#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_28
🌸#Mîss_Rõssįlã🌸
∞🌸نروحو للقصر اللي أجواء فيه مكهربة
وداخلة بعضها ...الكل على أعصابو بعد اللي
صار اليوم ...وتبهديلة الي عملها جاسر وقيصر ..
بصح بالنسبة لسي الطاهر ...جاسر هو السبب ..
سي الطاهر : شفتي ولدك ...ديما مطيح قدري
بين الناس ...ديما مهبطلي راسي بين أغوات
العشاير ...هذي المرة كثرلها ..
نجية : هدي روحك يا آغا مش باهيلك العصب ..
وزيد ولدي معندو مدخلو ...ولد خوك هو السبب
في مصايبنا الكل ...
سي الطاهر : شبيه ولد خويا ...جاي يبارك ..
وولدك تهجم عليه ...وانتي ديما حامي ودافع
عليه ...أصلا انتي اللي مكبرة في راسو ...
نجية : ولد خوك ديما ناقم على ولدي ...وانا
ماعندي ماعملت ...مش ديما تمسح الموس فيا
وتخرج غلك الكل فيا ...
سي الطاهر : أعملي مناحة متاع بكاء كيف عادتك
وزيد أخرجي عليا ...مش حاب نرى حد ...روحي
طلعت وفدت منك ومن ولادك ...مررتولي عيشتي..
نجية : هاني خارجة ومخليتهالك ...عيب اللي تعمل
فيه والله ... هذو ولادك من لحمك ومن دمك علاه
ناقم عليهم وتكرهم لهذي درجة ...
سي الطاهر : قتلك أخرجي عليا ياامراة ...
نجية : زايد الحديث معااك ...صدقو ناس زمان
وقت قالو أنا نحفرلو في قبرو وهو هاربلي بالفااس
نكلم فيك على ولادك ...وانت مايهمك كان تعنطيزك
وتكبرك ...وجبروتك ...ارضخ وسلم كان مرة في
حيااتك ...اعترف أنك قصرت في حق عايلتك
في حق ولادك ...مش آغاويتك وعشيرتك
وعاداتك أهم من عايلتك ...اتذكر كلامي هذا
رح يجي نهار وتبقى وحدك ...وخرجت وخلاتو
شعلت النار في قلبو ...وراحت ...مزال لهذا اليوم
وجيعتو كيف هيا ...كأنها البارح ...ضميرو يأنب
فيه الي يومنا هذا ...مش يلوم في روحو ولا يعاقب
فيها ...هو عاقب ولادو وحرمهم من حنانتو وعطفو
على غلطة معندهمش فيها ذنب ...يتنفس بسييف
جباال فووق كتاافو ...ومش رح تتهد الآ إذا اعترف
وخرج كل شي في قلبو ...وافصح عليه ...
_مراد : أمي مشفتش جوري من وقت جينا
وينها ؟!
خديجة : آه ..حتى أنا مريتهاش ...نظنها راحت
مع جاسر لنو حتى هو ريحتو مافماش ...باقي
يتنهد ويزفر ...مخنووق ...وحاجة كابسة
عليه ...مانعة عليه ياخذ نفس...
خديجة : شبيك ياولدي ...حالتك مش عاجبتني
بالكل ...
مراد : والله ضايع يا أمي ...حار دليلي ...انصحني
وشور عليا ...كيفاش نصارحها ...آه ...مش قادر نخبي
عليها أكثر ...والله حاس نار قادية في قلبي...
خديجة : بصح ياولدي ...دخلت عليهم نجية
وجهها مايتفسرش ...خزر لأمو مبهم ...يسأل
فيها بعينيه ...عملتو براسها بش يخرج
ويخليهم على راحتهم ...فهمها وحمل حالو وخرج ..
خلاتو حتى خرج ...وقربت ليها ...وسألتها ..
خديجة : شبيك وجهك مايتفسرش ...صارت حاجة..
نجية : آه....آه...ياخديجة وخيتي ...والله تعبت ولا
عاد قلبي يتحمل ...
خديجة : وااه ...شصاير متفجعنيش ...احكي وفرغلي
قلبك ...نسمع فيك ...تلفتلها بوجه حزين وخاطر
مهدود...وعينين ضايعة ...وقلب محرووق ...وكبدة
مشوية...مايعلم بحالها غير ربي اللي خلقها ...وبدات
تحكيلها ...وتعاودلها على آهاتها وأحزانها ...ودموعها
تجري على خدها تحرق ...بصح مااتجي شي قداام
النار الشاعلة في قلبها...
رايح جاي قدام بيتها ...مش عارف كيفاه يفاتحها
بالموضوع ...ومن جيهة خايف عليها اذا رح
تتقبل هذا الخبر ولالا ....اتنفس يهدي في روحو
ملازمش نتراجع ...لازمني نخبرها بالحقيقة ..
قبل مايفووت الفووت ...وننسى الحكاية..
لازم نضرب الحديد وهو حامي...مسح على
وجهو بالزربة ...وعدى يدو على شعرو ...
ودخل للبيت ...
أنت تقرأ
كرونيك💕 " حب تحت رحمة التقاليد " 💕
Lãng mạnكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
