق مرعوبة...شنعمل والله حرت وحار دليلي...
أمو : أحسن شي استشير طبيب نفساني حتى اللي
عاشتو مش قليل يمكن مع جلساات تتحسن حالتها..
وانت ياوليدي كوون قوي وحطت ايدها على كتفو
تمسح عليه ...
سيف : باهي من غدوا نشوفلها...مهم جيتك بش
تبقى معاها ، لازمني نخرج عندي شغلة مهمة ...
أمو : شنوا في نص الليل تحكي من عقلك ...
سيف : كأنك نسيت إني ظابط في الشرطة وخدمتي
معندهاش وقت محدد ...
أمو : علاه بقى فيا عقل بعد اللي عشناه ...مهم رد
بالك على روحك...ومن غير ماتخمم في جوليا
روح متهني هي بنتي قبل متكون كنتي ...
سيف : ربي يخليك لينا ياغالية وباسلها ايدها ...
بوسه كلها معزة وامتنان وحب على قلبها الطيب
ولأنها أمو قبل كل شي ... أنا نخليك أمي وابقى
منغير ماتوصلني للباب ...
أمو : باهي روح في أماان الله ياروحي ..._ركن السياارة في الموقف ، ونزل راح لجيهة البااب
جبد المفااتح فتحو ودخل ...فما عيون كيف الصقر
حاقدة ، ناقمة ،  تتشااعل كيف الناار من الكره ..
تراقب وتترصد فيه من بعيد ...وايدها على زنااد
السلاااح متردد إذا يقوص ولالا ...دخل يلقى الدنيا
كلها كاسيها الظلاام ...شغل الأضوية ...وتوجه لغرفة
تغيير الملابس بدل حوايجو ...لبس سيرفاتمو في
الأسود ...وتوجه لحلبة الملاكمة ... دخل لنصها ...
وبقى يلف في طرف الشااش على إيدو ...وقت
خلص بدى يعمل في حركاات ويحرك في ايديه
بش يسخن البدن نتاعو ...مخو سارح لبعييد ...
كلاام كل حد فيهم يتعااود  في راسو ...عامل ضجة
قوية في مخو ...الشي اللي خلااه يتعصب وعروقو
تبرز  وعضلاتو  تتكبس ...وبدى يضرب بكل قوتو
في كيس الملاكمة ...كل ضربة يتخيلها في عبد
نااقم عليه أكثر ....يضرب ويضرب محبسش جملة...
هكا يفرغ كل الطاقة السلبية اللي مثقلة كتافو ..
وكابسة على قلبو كيف الصخرة ...بقى على حذاك
الحاال حتى جذب انتبااهو خطواات رجلين اللي
تقرب منو ...محبسش التمرين نتاعو ...بصح بقى
متفطن ...ووقت حسو قرب منو ...كبس البونية
نتاعو وضربو بيها...بصح سيف كان أسرع منو
واتفاداها بكل سهوولة ..
سيف : اوووب اووب ..تهدن صحبي ...شبيك
ناوي عليا الليلة ...
جاسر : هههه هذا أنت ...فكرتك شخص آخر ...
ينهجوالعرق يصب عليه ...★منظرو يغري أي وحدة
تركز معااه ومع بدنو ...عينين حمر كيف الجمر...
جبين يصب بالعرق ...وشعرو طايح عليه يقطر
بالعرق .... عضلات ايديه ...بطنو (عضلات سداسية)
مكبوسة .. عروقو بارزين ... شي يخليك تسخف
😍😍★
سيف : علاه طلبتني في نص الليل غير الخير ...
جاسر : خلي نبدلو البلاصة وبعدها نخبرك بكل شي ..
سيف : خلاص فهمتك من غير ماتكمل ...بدل
حوايجك وخلينا نروحو  ...
جاسر : استناني شوي ونرجعلك ...راح دخل دوش
بزربة ولبس حوايجو ...وخرج يلقااه قدام السيارة
نتاعو متكي عليها وشاعل سيقارو ينفخ فيه ...
بصح مبين حالتو مش أحسن من حالة جاسر ...
سكر الصاالة ولحقو ...
جاسر : نروحو لبلاصتنا متاع زمااان شرايك ...
سيف : باهي كيف ماتحب ...تروح في سيارتك
ولا معايا ...
جاسر : جاء رح يركب في السيارة نتاعو بصح
بعدها بطل ...خلي نروح معااك ودوك نخلي أشرف
يبعث واحد من رجال يجي يرجعها للقصر ...
سيف : هيا ملا ...استناه ركب وقلع مخلي العجااج
وراه ...كلهم مسرعين في القياادة ... وقت راحو
خرج من البلاصة اللي كاان متخبي فيها ...
؟؟ : ملا زهر عندك قط بسبع روااح ، هذي المرة
منعت ياجاسر آغا ، كنت رح تصير شقووف ورمااد
بصح مزال ممنعتش ...الحرب مزال بأولها ...
خسرت معركة اولى ...نوعدك الجاية مش رح
تمنع منها ...يحكي ويرص على سنيه ...رن تلفونو
زبط وجهو وقت شاف إسموو...ورد عليه ..ألو نعم
يا آغا ، ايه قطعت فران السيارة كيف ماقلت ..
للأسف مركبش فيها ...
!! : شنوا انتو فاشلين مخدم كان بهيم وحمير عندي..
كيفااش منع منك .  كيفااش فلتو .. علاه ماقوصتش
عليه ...(يصيح عليه ويسب فيه قريب ثقبلو وذنو)
؟؟ : بصح يا آغا انت أمرتني ..
!! : سكر فمك خير مانبدى فيك وفي اغا نتاعك ...
ارجع فيسع قبل مايشوفك حد ...
؟؟ : أمرك يا آغا وسكر ...جاي وقتك انت بعدو ..
الا ماندمك انت على تفرعينك ...رح نخلص حسابي
معاكم الكل ...وبزق على الأرض ورجع سلاحو لخصرو
وركب في السيارة نتاعو وقلع ....
★🌸وإذا العيون تحدثت بلغاتها ...قالت مقالا لم يقله
خطيب ... في ساعة اللقيا  تذوب  همومنا ... ويضيع
زهر السعادة الطيب ... 🌸★
#يتبع
امممم عارفه دخلتكم في بعضكم بصح اعطوني
توقعااتكم واتفاعلو لأنو مابقااش وتخلااص الكرو
رح نكملها لأنو تفااعل يفشل ليلتكم زينة ..
#Mî_Rõ