كرونيك💕 " حب تحت رحمة التقاليد " 💕

60

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_60
🌸#Mîss_Rõssįlã🌸
*∞*كيف لي أن أرى غيرك وأنت عينااي*∞*
#سيف_يحكي:حبست الكرهبة ونزلت حاط فاست على كتافي ،تاعب بزاف وحيلي مهدود عظامي مدقدقين،كل عظمة تقول لختها يزي،حطيت مفاتح في قفل الباب وفتحت،الحس بايت في الدار ،وأضوية الكل طافيةظاهر راقدة،هملتها الفترة هذي بزاف،لاهي بالقضية متاع مهربين،وتحقيق مع منذر اليوسفي وجماعتو هلكني،لاحبو يعترفو لا حبو يريحوني والأدلة اللي جمعها ايهاب آخر مرة،تلفها قيصر كلها،ماقدرنا نوصلو لحتى شي،طلعت الدرج هذاك بطلوع الروح،قابلتني بيت تالين مفتوحة وضوء خافت جاي منها رحت ليها ودخلت من غير مانعمل حس،غير بشوية نلقاها غاطسة بنوم صغرونتي محلاها كيف أمها فولة وتقسمت في غياب أمها لا ريتها لا حبيت نشوفها كل ظني أنو هي السبب في موتها،حملتها ذنب هي ماعندها فيه حتى دخل نقمت على الناس الكل وقتها،قربت من فرشها وقعدت مقابلها نمسح على شعرها بحنية،وقربت خشمي نشم في ريحتها الحلوة،خلتني نهدى وننسى كل تعب اليووم ياروح بوك انتي ، نتمنى تسامحني لني فرطت فيك وخليتك وحدك،في وقت انت كنت بحاجتي،سامحني ياقلبي ماحسيت كان بجوليا واقفه ورايا حطت ايدها على كتفي تلفتلها لقيتها تتبسملي وطمنتني بعينيها أنها بحذايا،محلاه وجهها وضوء القمر الي ضارب فيها،عطاتني ايدها شديتها  وقفت معاها وبقيت نخزرلها،كأني أول مرة نراها،مركز معاها ونثبت في كل تفصيلة في وجهها مش مصدق انها معايا وبين ايديا،حاسس كأني في حلمة،مشيت معاها لبيتنا قعدت وقعدتها في جرتي ،مركز مع شفافها عينيها نيفها خدودها شعرها ،سارح في كل تفصيلة كانت ليها فضل في نحت هذا الوجه اللي خلاني نعشقها ونحبها كيف ماهي ، عفويتها وبرائتها هبالها في مراهقتها ورزانتها في مواقف الصعيبة، وقفتها. معايا وقت خسرت بابا وكل شي عملتو على خاطري خلتني نحبها ونفنى فيها:
أنا: توحشتك ...صحيح كنت معاك الصباح بصح كأنك غبت عليا عام بكلو، متوحشك عاللخر كان هم هذيكا مش وقتها بالكل 😑
جوليا:سييييف.، وزيد نعمل روحي  صدقتك ، علاه مرديتش على تلفوناتي ومساجاتي ...خفت وقت مرديتش وتقلقلت عليك
أنا: سامحني ياروحي الخدمة خانقتني يامات هذي ، وإذا على تلفوني خليتوفي بيرو، نوعدك وقت تخلص القضية،نبعدو من هوني أنا وإنت وبنتنا، نظن هكا مريڨل😉
جوليا:يا تحكي من عقلك، يعني رح نكونو وحدنا كيف ماحلمنا،جيست ثلاثتنا بعاد على الناس الكل 😍
أنا: ايه ياروحي ❤رح نحققلك كل شي تحب عليه،وتحلم بيه زادة انت جيست اطلب أميرتي😘
جوليا: نحبك،نحبك،نحبك(وهجمت عليا بالبووس )
أنا: ابقى رايضة أطفلة،رح ننسى إنك مريضة ونهجم عليك ناكلك😂😂😂(خزرتلي ببهته ، حطت ايدها على فمها وهبطت راسها،خوفها واضح من عينيها اللي فضحوها)
أنا: 😂😂😂، مزالك تحشم،عمبو عمري على  الحشامة متاعي،ايجا عندي،ايجا،متخاافش،ضحك معااك ،تعرفني منحبش فيك دقة الشوكة(قربتلي، وحضنتني وهي مكبشة في شوميز متاعي،طبعت بوسة على راسها وغرست خشمي في شعرها نستنشق في ريحتو،اللي تهديني وتريحلي اعصابي)بقينا هكا مدة،وبعدها بعدت عليها 💕
أنا: ارجع ارقد،نعمل دوش ونرجعلك هيا فيسع متبقاش مبحلقة فيا(نقلع في الشوميز متاعي ونحكي معاه فرد وقت،وفرخة مركزة معايا )
جوليا: باهي، تلقاني نستنى فيك،تعرفني منقدرش نرقد بلاش بيك😢😅
أنا: هفني يافصعونة ،قول عامله من صدرك مخده ومن غير ماتبقى تهف فيا 😂😉
جوليا: أنا ....أنا ....نحب نرقد(دخلت في فرش وعطاتني بظهرها،تفلقت بالضحك عليها وخذيت منشفة ودخلت لبيت البانو) .
جوليا: زايد متحشمش،ديما يعمل عليا بفعايلو ملا مهبول،نموووت عليك السخطة متاعي (عنقت مخدتي )
فيقها من تخمامها مساج اللي وصل لتلفوني،بقاات مدة مترددة اذا ترد ولالا،وبعدها جبدتو من مكتوب الفاست متاعي ،وفتحتو تلقاااه من مراد(صاحب سيف مش اخ جوري متذكرينو)،ايديها ولاات ترجف،وقلبها يدق بالقاوي ودموعها تحجرت في وسط عيونها حمارت بكلها،مش قادرة تقرى لنو الحروف داخلة بعضها،مش قادرة تركز .
#يتبع
#Mî_Rõ