#حب_تحت_رحمة_التقاليد🔥🔫💏
#جزء_ثاني😍🌸
#الحلقة_7
🌸#Mîss_Rõssįlã🌸
∞🌸أقسمنا إن إحترقنا لن يكون هناك مجال للصمت🌸
∞🌸العيون مقهورة ياحبيبتي الشوق صعب يا حبيبتي
∞🌸أنت أمانة عندي ، تعالي إلتجئي إلى صدري ياحبيبتي 🌸∞
🌷🌷🌷🌷🌷🌷🌷🌷🌷🌷🌷🌷
∞∞سي الطاهر: والله بنت أحمد خذات
عقلك الكل...خلاتك
تنسى مسؤوليااتك الكل...وتنسى اتفاقنا..
.ووعدك ليا... تنسى انك آغا عشيرة الغامدي...
نسمع فيك...كيفاه تحب تبرر موقفك ...هيا...
اتكلم ياجاسر آغا😠😡
جاسر: مفهمتش ..شتقصد بكلامك انت...
شنوا هملت أنا يابابا.بربي ..والي تحكي عليها
تكون مرتي...
الطاهر: في بالي بيها مرتك...بصح على واش
تفاهمنا نحن من الأول ولا نسيت؟! إذا نسيت
خليني نفكرك وغمزو بخبث...عينيه كلها شر
...نظرتهم غامقة..تفسرلك كبر الحقد ..
والظلم الي داخل قلبو...
جاسر: والله ماعاد نفهمك يا آغا...علاه قلبك
قاسح وقاسي..مفيك رحمة...ايه متذكر الي اتفقنا عليه...متذكر اني وعدتك ...ندم مراد على عملتو
في إني ننتقم منو ونرجعلو الصاع صاعين..
.وهو إني ناخذ قلبو منو...ونحرق كبدتهم...في
إني ناخذ شرف اختو..ونطيشها...ونطيح قدرهم...نزيدك ...ولا نسكت...احكي ياآغا..
.مش ناسي وعدي ...أنا عمري ماحكيت كلمة ومنفذتهاااش... تسمع فيه ومش مصدقة
وذنيها شسمعت طاحت على القاعة مش
مستوعبة اللي صار يعني كل شي كان كذبة..
تمنات يكون هذا شي كابوس وتفيق منو ...
تمنات كانت حلمة خايبة وتفيق منها بسرعة...
بصح ياحسرة...هذا شي حقيقة...حطت ايديها
على فمها تكتم شهقاتها مش حابة يسمعوها...
تقوات على روحها وقاامت...تداشر لبيتها من
غير ماتعمل حس...ملازمش يعرف انها كشفتو
على حقيقتو...انها عرفت معدنو....دخلت لبيتها
وسكرتو من الداخل وطاحت على القاااعة تبكي..
.وتشهق وكل لحظة عدتها معاه تتعدى بين عينيها
كيف الفلاش...لمساتو...كلامو...همسو...عشقو...
حبو..حنينو..اشتياقو...عينيه...تضحيتو...كل كان
كذب في كذب كلو نفااق...كلو كان خدااع منو...
كيفاه صدقت انو ممكن يتغير ويلين قلبو...كيفااه
تنسى اهانتو ليها..ضربو..وذلو. من وقت حطت
رجليها على بساااط هذا القصر المنحووس.لامت
روحها بزااف لأنها غلطت واجرت ورى قلبها ورى
عواطفها ومشاعرها...كرهت روحها لحظتها
وعافتها....بقاات تبكي وتنوح على حالها بعدما
فات الفوت...قامت تجر في روحها وجرت خيبتها
معاها لبيت البانو...وسكرت الباب وراها...
∞كمل يحكي وهذي المرة وصلت معااه لتووب
...نحبك تسمعني ومن غير ماتقاطعني يابابا..
.البنت الي تحكي عليها وحابني نرميها برى القصر
هذا ونطلقها.....تكون مرتي...شرفي وعرضي...
وقطعة من روحي..مش رح نسمح تنمس شعرة
من شعراتها ولا تتأذى من نسمة الريح...حط
هذا الشي في بالك...صحيح من الأول اتحلفت
اني ننتقم بيها من خوها بصح قلبي كان ليه
كلاام آخر مش رح نسمع لكلامك هذي المرة
سامحني بابا...ونتمتى الموضوع هذا يتسكر
جملة ومتعاودش تفتحو معايا مرة أخرى...
الطاهر: ملا اسمع كلامي وافتح وذنيك مليح.
.مش رح نعاود كلامي مرة أخرى ولا نتراجع..
.ونحبك تختار ..ياتطلقها...يانجردك من الآغوية
..لأنك كثرت على ماوصااك يا ولد...ولازمني
نحطلك حد...لأنو معادش نتحمل وسعت بالي معاااك...طلقها وتزوج من #منيار..وخلينا نوحدو عشيرتنا...
جاسر: ضحك بتمسخير😀😑😕...هذا كلامك
الأخير يا سي الطاهر ملا اسمعني آغويتك بلها
وشرب ماها من هذي ساعة خليتهالك...ونزع
خاتم الآغوية اللي حاطو في صبعو...وخبطو
على الطاولة..وخزر فيه بعينين ثاقبين لاهبين
كيف النااار ...«نتمنى تلقى اللي يناسب عشيرتك
ويسمع كلامك ويجري وراك كيف ماتحب..يا...
غص في آخر كلمة قاالها...بابا..واتبسم تبسيمة
كلها قهر ومرارة» ....وخرج وخلااه من غير
مايستنى يسمع باقي الكلاام...سكر الباب ورااه..
وزفر بقوة معادش فيه يحمل...كل شي الآ إنهم
يبعدوه على جوري...هي خط أحمر مش رح
يخليهم يرموها ولو بوردة...مسح على وجهو
بزربة..كان رايح لغرفة نتاعو..وصل عند الباب..
بصح مش قادر يدخل.. خليه يروح يتنفس
ويهدي روحو وبعدها يرجع يخبرها بكل شي..
..وخرج يلقى أشرف بحذا الباب...وقت شافو
راح جيهة السيارة بش يسوق..بصح وقفو جاسر
وقت طلب يعطيه المفااتح..
أشرف:بصح ياآغا...
جاسر: رح نروح وحدي...من غير ماتعب روحك..
اعطيني مفاتح ...وانت روح ارتااح من الصبااح
وانت تجري في جرتي...
أشرف: كيف ما تحب ياآغا...اذا صار شي ..جيست
اتصل فيا...ونكون بحذاك..ركب في السيارة وقلع عجاجة ...من
وجهو مبين تااعب وبوه ماخلى فيه شي...ديما
قاسي معااه تقول مش ولدو...عندو اسم العيلة
يجي فوق كل شي.. العادات والتقااليد طول
عمرها مسيطرة عليه...وهي الي تمشي فيه...
خلاتو ينسى أنو هو أب ولازمو ياقف جنب
ولادو...ويحسسهم بعطفو وحنانو وخوفو
عليهم...بصح هو مفكر أنو هذا ضعف...وحاجة
تافهة تخليه يخسر الهيبة نتاعو قدامهم...بصح
طلع غالط ورح يكتشف هذا الشي وقت يفوت الفووت...وتضيع منو مرتو وولادو..
#يتبع
#Mîss_Rõssįlã
😍#Mî_Rõ
أنت تقرأ
كرونيك💕 " حب تحت رحمة التقاليد " 💕
Romanceكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
