كرونيك💕 " حب تحت رحمة التقاليد " 💕

56

#حب_تحت_رحمة_التقاليد🔥💏🔫 #الحلقة_56 #Mîss_Rõssįlã _يفتح في عينيه...جهرو الضوء فيهم...راسو رح يطرشق من الوجيعة...حتى هو كثرلها البارح من الشراب...فتح تلفونو يلقى برشا مسجات من عند مراد...زفر بقوة...وعاود اتصل فيه...بقى يدق مدة وبعدها رد عليه.. سيف: ألو مراد: أهلا تي وينك من الصباح نتصل فيك وتلفونك مسكر سيف: مشفتوشةعلاه شفما؟؟ مراد:والله الحالة داخلة بعضها.. سيف: استغرب وقطب حواحبو في بعضهم...تي أنطق موش ناقص ألغاز راسي رح يطرشق مراد: حاولو يقتل جاسر الغامدي...حاطين قنبلة في سيارة متااعو... سيف: شنوا ....هو مليح  مراد: إيه مليح...صاير اشتباك بين رجال وناس أخرين لازمك تجي للمركز توا... سيف: باهي سكر مسافة الطريق نكون فما.. رمى تلفون على كنبة...وتنهد تنهيدة من عروش قلبو...القضية هذي معقدة برشا...رح تاخذ من وقتو ... سيف: أموور داخلة بعضها وأنت راقد...عاجبك حالك احسن شي نعمل دووش لعلي نفيق شوي... .................................................................. _بعدما عملو جولة على المزرعة الكل...شافت الأحصنة...حبت تركب عليهم بصح جاسر منعها بحكم رجلها مزالت توجع فيها....وصى أشرف يبعثلو كل شي يسحقو من قضياان...أكل والذي منو..... جاسر: هيا جووري أدخلي بدى يبرد الجو.. جوري: لا موش بردانه خلينا شوية أماااانك... جاسر: لا خلي غدوا وقت تبرى رجلك أعملي اللي تحبي عليه...ملامحو باردة ماتعبر على شي... جوري: اففف منك..وڨحرت فيه...تمشي وتعرج...تعارك في ذبااان وجها...تي ديما خانقني...ميخلنيش نتتفس...ويزيد يتأمر من الفووق ملا سخطة بلاني فيه ربي...جوري متنساش هو اليوم خيرك على حياتو.. ايه نعرف ماو هو سبب المصايب..قريب مت في جرتو...من واجبو يحميني...افففف أخرجو من راسي...صرعتوني فيه الهم هذا...ودخلت للدار...طلعت طوول لأول غرفة قابلتها...بقاات حالة فمها..بيت واسعة كبرها في حجم دارهم الكل...متوسطها بونك..واسع..طاغي علي اللون الأسود مع الأبيض...مقابلو دريسنغ...كلو مرايات... بجنبو منو بار صغير...فيه دبوسة من كل نوع...بحذاه بيت البانو...منظرو خلاها باهته...كيف متاع الأفلام اللي تشوفهم في تلفزيون...عرفتها غرفتو من الصورة متاعو...: تي ديما مكشر...وقاطب حواجبو...تقول الضحك ولا تبسيمة بالفلوس...جاسر آغا...جووووري،موش منبه عليك تنقص من طول لسانك😠😠..(تحكي وتتمسخر عليه...تقلد فيه)😂😂😂...مفكر الناس ربوات عندو...ولا كيف بهايم اللي مخدمهم عندو...يضل يتأمر...معنطز وشايف حاالو....آااااااع...وضربت بساقيها على القاع....من غشهل نسات رجلها جملة..:آاااه يااأمي....توجع برشا...الله لا تربحك ياجاسر الهمم....جرتك متربحش جملة.....راحت فتحت دريسنغ تلقى شوية من حوايجو...شوميز مختلفين...في اللون....رمادي ...بني....أسود...أبيض...شدتها ريحتو القوية اللي دخلت لخشمها ونعوشتها...رهوجتها...خلاتها تسرح في عالمها الوردي....في أحلامها...الخيالية...رمات روحها على البونك...وغمضت عينيها...قابلتها صورتو...وقت كانو في السيارة...ملامحو خايفة...فجعتو عليها...خلات قلبها يدق بالقاوي...خدودها فيسع حمارت وقت تذكرت...