كرونيك💕 " حب تحت رحمة التقاليد " 💕

73

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_73
🌸#Mîss_Rõssįlã🌸
#جوري_تحكي:
نجري بكل قوتي بين الشجر...طيف ورايا..قلبي يدق بقوة..والعرق يصب عليا..خايفة برشا وهذا مبين من رجفة ايديا ..نجري ووقت نتعب نتخبى ورى الشجر ناخذ في النفس بسيف..حرقة في حلقي...وأصوات تنادي باسمي مقدرتش نميزهم..مرة صوت أمي..مرة صوت مراد..مرة صوت جاسر..ومرة صوت قيصر..برشا ظلمة ...غير بقعة ضوء جايه من بعيد...نرى في خياالو بعيد برشا مااد ايدو ليا...كلما نقول وصلت نلقى روحي بعيدة أكثر. ..نادي بأعلى صوتي ...جاسر...جاسر...وينك.  تسمع فيا...ايجا وينك.. ياااجاسر...بصح صوتو اللي رعبني ..حاستو قريب برشا مني نفسو سخون يضرب في رقبتي ..رهوجني وخلاني نشمئز منو:
هو: اجري...اجري ...ياوردتي...بصح مش رح تلحق..مش رح تشد ايدو...وحتى اذا وصلت رح تكون وخرت برشا...مش رح نسمحلكم تعيشو بهنا...مش رح نسمح تفهم فيا ياحلوة..
وقت شدني...فتحت عينيا بالوقت...قمت مفجووعة من بلاصتي ننهج نرد في نفس...قلبي يدق بقوة رح يخرج من بلاصتو..حاطة ايدي على قلبي ودموعي نازلة...عديت عينيا على البيت الكل مفما حد...تنفست براحة نهدي في روحي...نردت فيا الروح لني عرفت أنها حلمة مش حقيقة..بصح فيسع ماتمحات بسمتي...وقت خزرت لبلاصتو الفارغة...من يومين نفس الحلمة تتعاود ..نفس الكابوس ونفس الصووت..منعرفش شيفسر هذا ..أما خايفة برشا ..خايفة...تكمشت في بلاصتي وقربت مخدتو لصدري ضميتها بقوة ...دموعي نازلة تحرق ..تشم في ريحتو ...متوحشتو عاللخر...وينك جاسر..وينك ...شنوا صاير معااك رح نهبل من بعدك..وينك مزال جرحك ينزف علاه خترت البعد على اني نشاركك وجيعتك ...علاه اخترت تبعد علينا  ولا اني نكون بحذاك..مش وعدتني متخلنيش ...علاه خليت ايدي ....لا مش رح نخليك بوحدك لا مش رح نبقى قاعدة مانعمل شي ...مسحت دموعي بزربة وقمت من بلاصتي لبست اللي جاء قدامي وخرجت من بيتي حالفة اني نلقااه ومانرجع كان وهو معايا ...نلقى الناس الكل راقدة كل حد شاد بيتو وهذا سهل عليا برشا...رنيت لأشرف بقى مدة ينوقز وبعدها رد عليا:
هو: ألو مدام ..
أنا: أنا قدام باب القصر نستنى فيك ...اخرج فيسع..
هو: في هذا الوقت ..ارجع لداخل لسلامتك..
أنا: قتلك اخرج ومن غير ماتكثر هدرة نستنى فيك..وسكرت الخط...بقيت رايحة جاية ...حتى جاء حالتو داخلة بعضها ومقلق برشا ...وخوف باين على وجهو..
هو: مدام غير الخير علاه طلبتني ...ارجع والله كان يعرف الآغا مش رح يخلي حجرة فوق حجرة من عصبيتو ..ملا ادخل يعيشك من غير ماتدخلني في مشااكل..
أنا: جاسر وين ...انت تعرف بلاصتو ..احكي ...عيش خويا ..
هو: لا منعرفش ...هيا فيسع ادخل ..رح تاخذ برد.
أنا: هو مش مليح واكيد صاير معاه حاجة والله قلبي يغلي عليه مش قادرة نقعد ..كان مقتليش على بلاصتو رح نروح ونحوس عليه روحي مش مسحقة مزيتك..
هو: هو مليح ...ووعدتو اني منقول لحتى حد على بلاصتو...اطمن عليه ...جيست يحب يقعد مع روحو..هو ديما يعمل هك...هيا ادخل انتي ...
أنا : قتلك لا ...هاني رايحة..
هو: باهي ...باهي استنى ...والله راسك صحيح ..وحد ماينجملك..استنى هوني نجيب الكرهبة وأمري لله مش رح نخلص من الآغا😰..
لميت روحي في الفاست أكثر...النسمة الباردة اللي تلعب بشعري ردت فيا الرووح ...فرحانة لني رايحة نشوف متوحشتو عاللخر ...ومعصبة منو زادة ...حتى وحامي جاء عليه السخطة..وليت نحوس على ريحتو في كل بلاصة ..متوحشة تعنيقتو اللي تكسر ضلوعي...متوحشة كل تفصيلة فيه ...خيالو مافارقنيش ولا لحظة..قطع عليا تخمامي وقت ڤارا بحذايا وشاورلي بش نركب..ركبت بحذاه وعقلي وقلبي لعند جاسر نحسب في الوقت بالثانية وقتاش نلحقونشبع عينيا بشوفتو ..سارحة مع طريق.
#يتبع
#Mî_Rõ