#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_66
🌸#Mîss_Rõssįlã🌸
#منصف_يحكي:
وقت جاني أشرف وخبرني باللي صاار لولدي ...حسيت بحرقة وقلبي لداخل تقهر ...كلو ولا قيصر راهو نوارة عيني ...ولدي اللي طلعت بيه من الدنيا بين الحيااة والمووت...يحارب ويقاااوم على خاطر يعيش...ياريتني أنا ولا هو...علااه ...علااه ...عندي يومين هوني وحد لا طل ولا سأل أصلا شكنت نتوقع أنهم يوقفو معايا ويدعو انو يشفى ويرجع ...افعاالو هي السبب في انو بقينا وحدنا ...حتى أنا ليا يد في كل شي صاار ...تعرفوا
أنا أحقر أب على وجه الآرض ...بسبب الأنانية نتاعي وطمعي للآغوية والسلطة والمال...وطمعي أني نملك نفس قوة بابا وخويا الطاهر ...سمحت في عايلتي وفي بنتي قطعة من قلبي ونوارة عيني ...وردة عطاتهالي جميلة وأمنتني عليها بصح أنا سمحت فيها ومكنتش قد الأمانة ..خليتها ذبلت في ظلم أحمد وقسوتو...كنت نراقبها من بعيد وكل يوم بصورة وكل لحظة ترسخت في ذاكرتي بصح ماقدرتش نقرب ونمنع بنتي من العذاب ولا خذيتها لحضني...ميكفيش ضيعتي جوري...حتى قيصر ضيعتو وربيتو على الحقد والكره من صغرتو ...زرعت فيها الشر وخليتو كيف اللعبة في يدي...نحرك فيه كيف حجر الشطرنج...واليووم خسرت كل شي...مابقى حتى شي...دفئ العايلة وحلاوة لمتها أنا ماذقتش طعمتها ..كنت ديما وحدي ...حتى جميلة تقهرت وشافت الويل من منذر ..وهربت عندي بش نحميها من شرو كنت وعدتها نرجعلها بنتها لحضنها ...عطيتها عهد انو منيار ماتكون كان عندها وتتربى مع أختها ...بصح أنا خلفت بكل شيء..خلفت بكل وعودي وبكل عهد قطعتو على نفسي وعلى امرأة اللي عطاتني كل شي من غير ماتستنى مقابل ..بصح حتى هي الموت خذاتها مني كيف ماحرمتني من أم قيصر ودفنتهم تحت الترااب واليووم تعاودت نفس القصة معاايا...مش حاب نعيش نفس الوجيعة ...مش حاب نخسر ولدي ...ولا نخسر أمانة جميلة ...يااارب اعطيني فرصة نصحح أغلاطي ونلم شمل عايلتي من أول وجديد ..يااارب ارحمني ...يارب أنا عبدك الضعيف ماعندي حد غيرك نلجئلو...فيقني من سرحتي ..باب بيت الإنعاش وقت تفتح .نطرت من بلاصتي ناسي حالتي التاعبة واني سلكت من المووت بشعرة ...مسحت دموعي بكف ايدي ...وقربتلو نتوسل فيه بعينيا :
أنا : دكتور عيشك طمني ...ولدي رح يعيش ..رح يكون بخير ...رح يرجعلي ...أمانك طفي ناري..
هو: للأسف كيف ماقتلك قبل ...بسبب اكسيدو ..وبعد المعاينة ولدك رح يعيش مشلول بقية حياتو..لنو الضربة كانت قوية وأثرت على جهاز العصبي ...بصح مش مأكد وقت يفيق رح نتأكدو من حالتو ...بخصوص مدام للأسف ماقدرناش ننقذو الصغير ...لنو الضربة اثرت على الرحم واضطرينا نستأصلوه لنو جزء منو تضرر برشا ..فكان لآزم نحوه حتى نتجنبو مضاعفاات أخرى..عوض فيسلامتهم،وعلى آخر كلمة مقدرتش نتحمل الخبر ولا نستوعب الكلاام اللي قالو الطبيب ،قلبي يضرب بالقاوي،
تصعقت في بلاصتي ...وفقدت توازني قريب طحت..لولا الطبيب مشدنيش...عاوني قعدت على كرسي وبقى يسأل فيا بصح مش نسمع فيه ...كلامو متاع قبيل يتعاود في مخي ...وصورة قيصر بين عينيا ...تذكرت آخر عركة أنا ويااه ...حالتو وقتها قهرتني ...وقت كان يلووم فيا...آه..وآه...قداشني ندماان على كل لحظة ضيعتها بعيد عليهم...آه ياربي لا تختبر صبري ..لاتحملني حاجة فوق طااقتي...ركابيا فشلو وبدني لكل يرجف ...عمري لا تخيلت يصير فينا هك ...وربي يعاقبني بفقداان واحد من ولادي ..ويحرق قلبي عليه...صعيب بزاف ..صعيب ...كان قد الطرف من صغرتو مشاغب. ودمو سخوون...مزالني نتذكر صياحو ولعبو في القصر هو وجاسر وشهد ...شكون كان يقول رح يولو أعداء بعد كل هذيك المحبة ..بعد كل هذيك البراءة..بصح أحنا الكباار كنا السبب في كل شي..لو نحنا حلينا مشاكلنا ورضيت أنا بقسمتي ..مكانش صار هذا الكل ...يمكن كنت وسط ولادي...يمكن كانت علاقة قيصر مع جاسر غير هك...يمكن لو كنت اليوم نستنى في أحفادي يجو لدنيا بالدقيقة...بصح القدر كان ليه كلاام ثاني ...
★*فعسى أن تكرهو شيئا وهو خير لكم*★..
#يتبع
#Mî_Rõ
أنت تقرأ
كرونيك💕 " حب تحت رحمة التقاليد " 💕
Romansaكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
