كرونيك💕 " حب تحت رحمة التقاليد " 💕

06

#حب_تحت_رحمة_التقاليد🔥🔫💏
#جزء_ثاني😍🌸
#الحلقة_6
🌸#Mîss_Rõssįlã🌸
∞🌸سأمسك بيديك حتى لو انهارت علينا السماء🌸∞
∞🌸سأضمد جروحك،فإن هذا الحب حرام علينا🌸∞
∞🌸سلمنا على البلاء،ولم نقل آه للإحتراق🌸∞
🌷🌷🌷🌷🌷🌷🌷🌷🌷🌷🌷🌷🌷🌷🌷
∞∞وصلو للقصر..والفرحة مبينه من عينيهم
الي تلمع ..كلها حب..كلها هياام..كلها سعادة...نزل
من السيارة..وفتحلها أشرف الباب..بحكم كان واقف
قدام الباب...من جهتها...شبكو ايديهم في ايدين
بعض ودخلو القصر...داخله معااه بصح حاسه
روحها كأنها أول مرة تدخل للقصر..لأنو هذي
المرة..داخلة ليه وقلبها مليان سعادة..وأماان..
مش خايفة..مش مرعوبة ..لأنو حذاها..وشاد
ايدها..وعمرو لا رح يخليها..هذا كان وعدو
ليها...فاقت من سرحتها..وقت شدها من ايدها
وكبس عليها...وتكلم...
جاسر:جوري...شبيك...وين سرحتي يابنتي...
جوري:ش...شي..جيست فرحانة..
جاسر: امممم...ممكن نعرف سبب فرحتك يالالة..
قطع عليهم حديثهم وقت أمو..جات تجري ليه ..
ودموعها تجري على خدها...جاسر ياقلب أمك...
ياروحي حمد لله على سلامتك...عنقها وباسها
من راسها تبوس فيه من كل جيهة تقول عندها
سنين ماشافتوش
«انت بخير ياوليدي...هكا تخرج ولا تفكر تتصل
وطمن أمك انك بخير...والله قلبي تكوى عليك
..والله...»
جاسر: وعلاش دموع هذوما ياأمي...تعرفني
منحبش نرى دموعك ياغالية...مسحلها دموعها
بكفوف ايديه..وطبع بوسة على جبينها...كأنو
يعتذر منها..لأنو قصر في حقها...سامحني..هاني
قدامك بخير...مابيا شي..نوعدك مش رح تتكرر
...قطع عليهم حديثهم..وقت خرج بوه من مكتب متاعو...وعيط باسمو..‹جاسر...جاسر.. ايجا حاجتي
بيك نحتاجك الحقني ...ودخل وخلاهم حالين
فمااهم من البرود نتاعو...كأنو مش ولدو الي
كان في الحبس...بصح جاسر رسم تبسيمة
على شفايفو...كلها استهزاء وتمسخير.. مش
مستغرب من التصرف نتاعو.. لأنو بوه طول
عمروقاسي وقلبو كيف الحجر ...متصلب..
نجية: ولدي وسع بالك بوك وتعرفو...اسألني
أنا طول ماكنت في الحبس وهو ماخلى الحجر
فوق الحجر ...ماخلى شي ماعملو غير على
خاطر يثبت برائتك..
جاسر:أمي أخطاك ماتغطي الشمس  الغربال..
طول عمرو..بابا هكا...ومتخافش عليا أنا مش
مستغرب من التصرف نتاعو...لأنو بابا م...
. خليني ساكت أحسنلي...مش حاب ندخل
في نقاش معااك نهايتو معروفة...نروح
نشوف شيحب مني...وانت جوري اطلع
لبيتك ارتااح...
نجية:باهي ياجاسر سكتني كيف عادتك...
وديما غير الموضوع...لايمت رح تضل باني
حاجز بينك وبين بوك...والله لعاد فيا نتحمل..
.حطيتوني في وسطكم..وخليتوني كيف كرة في نصكم...نتشوى ومايعلم بحالي غير الي خلقني..
.علاه...علاه ياربي...سكتها وقت صاح لانو
اعصابو فلتت...
جاسر:أم......مي...اخطاني اخرج من راسي..
والله لاني متحمل روحي...مش وقتو الحديث
هذا...خزرت فيه بعينين مدمعين...خزرة
طيحت منه النص...وخلاته يندم لأنو صاح
فيها...قرب ليها حاب يستسمح منها...بصح
وقفتو وقت راحت وخلاتو واقف جامد في
بلاصتو مش قصدو يصيح عليها...بصح هي
ضغطت عليه فوق اللآزم...كبس على شعرو
حب يطيرو من بلاصتو...وزفر بقوة ...يحاول
يخفف على روحو ويهدي النار اللي شعلت
تحرق داخل صدرو...قربت ليه...ومسكت
ايدو ...تخزر فيه بعينيها العسليين...المدمعين.
.اللي وصلولو بزاف كلام....والي يفهم لغة
العيوون رح يقرى كلامهم...كانها تقول جاسر
خوذ قوتك مني....انا هنا جنبك...أنا رح نطفي نارك...ونداوي جروحك...وحكاات بغصة واحله
في حلقها...
جوري:جاسر...كون قوي...انا هنا جنبك خلي
هذا في بالك ديما...
جاسر: ايه نعرف ياروحي...متحط شي في
بالك...اطلع لبيتك نحكي مع بابا ونجي عندك...
جوري: ب....باهي...وقربت ليه...طبعت بوسة
على خدو.. وبعدت عليه خدودها حمر...وراحت
تجري لبيتها ..مخلاتلوش الفرصة انو يحكي
حتى...تبسم على جنب حاط ايدو على خدو...
وطلع لمكتب بووه...ساق لقدام وأخرى لورى..
.عارف بوه علاه استدعااه...والموضوع اللي
حاب يحكي فيه...وصل للباب حط ايدو على
بواني نتاعو وزفر بقوة ودخل ...من غير
مايدق الباب كيف عادتو... وقعد مقابلو يستنى
فيه يحكي...يهز في ساقو من العصب اللي
راكبو...
#يتبع
#Mî_Rõ