#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_14
🌸#Mîss_Rõssįlã🌸
∞🌸 حبك ضوء وجهي∞🌸
∞🌸 أخبئك عن الجميع ∞🌸
∞🌸أخرج وتعال في يوم ما من الطرق البعيدة∞🌸
∞🌸 من أجل تضميد جروح روحي ∞🌸
∞🌸 لأن كالأنفاس ، العشق يشبهك ∞🌸
∞🌸 لتضميد جروح روحي ياوردتي ∞🌸
∞ 🌸 لأن كالأنفاس العميقة العشق قد يشبهك ∞🌸
∞🌸 كالكلام الجارح في القلب والقمر الساطع في السماء∞🌸
∞ 🌸 إخرج وتعال في يوم ما من الطرق البعيدة∞🌸
∞∞🌸∞∞🌸∞∞🌸∞∞🌸∞∞
∞🌸 دخل لعندها يلقاها راقدة مستسلمة...من غير حركة...بمريول المشفى...شعرها مسيب على كتافها...
وجهها أصفر كيف حبة الليمونة...إيدها موصولة بكيس
السيروم(مغذي)...وإيد الأخرى بكيس دم...وصبع ايدها الأيسر موصول بمكينة القلب...قرب منها يمشي بخطوات
متثاقلة...موجوع لحالتو حبيبتو...وقلبو نار على وضعها..
دموعو غفلتو تجري على خدو تحرق...مش قادر يتحمل
يراها على هذا الوضع...وين ضحكتها اللي مالية وجهها...وين هبالها...وين تفوريخها اللي مهبلتو بيه...وين كلامها الحلو اللي يهديه وينحي عليه التعب...قعد على الكرسي اللي مقابلها...حتى دكتور منبه عليه ميطولش عندها...شدها ايدها بين ايديه وبقى يبوس فيه...وحطها على خدو يمرر فيها...وبدى يحكي:
مراد : شفت ياشهد ربي مكتب علينا ديما الحزن والدموع..ماصدقت انك وليت جنبي ورجعت مرتي..
تحرمت منك...ورجعت نرااك بالوقت...هكا قلي طبيبك..
يحب يحرمني منك...قولهم انك متقدرش تفيق اذا ما
سمعتش صوتي...شبيك باردة وبدنك كيف الجليد...هيا قووم عيش حبي...وخلينا نرجعو لدارنا...وقتها حد ميحاسبني اذا طولت وأنا جنبك...والله قلبي يموت في
كل ثانية انتي متسطحة فيها هوني...راني نتحرق في
كل دقيقة...رد بالك تخليني وتروح...لأنو حياتي بعدك جحيم...مرارة الوجيعة تقتل فيا بالعرق...حسيت الوقت
حبس وقت خليت ايدك عند باب بيت العملياات...ولدنا
محتاجك...متيتمناش من بعدك..هيا فيق وشد ايدي...
وخلي هذا الكابوس الخايب يمضي...هيا ياروحي فيق..
كلنا نستناو فيك...أنا...ولدنا...أمك...خوك...جوري...أمي...
هيا فييق...وحط ايدو على صدرها يبكي كيف الطفل
الصغير اللي فقد أمو....يشهق...ترمش في عينيها...تفتح
فيهم وتعاود تغمض فيهم...دنيا مضببة قدامها...ضوء جهرها في عينيها...تحرك في ايدها ...بصح حاجة كابسة عليهم...حس بيها رفع راسو من على صدرها...عينيه مضببة بدمووع...فيسع ماترسمت بسمة على شفاافو...
وضحك بصووت في وسط دمووعو....وبدى يحكي..
مراد:شهد ياروحي فقت انتي...بحق مخلتنيش...وبدى يبوس فيها من وجهها ...ماخلى بلاصة ماباسهااش..حمد لله...يبوس فيها ودموعو تنزل على خدها...شدتو من كتفو..
شهد: م....مراد....ا....اهدى...(تحكي بصوت مبحوح وموجوع)..
مراد:باهي ياروحي هاني هديت متعبش روحك...حمد لله
حمد لله ياربي...حطت ايدها على كرشها...
شهد: و....ولدي....و....ولدي...
مراد:اهدى هو بخير متخافش...نروح نخبر طبيب..
رد بالك ترجع ترقد...اوعدني...نروح ونرجع فيسع...
شهد: ب....باهي...ن....نو...عدك...
مراد: بو زينو مرتي الغالية...وباسها من شفافها بوسة
خفيفة وراح يجري لعند الطبيب...
خديجة:شبيك ياولد تجري...
نجية:انطق بنتي صارتلها حاجة...
مراد: أطمنو هي فاقت حمد لله...ادخلو عندها نروح
نخبر الطبيب ونرجع...
نجية وخديجة: حمد لله ياربي ودخلو لعندها يجرو...
نجية: حمد لله ياروحي انت فقت...دموعها على خدها
تجري...فرحانة برجوع بنتها من الموت..
خديجة: خوفتنا عليك يابنتي...قلوبنا كانت نار عليك..
شهد: أ....أمي من غير....ما.....تبكو...أنا حمد لله...وجات
راح تقوم...بصح صاحت من وجيعتها...آاااااي...
نجية: شبيك ياروح (مفجوعةعليها)...
خديجة: بنتي متتحركش بزربة انت خارجة من عملية
ملازمش تتحرك...
شهد: ن.....نسيت ...أنا مليحة...
دخل عليهم مراد مع الطبيب....تكلم معاها:حمد لله على
سلامتك مدام...اسمحولي ياجماعة خمس دقايق نفحصها
وبعدها تقدرو تدخلو تشوفوها...
