كرونيك💕 " حب تحت رحمة التقاليد " 💕

20

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_20
🌸#Mîss_Rõssįlã🌸
∞🌸لـــــها وجــــه تحـــاســده المـــلآحُ💕✌
∞🌸تـــذوب بـــه القــــلوب وتــســتباح💕😍
∞🌸إذا جـــنَّ المــــساء يصـــير بــــدراً 💕😘
∞🌸و شــمـــسا  كـــلـــما حـــل الصباح 💕🌸
∞🌸∞∞🌸∞🌸∞∞🌸∞🌸∞∞🌸∞🌸
∞🌸في القصر الحالة داخلة بعضها ...اليوم هو يوم مولد
نتاع أصيل جود وليد شهد ...ونجية مخلات معملت
من تحضيراات هذا حلوياات هذا كسكس ومنساوش
غنم اللي نذبحت على خاطرو ...من عاداتهم يقصولو
شعرو ويوزنوه ويقيمو الوزن نتاعو. قطع ذهبية ويصدقووه على المحتاجين ...والفقرااء ...
جوري: ماما نجية كل شي جاهز وناس بدات تجي
هيا اطلعي جهزي روحك وشوية ونتبعك ...
نجية : باهي بنتي هيا مطوليش وروحي جهزي روحك..
جوري: باهي أمي...من غيرماتتقلقلي ...
راحت وخلاتها تعمل اللمساات الأخيرة ...أطبااق الحلويات
وقااطو جاهزة وسنيوة نتاع القهوة كلهم جاهزين ..
تلفتت لفاطمة ...
جوري: خالتي فاطمة أنا نطلع نجهز روحي ...اذا مزلتي
بحاجتي قولي...
فاطمة  : لا يابنتي تقدري تروحي أصلا راح الحاال
والناس بدات تجي ...
جوري: أوك أيا ربي يعينك ...
فاطمة: آمين. يابنتي ...
خرجت من الكوزينة وراحت تجري ....طالعة درج
تجري تقول حد يتبع فيها...مااتنهتش للي قدامها حتى
دخلت في بدن مضخم ...وفقدت توازنها وكانت رح
تطيح ...ترعبت بصح ايد دارت على خصرها وجبدتها
بسرعة قبل ماتطيح شي اللي خلاها تدخل بعضها..
ووجهها يولي أحمر كيف طمطومة...
قيصر: شوفي قدامك ....جوري قالها بصوت حنين
وهادي عكس نار الهيااام والعشق داخل قلبو...
جوري: تتلعثم في الكلاام ..ا....اسمحلي ....
وحاولت تفلت روحها منو ...بصح هو نسى روحو
هو وين ...وبقى كابس على خصرها بقوة...
جوري: سيبني ...عيشك سيبني...بصح هو في عالم
آخر مش معاها جملة ...هايم وسارح في بحر عينيها
العسل اللي تخليك تغرق فيهم ...وماتعملحساب
لحد ....وكل هذا صرا قداام عينين جاسر...
وخلى نار الغيرة تشعل في عينيه كيف الناار
الهايجة ...عينيه ولات جمر ...العصب يهز فيه..
جاه يجري كيف الثور الهايج مش عامل حساب
لحد....جبدها من عندو وعطاه بونية خلاه يوخر
مرهوج ...حاط ايدو على خدو ...بلاصة الضربة..
خزرلو بعينين حاقدة ...وتبسيمة شر مرسومة على
وجهو...بزق الدم من فمو...
جاسر:جوري اطلعي لبيتك (صاح فيهابعصب وجهو
مايتفسرش....أول مرةتراه بهذي الحالة أصلا هو
وقت يعصب يولي عبد آخر...وخصوصا وقت يقربو
على حاحة تخصو ...وياويلهم اذا كانت مرتو)..
جوري: جاسر اسمعني...مش كيف ماافهمت والله
أنا..أنا....تحكي بصوت مغصور.. ودموعها تحري
على خدها...تترجى فيه بعيونها أنو مايفهماش
بالغالط...
جاسر: قلت ل*****اطلعي لبيتك وماتناقشينيش...
حطت ايدها على فمها وطلعت تجري للبيت...من
غير ماتتلفت وراها...بقى يتبع فيها بعينيه...
تلفت ليه يقحرلو اليوم نهايتو...جاء لنهاية بساقيه..
سكت ...سكت ....بصح تعبى الكااس منو....
قيصر: شبيك ولد العم ...متعصب وغمزو بخبث..
جاسر: مزالو يحل في فمو...ناوي على موتك انتي..
قرب ليه شدو من كول الشوميز نتاعو...وعطاه
براس...وزادو بونية على كرشو...خلاه ياقع على
الأرض...يضحك ودم نتاعو يشرشر من فمو ونيفو..
قيصر: هذا الكل على خاطرها...هيا زيد ماعندك..
ولا خلاص...بالحق مرتك حلوة عاللخر...وعطاه
بونية على فمو ...خلاه يرجع لتالي مرهوج...
رجع عليه عينيه تطاير شر...حمرة جمر...
جاسر: تي سكر فمك يا كلب**** سكرو..
راح يجري ليه ...وطاح عليه بالبونية...
قداشك  رخيص تفي عليك...والله اليوم موتك..
اليوم نهايتك...وصلت بيك الرخس انك تخزر
لمرتي...نثقبلك عينيك قبل ما ترميها بنظرة
ياطحان....طيحو على القاعة...وعفسلو على
ايدو اللي كان شاد جوري بيها...هذي اليد اللي
نحطت عليها ....نكسرهالك بش تفكر قبل
ماتحط كسرتك عليها مرة أخرى  ...تسمع فيا
هذيكا مرتي....مرتي...مرتي أنا ياطحان ...
خرج سلاحو من خصرو ووجهو ليه..
تشهد على روحك يا كلب...وظغط على الزنااد..
وبدورو قيصر جبد سلاحو ووجهو عليه...
حالتهم  حالة...الوجه مدمدم...الشعر داخل بعضو ..
الكل يخز رلهم من الطابق الثالث ...مش عارفين
سبب عركهم ...وكثر التمتيم والشوشرة بين بعضهم...
#يتبع
#Mî_Rõ