كرونيك💕 " حب تحت رحمة التقاليد " 💕

36

#حب_تحت_رحمة_التقاليد💏🔥🔫
#الحلقة_36
#Mîss_Rõssįlã
رماوه كيف الكلب قدام الدار..وراحو وخلآوه..ماقام كان بسيف من وجيعتو...وبدنو لمدقدق من الطريحة اللي كلآها...يدق في الباب تاعب..ماعندو حيل وجهد يزيد يدق بيه...قاعدة في كوزينة ...تترشف في قهوتها...ماجاها النوم ..طول الليل تتقلب في الفرش...تخمم في جوريتها كيف عدت الليلة وهي بعيدة عليها...ضلت طول الليل معنقة وسادتها تشم في ريحتها...فيقها من تخمامها دق على الباب...قامت تفتح...عارفتو مايكون غير هو..شكون غيرو...راحت متحزمة ...متحلفة...تكب سعدو في يدو...وقت فتحت..شهقت من منظرو..وتكلمت...بصوت متشمت...
خديجة: شكون اللي عمل فيك هذا شي...وبرد النار اللي في قلبي...شكون برد خاطري...شكون ضربك...سندتو وعاونتو دخل لدار...
أحمد: نقص حسك يابومة...راسي رح يطرشق من وجيعة...اسكتي خير مانلف وجهك بكف...نوريك...تتشمتي فيا...ياقليلة الخير..
خديجة:صار أنا بومة..يعطيك الصحة...
أحمد: تعاركت أنا وجماعة...هذا الموضوع كلو...وتوا روح جيبلي دوا ينقص من وجيعتي..
خديجة: ايمت تفيق على روحك...وتبطل سوسة الشراب...ولادك كبرو وعرسو وأنت لآ بطلت هالصنعة...عندهم حق ناس زمان وقت قالو(شيب وعيب)..
أحمد: مادخلش روحك في أموري...نعرف صلآحي...بلا ماتحل جلغتك عليا وتتفيهمي...
_راقدين ،حارقين المسافة بينهم،لآصقين في بعضهم،صدرو لآصق صدرها،وجهو مقابل وجها، يفتح في عينيه،قابل وجها الملآئكي اللي يعشقو ...قرب ليها وطبع بوسة مرصوصة، جنب شفافها...حست فيه...تململت...وفتحت عينيها...وتكلمت بصوت ناعس..
شهد:bonjour يا روحي...
عينيه على شفافها...يخزر فيها برغبة...بشهوة...بحب...لزها ليه وقرب لشفافها وباسها بوسة...خلتها ترعش وتموت من الرغبة...مابعد عليها كان وقت تقطع عليهم النفس...بعد عليها يرد في النفس اللي ضاع في حلآوتها وحط إيدو يمسح على شعرها وتكلم«سامحني ياروحي كان وجعتك البارح»...
شهد:شكون قال وجعتني...الوجيعة من عندك راحة حبيبي...إنت حنين علينا أنا وولدنا😍
قطع عليهم صياح اللي جاي من صالة...تلفتت مفجوعة تسأل فيه بعينيها ...
شهد:شنوا صاير😐😐
مراد: رح نقوم نشوفهم...باهي عزيزتي..باسها من خدها بوسة مرصوصة ...
شهد:باهي...رح نلبس ونلحقك..
ناض لبس سروال وخرج لعندهم...وقت دخل عليهم رايح يحكي...اما وقت شاف بوه بهذاك المنظر...تفجع عليه..قعد بحذاه...وسالو
مراد:شكون عمل فيك هذا الكل؟!
خديجة:في رايك انت شكونهم...كان صحاب دعاوي الشر كيف حالتو...عملو فيه هذا الكل...
رفد يدو رايح يضرب فيها...وقفو مراد وقت كبس على زندو...شنوا اللي تعمل فيه بابا...اهدى...تحب تضربها وأنا حاضر؟!؟#Mîss_Rõssįlã
_دخلت عليهم شهد...(لابسه روبة بروتال في أبيض...مكبوسة من فوق.حتى لخصرها...جايه فوق الركبة)
صبحت عليهم...خزر فيها أحمد...من فوق للوطة...خزر فيها بشهوة ...برغبة...بقى مبهم وحال فمو...من شي اللي يرى فيه....كتلة اغراء...قنبلة فتنة واقفة قدامو...وهذا الكل وعيون مراد تراقب فيه...جن...نرفز...كرز...عروقو تكبست...كبس على بونيتو بقوة وعصب...زفر بقوة...يبرد في أعصابو...لو كان حد غيرو كان قتلو وشرب من دمو...قحر فيها قحرة موت ترعب...لين فجعها...عمرو لآتخيل بوه بهذي الحقاارة...توصل بيه....يتشهى مرت ولدو....عوجت خديجة فمها...وخزرت فيها باحتقار...حتى حشمتها على روحها...وتكلمت في سرها(جرايرك انت بنتي...بعدت عليا...انت السبب في كل شي صار...أما والله ورحمة أمي...نشويك كيفما شويتني...إلا مانهجك من الدار ولا مانتسمى خديجة بنت حليمة)...ضحكت معاها ضحكة صفراء...وتكلمت معاها...بحقرة...
خديجة: مبكرة برشا يالالا..
شهد:سامحني أ..أمي ..منجمتش نفيق...(بصوت غالبتو بكية)...
مراد:تكلم ببرود عكس النار اللي شعلتها في داخلو....شهد تبعني حاجتي بيك...وخرج...من غير مايزيد كلمة...
شهد: باهي...توا نرجع أمي..
_يروح ويحي في البيت...من العصب...منبه عليها...تستر روحها...وتلبس حاجة مستورة...لأنهم موش وحدهم...
وقت دخلت...خبط الباب بقوة....قريب كسرو...قفزت من رعبتها...وعيونها تملآت دموع...حصرها في الحيط وكبس على زندها.حت وجعها..عمرها لآشافتو بهذي الحالة...وجه حمر من غش ...وعيون تطاير شر...عروق رقبتو مكبوسة...
تكلم وهو يرص على سنيه(موش منبهك عليك...تلبس شي مستور...)...جاوبتو بصوت مغصور غلبتو البكية...
شهد:أ...أنا...سامحني..
مراد:روحي نحي هذي شوليقة اللي لآبستها...وصاح فيها..
ترعبت ...تفلقت بالبكاء...تبكي بشهقة...وقتها رجعلو شاهد العقل...رخف إيدو عليها...وجبدها عندو حضنها...ولزها ليه ...وتكلم بصوت خايف...ونادم
مراد:هسسسسس عيش حبي سامحني..
شهد: إ...إنت....متق...متقلق...م...مني
مراد:سامحني ياقلب مراد إنت...جيست تغششت...منحبش حد غيري يراك...تعرفني نغير عليك من نسمة الهواء اللي تلآمس خصلآت شعرك...والله من غيرتي صحت عليك...سامحني...
شهد: ب...باهي...ومسحت دموعها...
جبدها من عندو وباسها من عيونها...كل عين وحدها...نحبك ياروحي...
شهد:وانا نحبك سامحني...
مراد :مسامحك ياروحي...
شهد: نروح نغير حوايجي...ونرجع نعاون أمي...وباستو من خدو...وفعصت ....
_تنهد بوجيعة....الله يسامحك يابابا ويهديك....عيفتني في هالعيشة الكلبة..جراير عمايلك...
____________________________________________
تفاااااااعلو#Mîss_Rõssįlã