مراد: نقدر نبقى دكتور... هزلو براسو بمعنى ايه...أصلا ما
يقدرش يمنعو لانو جرب الغضب نتاعو...كمل فحصها..
مدام ملازمكش تتحرك في هذا الفترة برشا لأنو جرحك
مزالو جديد ولازمو فترة بش يبرى ملا ساعف روحك...
مراد:من غير ماتوصي رح نفذو كلامك بالحرف الواحد...
الطبيب: مرة ثانية حمد لله على سلامتها...ممكن تجي
معايا مسيو..مراد : باهي وغمزها ..خرجو مع بعض من البيت..
يلقاهم قدامو...أمي انتو ادخلو عندو رح نلحقكم ..
خلاهم دخلو عندها ...وسألو متحير...غير الخير دكتور
مرتي بيها حاجة...طمني..
الطبيب: نظن انت تعرف بوضع مرتك. .
مراد : شقصدك وضحلي أكثر...
الطبيب: في عملية اظطرينا نستأصلو الرحم نتاع مرتك
لأنو النزيف كان حااد وكنا رح نخسروها.
مراد:قصدك أنو مرتي مش رح تصير أم من بعد اليوم..
قول اني فهمت غاالط يادكتوور..
الطبيب: للأسف هكا صار حياتها كانت هي هدفنا الأول..
لازمك تاقف جنبها ...وننصحك متخبرهاش في هذا
الوقت خلي تتحسن وبعدها خبرها...من صدمتو مقدرش
يوقف...وفقد التوازن نتاعو ولولا مشدوش الطبيب كان
رح يطيح...مسيو انت مليح.. تسمع فيا...هزلو براسو..
وقعد على أقرب كرسي...وعملو بايدو انو يخليه..
وجاوبو بصوت تاعب ...أنا مليح...
الطبيب: أنا آسف مرة ثانية سامحني...عندي مرضى لازمني
نشوفهم...يسمع في صوت نتاعو بعيد برشا...جيست
كلامو يتعاود في راسو « مرتك مش رح تحمل مرة أخرى»
«مرتك مش رح تحمل مرة أخرى»... كبس على راسو
بايديه...جاتو جوري تجري...مرعوبة...خافت شهد يكون
صارتلها حاجة...
جوري: مراد خويا شبيك...شهد صارتلها حاجة..
مش يسمع فيها...في دنيا أخرى...بقاات تهز فيه
وبلا فايدة.. مراد....يامرااد ...تسمع فيا...
مراد: مش رح تحمل مرة أخرى...وقتها عرفت
سبب الصدمة نتاعو...مابقالها حل غير أنها تصفعو..
عطاتو كف قوي ...فيقاااتو على وضعو...
جوري: سامحني خويا مش بقصدي...بصح انت
جبرتني...وتفلقت بالبكي...سامحني مش قصدي...
ضمها لصدرو وبداو يبكو مع بعض...تصدمت لأنو
أول مرة ترى حالة خوها هكا...قلبها دم عليه.. جيست
عنقتو وزيرت عليه...وبقاات تمسح على ظهرو حتى
حساتو هدى...مسحتلو دموعو..
جوري: كونك قوي عيش خويا على خاطرها...لازمك
تاقف جنبها في هذي المحنة ...بش تقدرو تتجاوزوها
المهم صحتها وصحة ولدكم...
مراد: كيفااه رح نقلها.....لا منقدرش .. لا منقدرش..
شدتلو وجهو بين ايديها...
جوري: رح تقدر ...نعرفك قوي...مراد اللي وقف في
وجه آغا الطاهر على خاطر الحب نتاعو...ووقف في
وجه العادات وتحدى الكل رح يقدر يتخطى هذا
المصيبة ويتجاوزها.. اذا مش على خاطرك .. على خاطر
ولدك ومرتك...وقتها فااق على وضعو من كلامها.. وبقى
يخزرلها بحب وامتناان....لأنها ديما واقفة جنبو وعمرها
لا حقدت عليه.. رغم انو تخلى عليها في وقت فاات..
مراد: علااه انتي طيبة لهذي الدرجة...
جوري: هههه منعرفش...هيا فكك مني وخلينا ندخلو
عند شهد...ملازمش تخليها وحدها...وأنا نروح نشوف
ولدك اذا خرجوه من الحاضنة...لازمك تدورلو على اسم..وتأذنلو في وذنو...ولا نسيتو والتهيت غير
بشهد...صارو اثنين...وغمزتو...
مراد : ملا مهبولة ربي يرزقك ويعمر حجرك ياروحي..
جوري: آمين . ...آمين...
مراد : مزروبة برشا يافرخة...مزالك صغيرة...والله جاسر
رح يتعذب بينكم ههههههه ربي يكون في العون نتاعو..
جوري: مراااااااااد...بطل من تمسخيرك وروح لعند مرتك...
مراد: باهي....باهي. هاني رايح وانا مطولش...ودخل
وخلاها واقفة
جوري: زعما جاسر رح يمل مني وقت نجيب صغاار..
أكيد رح نسمن...وبقااات تخزر لروحها....وهزت راسها
رافضة الفكرة بمجرد جات لبالها...وراحت لجناح الأطفال..
أحسنلي منخممش في الحكاية خلي لوقتها يعمل ربي
دليل....
#يتبع
#Mî_Rõ
أنت تقرأ
كرونيك💕 " حب تحت رحمة التقاليد " 💕
Storie d'amoreكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
