#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_80
🌸#Mîss_Rõssįlã🌸
#قيصر_يحكي:
السهم الذي انغرس في أحشاء العصفور....كان غصنا يغني عليه في يوما ما!!...وقصتي ماتبعدش عليه جملة بابا غدرنا أنا وأختي من غير مايعمل حساب ولا يخمم مرة في أنو اللي ضرهم وقضى عليهم بأنانيتو هما ولادو وقطعة من لحمو ...متمني جوري تقبل تراني ولو مرة .. لنو معدتش متحمل حابها تسامحني حتى واذا غفرتلي أنا مش رح نسامح روحي رح تبقى غلطتي مرسومة فوق جبيني ومنحوته في قلبي ليووم مماتي...حتى العلاج الفزيائي ولا العملية المحنونة مش رح نعمل شي من الاثنين حتى نقابلها ولا رح نبقى هك عاجز هذا أقل عقااب يمكن تعاقبتو على فعايلي ...ضربت رجلي بعصب ..صحيح صعيبة أما مع الوقت تقبلت حالتي ...فيقني من سرحتي بابا وقت دخل ومنيار معااه ...استغربت من جيتهم مع بعض أما باقي ساكت مش رح ننطق بكلمة ...خلي نشوف آخرة عمايلو لوين توصل ..جيست ربعت إيديا وباقي نخزرلها ...وجهها شاحب أصفر كيف حبة الليمون ..شفافها ناشفين وذابلين كيف الوردة اللي عندها مدة ماذاقت ماء ..تمشي بسيف حاطة ايدها على بطنها نظن جيهة الضربة ...زيرت بايدي على الغطاء..هي أكثر وحدة ضريتها فيهم وخليتها تخسر برشا...قعدها بحذايا بعدما عاونها وسايسها عاللخر رغم تعبو الظاهر على وجههو ...وصحة اللي هاملها ...خرجني من غيمتي اللي خيمت على مخي وخذاتني بعيد وقت حمحم..كأنو فما كلاام يحب يقولو:
منصف: قيصر ولدي عارفك مقاطعني ومش حاب تحكي معايا ولا تخزر لوجهي ..مش رح نلومك ..أما فما كلام وحروف مازال ماكملت ولازمني نحط النقاط على الحروف صحيح وخرت برشا ...أما مش بايدي لمصلحتكم عملت هك ...قلت عليا أناني مسامحك ياولدي أما اعطيني فرصة وحدة نحكي فيها الحقيقة الكل ونزيح الغيمة اللي خيمت هذا زماان على عايلتي وحرمتني منكم ...خليني نحكي ونسد الفرغات والفجواات اللي كبرت بينا..
أنا: مفهمتش لوين تحب توصل ...وانت قلتها يامنصف آغا ...وخرت برشا لنو كل شي في وقتو ..وأنت طولت بش فطنت للحقيقة ...وين كنت انت وقت احتجتك وين كنت أنت وقت غلطت أنا وين كنت يابابا وقت قتلت وتلطخت ايديا بدم نااس أبرياااء وين كنت ...انطق ولا بلعت لساانك ...
منصف: متحكيش هك عيش ولدي ...عارف روحي غلطت
مش رح نحكي أكثر ..خلي بقية الكلاام وقت تجي أختك ..لنو تااعب برشا وحاب نحكي مرة وحدة منعرفش على الدنيا ..وعلى ساعتي وقتاااش تحضر ..
أنا: شتقوول أنتي ...من وين عرفت جوري جايه ؟؟
قطع علينا الكلام دقديق على البااب ...وطلتها علينا وقت تفتح البااب ودخلت هي وجاسر إيد بإيد ..وأخيرا شفتها بعد غيااب ...أول مرة رح نخزرلها كأخ مش بنظرة الشهوة متااع قبل ...والدم عمرو لا يولي مااء ...مشاعري ناحيتها مفهمتهاااش وقتها ...كانت إحسااس الأخوة وقت يكون الأخ مقابل أختو وبحذاها أما أنا فهمتو على أساااس حب ..ياترى رح تسامحني رح نفتحو صفحة جديدة..ياترى بابا على شنوا كان يحكي وشقصدو بالحقيقة ...كل شي رح يتوضح اليووم ..وتطلع شمس جديدة علينا كلها أمل نشاء الله..
#يتبع
#Mî_Rõ
أنت تقرأ
كرونيك💕 " حب تحت رحمة التقاليد " 💕
Romanceكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
