كرونيك💕 " حب تحت رحمة التقاليد " 💕

70

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_70
🌸#Mîss_Rõssįlã🌸
#منيار_تحكي:
🌸أخبرته بشعور كنت في القلب أحفظه...حتى رأيت الصد ألوانا...ياليتني قد قضيت العمر أكتمه...فالبوح يقتل نبض الحب أحيانا🌸..
نرى في طيف امرأة ...أما وجهها مش واضح برشا ...مقدرتش نراه لابسه كل شي في الأبيض ..كل خطوة وهي تقرب مني قلبي يدق بالقاوي داخل صدري ..كأني نعرفها ريحتها مش غريبة عليا ..مديت ايدي ليها نسأل فيها ؟:
أنا: أنت شكون ؟؟ شكونك انت..متقربش ابعد..
مش تسمع فيا جملة ..مزالها تقرب ..حتى ولات واقفة قدامي بالضبط..خزرت لإيديا لقيتهم مربطة في السرير ..من قبيل كنت نحرك فيهم ..كيفاه صار هكا ؟؟ زدت دخلت بعضي أكثر وخفت برشا ..ابعدني ...شعملتلك شكونك انت ؟؟ ...حطت ايدها على كرشي وبقاات تمسح عليها بحنية ...كورون سرى في بدني وجلدي شوك بالكل ..علاه حاسه كأني نعرفها ...بقات مدة هكا اما فيسع ماتبدلت لمساتها وولات أقوى ..أقوى من اللآزم ..تضرب فيا بقوة على بطني ...صحت من وجيعتي ومن خوفي على صغيري ...
أنا: لا ولدي لا ..متعملهااش امانك ...آقف ربي يخليك ..آقف متقتلوش ..متبعدنيش عليه ...لا ..لا ..
حاولت نفك روحي أما شي ...صحت حتى راح صوتي ونهديت أما شي ووجيعة غير تقوى ...ماوقفت كان وقت رات الدم ساح من بين ساقيا ...جمدت في بلاصتي كل شي ولا اني نخسر ولدي ...سكينة تغرست في نص قلبي وفتتو قطع ..قطع ...كسرت كل شي حلمت بيه ..علاه عملت هك علاه ...لا ولدي ولدي ...غمضت عينيا بقوة وصحت بأعلى صوتي ....ولدي ي ي ي..
ووقت فتحتهم مالقيت لا امرأة لا حتى حد ...نلقى روحي في بيت بيضاء ايدي بسيروم وريحة دواء خنقتني ..دموعي نازلة على خدي ووجهي يصب بالعرق ..تنهدت من عروش قلبي وحطيت ايدي أخرى على صدري نحمد في ربي أنها كانت حلمة ووفاات ..(حمد لله..حمد لله) وقتها استوعبت اني في سبيطار ..رجعت بيا ذاكرتي لهذاك النهاار ..انا وقيصر في الكرهبة وهو يصيح وكان معصب عليا ...يضرب في الفلون بقوة ..كل مرة يرميلي كلمة جارحة بصح شبيني حزينة علاه كلماتو وقتها أثرو فيا ..علاه حاسة كأنو سكينة طعنت قلبي ومع كل كلمة ينطقها تدخل أكثر لداخلو ...مافقت كان وقت ريت الشاحنة رح تدخل فينا ...صحت ..عيطت ..حاولت نوقفو أما وخر برشا ..ودخلت فينا ...فتحت عينيا بالوقت ..مش حابة نزيد نتذكر أكثر ..حاولت نقووم أما وجيعة في بطني مخلتنيش نقوم ..سكاكن داخل لبطني تقول ضربتني كهرباء ..تفجعت وخوف سيطر عليا..حطيت ايدي على طرف غطاء ..كل قطعة في بدني ترجف ..بعدتو غير بشوية وغمضت عينيا مش حابة يطلع احساسي صحيح مش حابة افكاري تربح ...لا مايمكنش ولدي ميخلنيش كيف ما وعدتو هو وعدني وقتها انو مش رح يخليها بيا ..شفت بطني بالفاصمة ..لا مستحيل ..لا ولدي ...دموعي نزلت تحرق بوقت حرقتني وحرقت قلبي من الداخل ..علاه كل شي حلو نقربلو نخسرو ..علاه كلما نقول رح نفرح نزيد نغرق في المصايب أكثر ..علاه خليتها بيا ياروح امك ...علاه تخليت عليا في أول الطريق علاه..علاه ..نبكي بالصوت ونضرب على بطني مش حاسة بوجيعتي ولا بالدم اللي ينزف وتغطات ايديا بيه الكل ..وجيعتي ماتجي شي قدام حرقة قلبي والنار الڨادية فيه ..حلمت برشا احلام معاك ..اما انت فلتت ايدي في أول فرصة جاتك ..هو السبب هوقتلك ..هو مش رح نسامحو ..
دخلو عليا الطبيب والفراملة يجرو ..تصدمو وقت شافو حالتي ..أما صدمتهم مش كيف صدمتي ...عينيا ضايعة جيست دموعي تنزل ...بقى يصيح عليهم ..وكل وحدة شدتني من جيهة ..ورجعوني للفرش ..نكذب كان نقول قاومتهم بالعكس بقيت مسلمة ..لنو ماعندي جهدي الكل استنزفتو في صياحي وحزني على قطعة من قلبي وروحي ماتت معاه ..
هو: الجرح تفتح والقطب الكل تحلت ..رح نظطرو ندخلوها للعملية من جديد ...وانت اعطيها مهدأ ...وانت خليهم يحضرو غرفة العملياات ...مدام للأسف مقدرناش ننقذو الجنين نتأسف بزااف ..
مش نسمع فيه جملة ..لنو غصتي اللي واحلة في حلقي ونار شاعلة في وسط صدري مايعلم بيها كان ربي ..يمكن مات ولدي بسبب عمايلي وسبب شري وظلمي ..أنا اليوم نتعاقب على شر اعمالي ..ومش رح يحس بيا غير اللي عاش نفس وجيعتي ...صعيب برشا تدفن ضناك وقطعة من كبدتك تحت التراب ..نشوف في الدنيا ضباب ..بقات عينيا تتسكر وتتفتح لين خذاتني عيني ..كأنو الحلم اللي ريتو تحقق بالكل ...وكأنو هذيكا أمي اللي ماعندي ليها حتى صورة ...علاه ماخذاتنيش معاها ..
#يتبع
#Mî_Rõ