كرونيك💕 " حب تحت رحمة التقاليد " 💕

72

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_72
🌸#Mîss_Rõssįlã🌸
#شهد_تحكي:
دخلت لبيتي نلقى أصيل فاحم بالبكى ..حاولت نسكتو أما شيء..طاحو دموعي بالوقت حتى أنا منبعدش عليه جملة..اليوم عرفت أنو كنا عايشين في كذبة كبيرة ..وبابا اللي هو قدوتي وبطلي ..طلع كذاب وأكبر مجرم ايديه ملطخة بالدم ...قتل عمتي  من غير مايرفلو جفن قتلها بروح جامدة وبدم باارد .. علاه مستغربة من الحكاية لنو كانت رح تتعاود نفس حكاية عمتي ..بابا كان رح يقتلني ..بسبب العادات اللي عششت في مخو وعيشتهم في ظلامهاوفي جهلها كل هذي السنين وحتى حد ماوقف في وجهها ...جاسر خويا وروح قلبي وقطعة منو ..مايستاهلش كل شي صاار معااه ..علاه ديما الانساان الباهي تعطيلو الدنيا بظهرها ...خزرت لأصيل لقيتو رقد ..بستو من جبينو ..وخذيت نفس من ريحتو..حطيتو في فرشو ...ورحت فتحت دريسنغ نجبد في غطااء خفيف بش نغطيه ...بصح من غير قصد طيحت ورااق ..منعرفش شنوا محتواهم ولا متاع شنوا؟؟ خذيت غطيت اصيل ورجعت لبلاصتهم قعدت على ركابيا ..وبقيت نقرى فيهم عينيا تفتحو على طول ..تصدمت معرفتش لا نصيح ولا نبكي ..كأنو سطل ماء تكب عليا ...كورون سرى في بدني ورجفت بكلي...لحمي شوك ...هزيت راسي بلا ..نمنع في دموعي انها طيح ..مش حابه نصدق ولا نستوعب اللي قريتو ..
قلبت الأوراق الكل وقريتهم شحال من مرة ...لا مايمكنش يعني أنا مش رح نحمل مرة أخرى ..وليت عاجزة ...هنا البطن هذي خاوية ...فارغة مفيها شي ...علااه ....علاااااه ..نرى فيه داخل ..قاطب في حواجبو في بعضهم ...فيسع ماتبدلت ملامح وجهو ..وقت شاف اوراق في يدي ..دخل بعضو أكثر ..وفي خطوتين كان عندي راكع على ركابيه ..بقيت نخزرلو وجيعة لداخلي كبيرة ..نار. شعلت لداخلي تحرق فيا كأنهم حاطين قلبي على نار هادية ويشوو فيه ..
مراد: شهد...شهد...ياروحي ..اسمعني ..خليني نفهمك ..
حاول يحط ايدو على وجهي ..بعدت عليه ..مش حابتو يمسني ولا يبررلي شي ...فاهمه موقفو وعاذرتو ..بقيت نضرب فيه لصدرو ونبكي ..
أنا: علااه خبيت عليا ..علاه مقتليش...علاه شفقت عليا..كيفاه خزرتلي المدة هذي الكل ..كيفاه كنت تشوف في عينيا وانت تكذب عليا ..مش حابه شفقتك ...لني صرت عاجزة..شنوا رح تعمل بوحده كيفي . ..تعرف شنحس أنا توا..أنا صفيت عمياء مانشوفش...خرساء ماننطق حروف...ابعدني قلبي موجوع ونار لاهبة فيا ،ابعد متمسنيش...ابعد مش محتاجه شفقتك ...ابعد...ودفعتو بقوة ..شدني من ايديا وقربلي أكثر وجهو في وجهي ..خشمو مقابل خشمي ..نفسو سخون يضرب بالقاوي في وجهي..عينيه حمر مدمعين ..
مراد: رد بالك تعاود الكلاام هذا ...رد بالك تبعدني عليك..لنو اذا انت مش موجودة مراد مش موجود ..أنا بلا بيك مانسوا شي ..تفهم فيا انتي روحي والهوى اللي نتنفسو..مقتلكش وقتها ..من خوفي عليك..ماصدقت رجعتلي ..مكنتش حاب نخسرك.وشكون قال انك عاجزة..انت مش ضعيفة ...وكان جاء يوم وشفقت عليك هذاك رح يكون آخر يوم في حياتي ..لنو عشق ليك كبير وحبي عمرو لكان شفقة ...تفهم فيا وعندنا أصيل مش حاب غيرو ...صحتك عندي بالدنيا...نموت بلاش بيك ياروح قلبي😖..متبكيش والله دموعك تحرقني كل دمعة طيح على قلبي كيف الأسيد...منحبش هذو عيون يبكو حتى كان فرح..
رميت روحي عندو  عنقتو بقوة مدورة ايديا على رقبتو كابسة على شعرو..منعرفش شنوا اللي نحس فيه أما وجيعتي أقوى يعني انك تفقك قطعة من بدنك وانك معادش تحس بشعور أمومة مرة أخرى ..وجيعة دوزتها أقوى ومرارتها حد مارح يبلعها ..صعيب برشا وحد مارح يحس بقهرتي وبنار اللي شاعلة في صدري غير اللي ذاق من نفس الكاس..
#يتبع
#Mî_Rõ