كرونيك💕 " حب تحت رحمة التقاليد " 💕

90

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_90
🌸#Mîss_Rõssįlã🌸
#جاسر_يحكي:
بقيت حال فمي من اللي سمعتو ...ناار شعلت في صدري..ووذنيا تصفر...معدتش نتحمل..فوارة سراات في بدني الكل..خلتني نترهوج وقلبي يخض بالقاوي في وسط صدري..وقفت كاابس فشعري قريب نطيرو من العصب..قربت ليه بخطواات رزينة مش مستوعب اللي نعمل فيه جملة..خرجت سلاحي من وسط خصري ..وحطيتو في وسط جبينو..كاان مهبط راسو مش حااط معاايا جملة ...أما وقت كبست على الزنااد..طلعو وخزرلي بعينين ضاايعة وصلتلي برشا كلااام أما مينفع ندم توا...فاات الفووت.....جاات تحكي:
جوري: جاسر...جاسر...رد..
سكتت ولبدت في بلاصتها وقت ڨحرتلها ڨحرة ترعب...
وتلفتت ليه بعينين تلهب حمراء جمر..مش حااب نبكي..اليووم دالتو هو بش يبكي بدل دمووع دمعة..رح نحرقو على كل وجيعة وقهرة على كل نقطة دم طاحت منها....بديت نتكلم ونرص على سنيا:
أنا: قوول أنك تكذب ...لنو أمي مااتت وشبعت مووت...مش جااي تفوولم عليا بش نساامحك...انسى اني نغفرلك تفهم فيا...انسى...
الطاهر: أنا...أنا نقوول في الحقيقة...والله....والله صدقني
(يحكي بصووت يرجف ببحة متااع بكااء...مش الطاهر الغامدي اللي عهدتو...مش هو اللي يضعف ...مش هو اللي يتوسل...زعما يقوول في الحقيقة...مش حاب نتأمل...وفي تاالي يخذلني مرة أخرى...نطرتو بقوة ودفعتو عليا...رجع قااعد على الكرسي...حاط ايدو على قلبو وڨريماس واحد متوجع مرسومة على ملامحو أما مادققتش معاه وارجعت بخطواات لورى...مسحت على وجههي بزربة....ووجهت سلاااحي ليه مرة أخرى:
أنا: اتكلم....اتكلم وينها أمي وين خبيتها السنين هذي الكل...انطق وينها (أول مرة ترجف إيدي...أول مرة نتردد)
الطاهر: عاارف مش مصدقني....أما خليني نكمل وبعدها نوعدك  تجيك أمك وتوقف قدااامك...انت جيست اسمعني....
_صوت لداخلي يقولي صدقو...أما عقلي مش حااب يأمنلو مرة أخرى...ضربت راسي بايدي...وطلعت سلاااحي للسمااء وفرغت المشط الكل ...وبعدها تلفت ليه راسم ملااامح باردة على وجهي عكس ناري شاعلة لدااخلي ..وانطقت من غير مانحط عيني في عينيه: كمل اللي عندك ...ومن غير ماتنقص حرف...نبه فيك ...تسمع فيا ...نبهك تكذب عليا مرة أخرى...مش مركز مع حتى حد من الموجودين ولا حااب نحط عيني في عين حد...اللي يهمني يكمل هذا المد والجزر ...حاب نرتااح ...حاااب نترمى في حضن أمي..حاب نراها نشم ريحتها بقيت نروح ونجي قدامو نستنى فيه يحكي...حتى اني مش مستغرب من برود متااع صقر اللي ماطلعش صوتو من وقت قعد..شدني صوتو وقت بدى يتكلم:
الطاهر: احح...احح(يسعل😒😂)..تلفت لبابا وقتها نرجف بكلي أما محبيتش نبين خوفي ولا التوتر متااعي..بقيت نستنى فيه حتى انطق ..وحاط ايدو على طرف الدرج:وين رايح وعلااه انتي اللي محمل جثتها..هبطت راسي مش حابو يكشفني..وكبست روحي وبعدها تكلمت معااه بكل برود وجدية: مش قتلي نظف شرفنا...ملا من غير ماتسألني بابا...مش أنا قتلتها ملا أنا اللي رح ندفنها..وتلفت عاطيه بظهري..مش عارف من وين جبت الجرأة بش وقفت في وجهو ورميت هذااك الكلااام...فتحت البااب وخرجت من غير مانزيد كلمة...جابولي الكرهبة بالوقت ...حطيتها من ورى وسكرت الباب ونبهت على الرجاال حد فيهم مايتبعني ولا يجي ورايا...وقلعت من غير مانتلفت ورايا ...تأكدت اذا حد يتبع فيا ..أما حمد لله مفماا ش...درجين من السواقة.ومسافة الطريق...توقفت عند المقبرة نلقااه قدامي...نزلت ووقفت قدامو: رجب حفرت القبر اللي قتلك عليه...وبعدها سكرتو مش هكا...لازم كل شي يكوون كيف مانحب بش باابا يصدق..
هو: ايه آغا..عملت اللي قتلي عليه..أما انت كيفااه قوصت عليها ...كيفااه عطااك قلبك تعمل هك...مش مصدق..راهي اختك رووحك ياآغا كيفااه فرطت فيها...
الطااهر: اسكت ...اسكت ..الي فيا يكفيني...مزالها عاايشة..ممتتش...عملت جهدي بش بابا يصدقني..وصاوبت عليها...لازمنا الطبيب ...لازمها تعيش تسمع فيا ...لازمها ...كيفااه رح نخزر لجااسر...كيفااه رح نقاابلو...ملا عيش خويا اسعفها...لازمها تعيش لازمها..
#يتبع
#Mî_Rõ