#حب_تحت_رحمة_التقاليد🔥🔫💏
#الحلقة_77
🌸#Mîss_Rõssįlã🌸
🌸كنت أنوي أن أحفر إسمك على قلبي...🌸
🌸ولكني خشيت أن تزعجك دقات قلبي..🌸
🌸إن يئست يوما من حبك وفكرت في الإنتحار🌸
🌸فلن أشنق نفسي أو أطلق على نفسي النار...🌸
🌸أو ألقي بنفسي من ناطحة سحااب..🌸
🌸لأني لآ أعرف وباختصار أن عينيك أسهل🌸
🌸وسيلة للإنتحار🌸
🌸🌸🌸🌸🌸🌸🌸🌸🌸🌸🌸🌸🌸🌸 🌸
من آخر مرة زارها فيها..معودش رجع ليها...ولا إسأل عليها...عندها ثلاث أيام.. مدخلت ولا لقمة لفمها...مصبرة روحها كان بالماء...ترعش من البرد...سنيها يضربو في بعضهم...تقوات على روحها...وزحفت للباب.. وبقااات تضرب فيه..بكل ماعطاها ربي من قوة...تحكي بصوت مبحوح...ضعيف... غالبتو البكية...
«خرجوني من هوني.. أمانكم...عاونوني...تسمعو فيا...حد يسمع فيا.. أنااااا هوني...أنااااا هوني....عاونوني...أمااانكم.. نحب نرجع لراجلي...لداااري...لبنتي...تكون عندها شهرين توا...تكون تبكي...تحب عليا...تحكي وتبكي بهستيريا...دق حتى خارت قوتها وتهد حيلها... وحد ماجايب خبرها...ولا سمع صياااحها...ولبى ندائها...والله حرااام عليكم...معندكمش ضمير... قلبكم حجر...خرجوني...سيف وينك ايجا...ايجا خرجني من هوني...»
ترى في دنيا تدور بيها... عينيها تغبش...وراسها يدور..طاحت دايخه.. ماتسمع كان لطختها...على الأرض وقت طاحت.
. _بعد درج..فاقت على حس سيارة تقرب...فتحت عينيها...وبقات دور فيهم على البلاصة الكل... وتقوات على روحها وقامت...تمشي غير بشوية مزالها مرهوجة ودايخة...وبقااا تدور...تحوس على حاجة تدافع على روحها بيها....لازمها تخرج من هوني يكفيها ...شد انتباهها...لوحة صغيرة...جنب الفرش... قربت ليها...وحملتها بين إيديها...وعينيها المليانين دمووع...يضحكو من فرحتها...وأخيرا رح تقدر تخلص من الجحيم اللي عندها شهور وهي تعاني في وسطو.. قربت للباب غير بشوية...ووقفت وراه...من غير ماتعمل حس...
نزل من السيارة متاعو... وحمل الأغراض في ايديه...وغلق الباب برجلو...وقرب من الباب يمشي.. ويغني...شايخ في مخو...حط اغراض في الأرض.. وجبد المفتاح من جيب سروالو...
سمعت حس المفتاح وقت دخل في قفل الباب...خذات نفس قوي...تحاول تقوي روحها...بش متضعفش...وتعمل حد للموضوع... حل الباب...وقرب حمل الأغراض...وعلى دخلتو للبيت.. تغدرو...وتعطيه بضربة...في قفى رقبتو...حط إيدو على بلاصة الضربة...وتلفت ليها عينيه تطاير شر... تقدح نااار...يحب يقتلها...متوقعش إنها تغدرو... وتتجرأ تعمل هك...مد إيدو يحب يفسدلها خليقتو... تقوات على روحها...وزادت ضربتو...على راسو... طاح دايخ على القاااع...دمو سيال...يشرشر...قدامو.. طاحت اللوحة من ايدها...وبقااات ترعش...وقلبها.. يدق من خووف..انا قتلتو والله قتلتو😭😭.محبتش تقرب منو...ولا تمسو.. بصح لازمها تتقوى على روحها...وتفركس على المفاتح.. تنهدت...وجبدت نفس ...تحاول تهدي روحها بيه... وقربت منو...ودخلت إيدها في جيبو...تفركس عليهم.. وفي قلبها تدعي أنو ميفيقش...لمعت عينيها بالفرحة.. وقت لقاااتهم...كبست عليهم في ايدها بقوة...وخرجت تجري...تحب تبعد من هووني...وترجع لراجلها...لعايلتها.. لبنتها ...قطعة من روحها...ركبت في السيارة... وبقات تحاول انها تشغلها...وايديها ترعش..شي من البرد...وشي من الخوف...فرحت وقت شغلتها... ديماارات بأقسى سرعة...قلبها رح يطير من الفرحة.. بقاات تضحك بهستيريا...حمد لله ..حمد لله...ياربي.. سيف راجعة ياروحي...قداش توحشتك...توحشت ريحة بنتي...توحشت نضمها لصدري...آه ياربي.. حمد لله استجبت لدعاائي...وخلصتني منو..
. _يفتح في عينيه...حاس رووح مدقدق...تقول واكل طريحة...راسو يووجع برشا...رح يطرشق من الوجيعة...حط إيدو يتحسس في بلاصة الضربة...يلقاها معبية دم...قام غير بشوية...وسند روحو على الباب...دايخ ...مرهوج...دخل ايدو في جيبو...يفركس على تلفوونو...كبس عليه وقت لقاااه...وخرجو...يشوف في دنيا على زوج...غمض عينيه بقوة...وعاود فتحهم...كبس على نومروه بقى يدق مدة...وبعدها رد عليه...
:ألو...
:هربت...ياسيدي...ه...ربت
:شنوا...تحب تهبلني في ه الليلة الكلبة... شنوا مخدم بهايم عندي...وحدة مقدرتش عليها... :غدرتني...ضربتني...وهربت...خذات سيارة متكونش بعدت...عاوني...رح نموووت.. وطاااح دايخ ... :ألووو....ألوووو....لجهنم نشاء الله...كلاب.. ملا ق**** ...صار هربت...موتك على ايدي ياااكلبة...انتي وسيف متاااعك... ورمى كل شي قدامو...جابو على القاااعة.. كل شي مخططلو...ضاع جرة غلطة صغيرة..
#يتبع 🌸
🌸🌸🌸🌸🌸🌸🌸🌸🌸🌸🌸🌸
شنوا رايكم في حلقاات...وشكون هذا اللي خطف مرت سيف...ياترى فما ثار بينهم.. عداوة...ولا شنوا...علقو داخل الحلقات كيف العااادة...ومن غير ماتخلوني نبلوكي #Mîss_Rõssįlã
أنت تقرأ
كرونيك💕 " حب تحت رحمة التقاليد " 💕
عاطفيةكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
