#الجزء_الثاني😍🌸
#الحلقة_98❤
#جزء_1❤
🌸#Mîss_Rõssįlã🌸
#منيار_تحكي:
🌸من الصبااح حاسة بحاجه غريبة منعرفش شنوا هي ..أما قلبي عمرو لا خيبني ..حتى تصرفاات قيصر غريبة ..خزرتو كلاامو اللي كلو الغاااز ...حتى فازة متااع قبيل وقت قربلي ..صحيح مش أول مرة ...أنا مرة هذي غير ...قلبي دق بقوة في وسط صدري ...جمدت في بلاصتي ماقدرت لا نتحرك ولا نتنفس ...فوارة سراات في بدني الكل وخلاتني نغلي بالسخاانة ...للحظة فكرتو رح يبوسني أما جيست بقى يخزرلي نظرة أول مرة نراها في عينيه اللي يلمعو كلهم حب وحنية عكس شرارة الغضب والحقد اللي تعودت عليها قبل ...زعما اللي نحس فيه صحيح ...ولا نتوهم ...نفضت أفكااري ...وكملت عاونتو ...بقيت نسوق سااكته اصلا ماقدرت نقول شي ..كنت حاسة عليه وهو يخزرلي ..حشمت برشا ودخلت بعضي أكثر ...تبدلت على قبل مش منياار متااع قبل اللي مايهمها شي ...خسارة ولدي ..كانتلي كف فيقني على روحي ...وخلاني نتغير ...ونكون منيار أخرى تحب الدنيا وتحب النااس ..عندها قلب يحب وينحب..عندها طيبة وتخمم على حبابها قبل روحها ...تفديهم بروحها من غير ماتخمم...وعطيت وعد لروحي نتغير على خاطر أختي اللي ماعنديش مدة عرفت بوجودها ..كنت ندعي ديما انو تكون عندي أخت قطعة مني ...وريحة من أمي ...ربي ابعثلي قطعة مني وأمانة أمي ليا ..ورح نستحفظ عليها ونفديها بروحي كاان نجمت ..رح نكوون منياار جديدة تستحق تكوون أخت لجوري ...وندمت برشا لني في يووم كنت سبب في وجيعة أختي وقهرتها ...حتى هي قلبها أبيض وطيب ..نسخة من أمي ..سامحتني ومدتلي ايدها وحضنتها بمعزة ناسية أني جرحتها وشربتها الويل ...يمكن هذا اللي يقولو عليه الحب الصاادق ..وأنا منعرفش عليه تربيت بين ايدين شيطاان علمني كاان الحقد والكره ...من حقنا نعطو لروحنا فرصة ثانية نصححو فيها أخطائنا ..ويمكن أنا وقيصر انظلمنا والدنيا عطاتنا بظهرها ..أما تغيرنا ونستحقو نحبو ونتحبو ...هذا الكل خممت فيه وأنا ماشية للصال اللي قاالي عليها ..وصلت حطيت إيدي على البواني متااع البااب ...ودورتها تفتحت..استغربت من الظلمة ...للحظة حسبت روحي غالطة ...أما تراجعت وقت دور إيديه على حزامي ..عرفتو هو من ريحتو اللي مخلطة بالدخاان ...ومن حنية إيديه وكبستهم ...جيت رح نبعد ...أما وقفني وقت غطس راسو في شعري وطبع بوسات متفرقين عليه..وتكلم بصووت حنين عاللخر:
هو: اششسس...ريض من غير ماتبعد عليا ...مش اليووم ..باهي؟؟
هزيتلو براسي بااهي ...وبقيت مسمرة في بلاصتي مش عارفه شنعمل ..فراشاات في بطني دغدغ فيا .وقلبي لداخلي يخض بالقااوي...فيقني من وضعي وقت شعل الضوء ..فتحت فمي من البهته ...ومن غير وعي شهقت وحطيت إيدي على فمي ...من المنظر اللي نشوف فيه..
بالوناات اشكال وألواان في كل بلااصة مفرقين ...وورد أحمر معبي الصاالة.. ...وفما أسهم بقيت نتبع فيهم ..عملي اشارة بايدو للفوق ...بمعنى اخزري ...طلعت راسي ...نلقى جملة عاودت خزرتلو كأني نتأكد إذا مش نحلم...ورجعت طلعت راسي نقرى فيها ..❤#هل_تقبلين_أن_تكوني_مصيبة_حياتي_لآخر_دقيقة_من_عمري❤...
❤أخبريني🌸انني أمتلك قلبك❤
❤أخبريني عن اشتياقك🌸عن لهفتك لسماع صوتي🌸❤عن تفاصيل يومك 🌸وعتمك🌸أخبريني🌸
#يتبع
#Mî_Rõ
أنت تقرأ
كرونيك💕 " حب تحت رحمة التقاليد " 💕
Romanceكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
