#حب_تحت_رحمة_التقاليد🔥🔫💏
#الحلقة_61
#Mîss_Rõssįlã
_من الصبااح بكري ...راح للقصر...يحب يتخلص من المشكلة اللي واحل فيها...ويخلص الديوون اللي تراكمت عليه...شدوه رجال عند الباب مخلوهش يدخل لداخل..بقى يتعافر معااهم من غير فااايدة
أحمد: تي خليني ندخل نحب نقااابل منصف آغا..احكيلو أحمد جااء رح يستقبلني ووقتها ماتلوم كان رووحك.. الراجل:أبعد من هو ني خيرلك...الآغاا مووش هوني.. أحمد:نعرفك تكذب...جيست أدخل وقولو...مش رح نخبر عليك نوعدك..
الرااجل:مفكرني خاايف منك...قتلك الآغا مووش هوني من غير ماتبقى تخرنن على راسي..موش ناقصين سكير كيف حاالتك...
أحمد:هاني رايح ونوعدكم رح نرجع وندفعكم ثمن غالي.. وخر لتاالي مرعوب وخايف على روحو وقت شااف سلااح.. وزرب في خطوااتو خايف على نفسو...يمشي وتمم بين شفاافو...رحت فيها ياأحمد ...رح يقتلووك ويخلصو عليك..من غير مايسمع بيك حد...ياناارك على روحك..حتى البومة متااع خديجة لصقت في قصر الغامدي...تي راح من بالي جملة...جاسر آغا...أيه هو اللي رح يعااوني ويخلصني..من هذا المصيبة....ايه هو ...أكيد مش رح يخلي سهرو بحاجة فلوس...وهو رااقد على حزمة فلووس..ويلعب بيهم...هذا أقل خلاص ليا...أنا عطيتو ألمااسة نادرة...حتى المهر متااعها خلاص فيسع...كان قليل مش قد المقااام ...جاء كان في شراب...وسهريااات...ضحك بتمقعير😂😂...وعينيه لمعت خبث وشر...طول عمرو طمااع وكلب فلووس...يبيع امو وبوه على خاطرهم من غير مايتردد...بدى يدندن ويغني...فرحاان برشا...بأفكارو جهنمية...ويحلم بالفلووس اللي رح يربحهم من عند جاسر...بصح غالط موش جاسر اللي تعديها عليه..وهو ذيب يعرف عدو متاعو قبل صديقو... ____________________________________________
_يروح ويجي في زنزانة اللي حشرووه فيها...نفسو بدى يضيااق...عروقو بارزة رايحة تطرشق...وعينيه تقدح ناار...بركان هايج داخلو...تعرض لإهانة كبيرة في حقو.. اول مرة حد يجرأ وياقف في طريقو...ويحاول يكسر شوكتو ويهينو...مكانش يتوقع أنو يرجع بعد كل هذي السنين...بصح حساباتو طلعت غالطة...لازمو يعاود تخماامو...لأنو توا صاارو اثنين...موش واحد..واثنينهم أقوى من بعض...أول في الشرطة وصعيب يتخلص منو...وثاني آغا عشيرة الغامدي اللي الكل يعملو حسااب وعشيرتو واقفة في ظهرو يسمعولو...وياخذو بخااطرو...وحد مايتجرأ ياقف في وجهو...صحيح صعيب بصح شي مايصعب على قيصر وخباثتو...خطرت في بالو فكرة...وتستحق أنها تاخذ فرصة ويجربها شنوا خاسر...هذي ورقة رابحة وجاء وقت أنو يستعملها وخلي النار تولع.....تبسم على جنب...تبسيمة كلها خباثة...وبدى يناادي على السجااان..
قيصر: ياحااارس...جاه يجري..
الحارس:إيه شنوا تحب شبيك تصيح
😏 قيصر: نحب نعمل تلفوون ونظن هذا من حقي...موش هكا..
الحارس: باهي رح نسأل الظابط مراد...وبعدها نرجعلك.. زفر بقوة وضرب بايدو على الشباك متاع الزنزانة..ورجع قعد في بلاصتو...يهز في رجلو من العصب..راح الحارس للمكتب متااعو...واتصل فيه...بقى ينوقز وبعدها رد عليه..بقى يحكي معااه...ويخزر فيه..سكر الخط ورجع ليه..فتحلو الباب...وطلب منو أنو يتبعو...حط إيديه في جيوب السروال...وبقى يمشي ويصفر...شايخ في مخو...فرحاان باللي رح يعملو...دخل على مراد...وقعد على الكرسي من غير مايحكي معااه ولا يعبرو...راسم على وجهو تبسيمة كلها سخرية..
مراد:قام وضرب بايديه على المكتب...وبقى متركز عليهم...شنوا تسخايل في رووحك؟؟وجهو يرقل من العصب😠 قيصر:تلفت ليه تبسم..وماحكى حتى كلمة..يحب يستفزو بالسكوت متااعو.. مرااد:باهي...عندك خمس دقاايق في يدك..احكي تلفوونك.. قرب تلفوون ليه ...وكبس على الرقم..وحط السمااعة على وذنو...وتلفت ليه قاطب حوااجبو في بعضهم...نحب نبقى وحدي..اذا ماعندكش مانع...مانحبش حد يتصنت عليا وأنا نحكي مع حبيبتي وغمزوو بخبث..
مراد:مليحة هذي...تزيد تتأمر..تسخايلني كلب من كلابك..احترم رووحك اللي قدامك ظابط وانت في مركز شرطة...من غير ماتنفخ ريشك...مش رح نخافو منك😠😠 قيصر: ضحك بتمقعير
😂😂...تنفس سي الشباب أحسن مايطرطقلك شي عرق...وترصالك مشلول..اشربلك قهوة بين ماكملت تلفووني😏😏...يحكي ويجبد عليه بالبارد...يحب يستفزوو ويعصبو بش يغلط معااه...رح يطرشق من العصب اللي ركبو من كلامو الماسط...ومن برودية دمو...كبس على بونيتو...يحب يتحكم في رووحو ومايغلطش...حتى يجي سيف...نطر الكرسي ورااه...وخرج من المكتب...ضرب الباب بقوة قريب كسرو...ضحك قيصر بتمقعير😂😂...هذي جيست البدااية...واللي جاي أعظم..استنو عليا وشوفو ياكلاب...يسمع فيها تحكي.
. **:ألووو شكوون معايا..
قيصر:هذا أنا قيصر..
**:اااه ،هذي غيبة قيصر آغا...شنوا اللي خلاك تذكرني..
قيصر:ههه توحشتك، نظن لازمك تجي محتاجك برشا.. **:عشت وشفت قيصر آغا محتاجني أنا
😂😂 قيصر:تكلفة السفر على حسابي...تواصلي مع المحامي...أنا موقوف توا..وقت نتلقااو نحكو في كل شي..
**:استغربت من طريقة كلامو...بصح لازمها تسايرو..حتى تعرف اللي ناوي عليه...وشنوا حاب منها...إيه باهي..وسكرت الخط...#Mîss_Rõssįlã _____يتبع
أنت تقرأ
كرونيك💕 " حب تحت رحمة التقاليد " 💕
Lãng mạnكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
