كرونيك💕 " حب تحت رحمة التقاليد " 💕

66

#حب_تحت_رحمة_التقاليد🔫💏🔥
#الحلقة_66
🌸 #Mîss_Rõssįlã🌸 

_وخر لتالي مرهوج...مزال مستوعبش وجودها هوني.. متوقعش جملة انها تجي...بقى مرهوج...مصدوم واقف في بلاصتو...عينيه ترمش...وحواجبو مقطبه  في بعضهم...حتى تعنيقه مابدلهااش...ايديه مزالو مهبطهم...استغربت من البرود متااعو...وبعدت عليه...دورت إيديها على رقبتو...وتحكي باغراء.. قالبه شفافها كيف الصغاار...تمسح باصبعها على  خدو بحنية وتمعجين...وبدات تحكي..
  منياار: حبيبي توااااحشتك برشااااا قطب حواجبو مستغرب...زيارتها موش وقتها جملة ماكانت لا على البال ولا على الخاطر...زفر بفدة... وهبط ايديها من على رقبتو.مخنوق منهاومن قربها ليه لهدرجة...
جاسر: شنوا جابك علاه مخبرتنيش؟؟
  منيار: واااه!؟ توا هذا سؤال...هكا تستقبل حبيبتك منيااار وعملت روحها متغشة تحب تبكي
جاسر: موش قصدي اللي فهمتو...بصح كان أحسن لو خبرتني...
منيار: هاك متسمااش 
surprise# ...حبيت نشوف ردة فعلك...ظاهر مفرحتش بجيتي وأنا اللي جيتك أول واحد...حتى بابا مفيبالوش بيا اني جيت...حبيت نرااك أول واااحد😍😍 جاسر: مسح على وجهو بزربة...باهي خلينا ندخلو ولا تحب نبقااو عند الباب نحكو..شدتو من ايدو وكبست عليها ...ورايحة تمشي...توقفت  تخزر ليها.. قاطبة حواجبها في بعضهم مستغربة😟😮... وتلفتت ليه تسأل فيه...تستفسر منو...
منيار: شكونها هذي حبيبي..وأشارتلها بصبعها..
جاسر: مالقى مايجاوب...أول مرة الحديث  يوحل في حلقو..ويهرب منو الكلام...هذي .. هذي..
  منيار: إيه شكونها؟!
جاسر: هذي أخت مرااد..معرفش كيفاه خرج من فمو الحديث...وعلاه نكر انها مرتو...جوري بقاات حاله فمها...جرحها وكسرها بكلامو...هو حاشم بيها..وشكونها هذي..اللي من وقت جات وهي تحكي حبيبي...كن لقات تنتفها من شعرها وتعطيها طريحة نباشة القبوور...وتفهمها انو جاسر متااعها...ملكيتها الخاااصة...بصح فاقت على وضعها...من كلامو الجارح اللي شوواها وخلاها تنصدم فيه...متوقعتش منو جملة هذي الكلام...وخرت لتالي...مرهوجة...نزلت من عينيها دمعة تحرق على خدها...حرقتو وكوات قلبو قبل ماتحرقها وتوجعها...طلعت تجري لغرفتها... من غير ماتتلفت ولا تشوف ورااها...كبس بونيتو بقوة...قلبو يدق بالقوة...تنهد تنهيدة من عروش قلبو.. وتلفت ليها...هيا نوريك غرفتك نظنك تاعبة من السفر! منيار:بصح شبيها أخت مرااد.. 
جاسر: هيا والله تاعب ماعيني في حديث..
منيار: باهي عزيزي عندي راحتك بالدنيا الكل.. وقربت باستو قريب من شفتو... وشدت ايدو ...وقعدت تخزر فيه...بعينين تلمع  كلها حب وعشق وهيااام....طلع معااها..مخو موش معااه جملة...يخمم فيها...وصلها لغرفة الضيوف.. ورجع بخطواات كلها خيبة...رايح لغرفة متاعو يكركر في أذيال الحزن ومرارة البؤس...همو وتخمامو كان فيها...يحب يفسرلها...يحبها تفهمو علاه تصرف من قبيل معاها هكا...وعلاه نكر علاقتهم...قدام  منيار...حب يحميها من منيااار...ياترى جوري رح تفهمو...رح تقدر ضعفو وظروفو...وتحس بوجيعتو... تفهمو من نظرة عينيه المكسوورة...ولا تحس بقلبو وضعفووو...هذا اللي رح نعرفوه في الحلقااات الجاية .....
#يتبع🌸
🌸🌸🌸🌸🌸🌸🌸🌸🌸🌸🌸🌸🌸#Mîss_Rõssįlã توقعااتكم ورأرائكم داخل الحلقااات كيف العااادة