منظرها وهي في حجرو...فتحت عينيها...قلبها زادت دقااتو...قامت تجري لبيت البانو...غسلت وجها قداش من مرة تبرد في روحها...تحاول تنسى اللي صار جملة...تحاول تمحي لحظات هذوك من مخها... بقى يدوور حولين الفيلا ...يحب يطمن...ويخمم فيها وفي هبالها...حتى ماخممش في روحو...حتى جروحو ماعقمهااش...ولا هي تولهت ليه...ولا انتبهت لجروووحو...نفخ بفدة واستغفر.. يلقى أشرف جاء ... جاسر:جبت اللي قتلك عليه.. أشرف: إيه آغا..كما طلبت تماما .. جاسر: أعطيني تلفوون بالأول...ودخل الماكلة لداخل وبعدها تقدر ترووح.. أشرف: لا آغا نحب نبقى معااك كان احتجت شي.. جاسر: موش لآزم الرجاال هوني...والبارح انت طول الليل سهراان...روح ارتااح غدوا عندنا خدمة برشا..فتح التلفوون..وكتب رقم متااعو واتصل فيه..بقى يرن فترة وبعدها رد عليه.. سيف: ألو شكون معايا.. جاسر: ألو جاسر معااك.. سيف: أهلاا عشيري ليك وحشة.. جاسر: *** متعرفش تسأل عليا.. سيف: ماك تعرف الخدمة...ديما واحل...وحمد لله على سلامتك... جاسر: الله يسلمك...إذا ماعندك شي غدوا تعدى عندي للمزرعة عندنا مانحكو.. سيف: علاه شفما..قطب حواجبو في بعضهم مستغرب.. جاسر: وقت تجي نحكو...نخليك  سيف: باهي صاحبي غدوا نشاء الله_دخل يلقاها في الكوزينة مجهزةالطاولة...وغاطسة تاكل مو ش هامها جملة..سند روحو على كادر الباب وقعد يتأمل فيها من غير مايعمل حس...ولا يحسسها بوجودو...بقى مدة وهو يتفرج فيها...ويتبسم بتبهليل...طلعت راسها تلقاه مقابيلها...حصلتلها الماكلة...بدات تسعل..فيقاتو على وضعو جاها يجري...ارتسمت على ملامحو الخوف والرعبة...شي اللي خلاها تبقى مبحلقة فيه...عبالها كاسة ماء وعطالها تشرب...تفكرت منظرها هي وياااه...هيطت عينيها فيسع...ماتحبش تخزر فيه...خدودها رح تطرشق من السخاانة..خلاتو باهت فيها وفي تصرفااتها...رح تخرجو من عقلو...شدتها عليه وإيديها ترعش...شربتها فرد مرة... جاسر: صحة...تي كول بعقلك ياطفلة...تقول حارمينك من الخبز😕 جوري: 😏😏 شبعت حمد لله...نعسانة نحب نرقد جاسر: موش عيب عليك تاكل من غير ماتستنى راجلك جوري: استنيتك وإنت طولت.. شنوا تحبني نعمل.. تحكي ومهبطة راسها تفرك في إيديها ...داخلة بعضها.. جاسر: علاه مهبطة راسك...لتكوون عاملة حاجة😑 قطب حواجبو في بعضهم...يحاول يستفسر منها.. جوري: ل...لا ماعملت شي...والله.. جاسر: باهي...موش قلت نعسانة هيا فيسع روح تنعس قبل مانغير راي نعاقبك وخزر لشفافها وغمزها بخبث  ون لا نخليك تغسل ماعون😂😂...وقت سمعت سيرتهم...فعصت تجري من غير ماتتلفت وراها😂😂.. جاسر: 😂😂😂 ملا مهبوولة...اللي يشوفك اليوم وانت ترعشي كيف الفلووسة...يقول ماتصبحش غدوا...والله يطلع منك ياجوري..صحيح فرخة ..عقلك كبير على عمرك.. وقلبك حجر..هكا نحبك تكوني ديما قوية...قاسية....متهابي حد...هيبتك تخلي الكل يخافك كيف اللبؤة...أنت مرت آغا...ولازم يعملولك حسااب...لازمك شدت أذن وترجعي كيف مانحب...تبسم على جنب تبسيمة كلها خبث وشر.. ............................................. توقعاااتكم وأرائكم في ريبووند داخل الحلقاات...مريضة حاولت قد مانجم منخليكمش تستنو ...نتمنى يعجبووكم😖😖...جمجمو على الحلقاااات حبكم#Mîss_Rõssįlã