كرونيك💕 " حب تحت رحمة التقاليد " 💕

51

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_51
🌸#Mîss_Rõssįlã
#قيصر_يحكي:
بعدما راح جاسر في الهيلوكبتر...استغليت تشتت رجال جاسر...وغفلة أشرف اللي داخل بعضو ...وانسحبت من فما من غير مانكشف روحي ونخلي حد يفيقلي...عديت عيني على البلاصة ...وخزرت لجوانب الباخرة...لقيت يوت صغير مربوط فيها...نزلت كابس على روحي...لنو وجيعة حروحي غير تويد...ودمي مزالو ينزف...حالتي مبهدلة....ركبت فيه وشغلتو وحاولت. نبعد قد مانجم ...بصح يافرحة ماتمت اشرف الكلب حالف نقتلو ...ونكمل عليه ...بقيت نراوغ فيهم ونتصدى للرصاص حتى وصلت لليابسة...نزلت نجري مش هامني جروحي المهم اني نراها ونطمن عليها..لقيت السيارة نتاعي مزالها كيف ما خليتها...ركبت وديماريت...عملت تلفون بش نعرف بلاصتهم ..مافتتش دقيقتين حتى وصلني مساج من عند واحد من رجالي فيه اسم المشفى...زدت في الفيتاس رايح ليهم...وحمد لله قدرت نضيعهم...وصلت عملت فران بالقاوي ونزلت نجري..سالت في استعلامات دلوني على الطابق اللي هما فيه...رحت ليهم معرفتش كيفاه وصلت لنو رجليا معادوش حامليني...لقيتهم الكل قدام باب غرفة العملياات ...الكل على اعصابو ووجوههم ماطمن بالخير...تلفتلي مراد وكان جاي ليا...بصح شدتو مرتو وكبشت فيه ...
مراد: ياكلب شمجيبك ولا جاي تكمل اللي بديتو...ياشهد فلتني يهديك ربي...خليني نفش غلي فيه .. خليني..
شهد: مراد اهدى يعيشك...ونقص من صياحك احنا في كلينيك...مش بلاصة للعرك ...وجوري ملوحه داخل..
بصح جاسر قرب مني ووقف قدامي بضبط عينيه ماطمن.شرارة نار وشاعلة لداخلهم ...عروق رقبتو وايديه بارزة رح تنطق من العصب...كابس على بونيتو...خرج صوتو مبحوح ودموعو نازلة تحرق...قداش حلمت بهذي اللحظة، أني نرااه عاجز وفي هذي الحالة  ...بصح مش فرحان... بعكس  ناقم على روحي وكاره نفسي لني عملت كل هذا ...فيقني من تخمامي وقت غفلني وعطاني بونية لكرشي.كبست  على يدي..مش حاب نرد عليه...لنو هذا اقل شي نستاهلو ...مخليه يفرغ غشو....وقرب مني لكمني لوجهي...طحت على الارض نزل لعندي يضرب فيا ويحكي:
جاسر:طلب ربي تعيش والله نقتلك..محابش تبطل ال**** خبرني حاب نموتو الكل حتى ترتاح...شنوة حاب ياساقط
ياطحان...علاه هيا؟؟انطق...اتكلم...
قيصر:أبعدني..أبعدني ماكونتش نحب نقتلها...هي لي رمات حالها أنت لي قتلتها...انت السبب....انت...
جاسر:شبي ****تحمل فيا فغلطاتك...أنا لي قلتلك قوص...قول لعقلك المريض هذا هو سبابك...ودمرنا بالكل ، انت خذيت روحي مني ...عجبك نشاء الله فرحت..اتفرج قدامك..وصلت للي تحب عليه...
قيصر:أنا نحب جوري مستحيل نضرها...لو كنت نعرف انها اختي مكنتش عملت هذا الكل...ماكانت نيتي نقوصها هي ...انت كنت الهدف نتاعي...وهي وقفت قدام رصاصتي...انا كنت حاب نكون عزرائيلك...والله مش بقصدي...والله...
جاسر:الحب هذا خلاها ترقد هونيك بين الحياة والموت..
(دفعني عليه...ووقف شاد فشعرو قريب يطيرو ...يمشي فهذاك الكلوار رايح ...جاي..)
قيصر:مالازمش تموت..مانجمش ناخد خطيتها...أنا حبيت نقهرك بيها...حبيت نوجعك بالغالي عليك...مهما كنت سيء مانجمش نأذي اختي...هذيكا أختي...منجمش ومكنتش نعرف...مكان في بالي بشي...اصلا انتو استغفلتوني وخبيتو الحكاية عليا ...تسمع فيا...أنت السبب لنك بقيت ساكت ...وماقلت ولا شي..حتى انت عندك ذنب في حالتها ...لووم روحك قبل...لنو  بسبب حبك رمات حالها للموت حتى أنت غلطت وسامحتك...الفرق عندك شكون يحبك يتلهى بيك ويزيد يضحي بحالو على جالك...أنا ماخايبش أنتم لي دفعتوني نكون هكا...عمركم ما شفتو الباهي فيا...دايما تتصيدوا غلطاتي كون كي جاسر..البس كيفو كول تكلم كيفو...وأنا وين فلحكاية؟ حتى خديت مرا تحبك..أنتم السبب فلصار معاي قتلت أختي...يااااربي أخر شي قتلتها قعدت على الأرض ...ضام فراسي بيديا...بدىيت نتخبط  اليوم متوجع...بديت نبكي  ورجعت لنهار اللي ماتت فيه أمي وحالتي ماكانتش بعيدة على هذاك النهار المشوم ...حاوطت وجهي بيديا..نبكي بحرقة بشهقة..نادم وندم رح يقتلني ...تعدات بين عينيا كل لحظة عديتها معاها من أول يوم مر علينا ...ظلمتها وقهرتها ...أكثر حد قسيت عليها ودفعت ثمن غلطات هي ماعندها حتى ذنب فيهم...وسبب هذا هو بابا اللي كان يعرف الحقيقة وباقي ساكت...ماتكلم ولا حرك ساكن ...كنت رح نتعدى على اختي على روحي ولحمي...مكنتش رح تسامحني ومش رح تسامحني...صحت باعلى صوتي.....ااااااااااااااااه...وبقيت نضرب في راسي على القاعة...علاه ...علاااه...علااااه...كلكم رح تخلصوها...ورح نبدى بيك يامنيار الكلبة انتي رح تخلص حق كل دمعة طاحت من عينها الاماندمك على النهار اللي خممت فيه تلعب معايا...وفسرلك عقلك الصغير انك عديتها عليا...مسحت وجهي بزربة نحاول نغطي في دموعي اللي بينت ضعفي...وتنفست بقوة....كابس فشعري حاب نطيرو...
#يتبع
#Mî_Rõ