كرونيك💕 " حب تحت رحمة التقاليد " 💕

86

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_86
🌸#Mîss_Rõssįlã🌸
#الطاهر_يحكي:
❤المهارة ليست في قتل الرجل ..بل المهارة أنك تخلي الرجل يقتل نفسو بروحو...وهذا اللي عملتو مع صقر ..وقت حرمتو من ولدو قتلتو بالحيااة.
_قاعد في ساحة القصر نشرب في قهوة الصبااح ...راسي عامل فيا من وقت فقت وأنا في حالة واللي زاد دخلني بعضي أكثر وقت جاسر بعثلي خبر مع أشرف اني مانرتبط بحتى شي اليوم لنو عندو مايحكي معايا ...ومن وقتها وأنا على أعصابي ونجية معندها حتى علم مش حابها تتأمل على شي وبعدها ينكسر قلبها بدل المرة ألف لنو هي كيف كهينة ضحية لشري وعمايلي الوسخة ...ووقت حطيتلها جاسر في حضنها ماقالت حتى كلمة بالعكس حضنتو بكل حب وكبرتو وهي تداري فيه كيف عينيها ...كانت تنضرب في بلاصتو ولا تخليني نمس شعرة من راسو ..صحيح فقدت الأمل في أنها تجيب ولااد ...أما جاسر كان وجه السعد علينا ...تقبلتو كيف ولدها وعطاتو حنانها وعطفها أما ربي مافيه كان الخير بعد زواج دام 12 سنة وبعد ما جاسر كبر وولى يقرى رزقنا ربي بشهد ..صغرونتي نكذب كان نقول حبي نقص ليه ولا في يوم فضلتها عليه ...صحيح قلبي قاسح وأنا ظالم ومتكبر ماننكرش أما حبيت جاسر كيف ولدي واعتبرتو قطعة من روحي ...صحيح مانبينش أما اللي في قلبي ناحيتو مايعلم بيه كاان اللي خلقني ...قلبي خض في صدري وقت تفتح الباب ودخل للقصر بكل شموخ وجبروت مبين من عينيه اللي خزرتهم ثاقبة ..كيفاه حسيت من ريحتو اللي تغلغلت لداخل خشمي ...نميزها من بين ألف عطر ...من دفعتو للباب نعرفها كيف مانعرف روحي ...حطيت الفنجان من يدي ...وقمت من بلاصتي ..حطيت إيديا في جيوبي ...وبقيت نتبع فيه بعينيا ...نرى فيها متخبيه ورااه ..باقي متبادلين نظراتنا لبعضنا ...أما خزرتو متبدلة على قبل فما مزيج في عينيه بين الفرح والحزن بين النار والجليد بين القوة والغطرسة ..وهذا اللي فهمتو من لمعتهم ومن رقبتو المكبوسة ...من ايده اللي كابس بيها على ايد مرته ..قطع علينا مواجهتنا ...نجية وقت شهقت ،تلفت ليه حاطة ايدها على قلبها ..وصاحت:
نجية: اااه...جاسر ولدي هنا ...مش مصدقه عينيا.
ونزلت هذاك الدرج ...تجري مش هامها كبر سنها ولا صحتها اللي تدهورت من وقت خلاها جاسر ..دموعها نازلة على خدها تجري ..جيت رايح ليها ...أما سبقني وقت تقدم بخطوات ليها ...عرفت أنو غفرلها ...أصلا هي ماعندها حتى ذنب ...على القليلة خليها تفرح شوية ويرتااح قلبها .
جاسر: أمي ...سايس روحك ...علاه تجري ...
وتلاقات العيوون ...وتلاقت الأيادي ...تلاحت في حضنو معنقتو مدورة ايديها على ظهرو كابسة عليها تقول رح يهرب ...وتبكي بالشهقة ...هبطت راسي نمنع في دموعي أنها تنزل ...مش حابهم يراو منظري هك ...ولا حد يشفق عليا ولا يتشمت بعجزي..خزرت لجوري حاطه إيدها على فمها وتبكي هي زادة...غير اللي قلبو حجر مش رح يتأثر بمشهد أم وقت تلقى ولدها وقت تشم ريحتو بعد غياب ..وقت تحضنو بعد فراق ..وقت تتحسس قربو بجنبها ...وقت تلمسو وطمن قلبها أنو بخير..
جاسر: سامحني ياغالية ...مشفت شي قدامي وقتها ...سامحني لني نسيت تعب سنين ...سامحني لني نسيت سهر الليالي ...لني نسيت حبك ..عطفك ...حنانك...قربك ...ودفئ صدرك وحجرك..وقت نسيت الكتف اللي سندني...سامحني وقت نسيت إيدين اللي لمتني ..وداوت جراحي ..وقت نسيت الأم اللي انضربت على خاطري...وقت نسيت المرأة اللي ماتاكل كان وقت نشبع أنا ..وماترقد كان ماندخل أنا وتطمن اني بخير ...سامحني ياغالية ...سامحني.
نجية: هششش ...مسامحتك ياروح قلبي(تبوس فيه من كل بلاصة..وبعدها حاوطت وجهو بايديها) ..رد بالك تنسى أنك نور عينيا وانك قطعة من قلبي ...شكون قال أنو الأم اللي تولد ...الام هي اللي تربي ...وقت حطوك في حضني كنت قد الإيد ...صحيح خبيت عليك الحقيقة ...أما حبي ليك حقيقة وعمرو لا رح ينقص ...أنت ولدي كان ناس الكل كذبتني ووقفت في وجههي .
جاسر: ايه نعرف حقك عليا ...هيا ايجا ارتااح مزالك تاعبه ..يعطيه قص لساني ياريتو انقطع قبل لا جرحتك بكلمة ولا قلت هذاك الكلاام بيومها .
نجية : خلااص انسى اللي فاات ماات المهم رجعتلي ياروحي ..جوري بنتي علاه واقفة بعييد ..ايجا بجنبي ..ايجا خلي نشبع بشوفتكم...والله القصر موحش بلاش بيكم ...توحشتكم .
قربت حتى هي بحذاهم وترماات في حضنهم ..معنقتهم اثنينهم ...غير أنا واقف بعيد ...حاسس روحي غريب في وسطهم ..كيف الدخيل ..كأني الشرير في القصة ..تفتح الباب ودخل متعكز على عصاتو شي اللي خلاني نتلفت مستغرب شنوا اللي جابو هذا وفي الوقت هذا بالضبط..جيت نحكي أما صوتو من التاالي سكتني ماخلاني ننطق بحتى كلمة :
جاسر: اتفضل سي صقر ...ياجماعة من غير ماتستغربو وقت يوصل ضيوفي الكل ...رح تفهمو علاه جمعتكم الكل واليووم بالذات ...(يحكي ويخزرلي...مش حاب يحكي معايا يعامل فيا كأني مش موجود ..وهذا اللي قتلني بالعرق ..وكسر قلبي ...صعيب برشا يعاملك ولدك كيف هك ...كأني خرقة بالية مرمية في طرف الزاوية ..مش معبرني جملة ...قعدت على أقرب كرسي...ووجيعة إيدي اليسرى غير تقوى...كبست عليها ...حتى من عروقها بارزة أكثر..والعرق يصب عليا ...خرجت مشوارة من جيبي ومسحت فيها وجهي ...وقلبي ينخز فيا مرة على مرة ...أما مش حاب نبين شي ولا نقلقهم معاايا ..خلي يعمل اللي يحب عليه ..وهذا قليل في حقي ..يمكن هذا يخفف من وجيعتو وينقص من كرهو ليا ...خلي يفرغ غشو كيف مايحب ...أصلا عارف آخرتها وين ...بيت باردة في زاوية من زوايا الحبس المعتم ...لنو جرايمي متنعدش ..والعدالة رح تتحقق..❤
#يتبع