كرونيك💕 " حب تحت رحمة التقاليد " 💕

10

#حب_تحت_رحمة_التقاليد😍😘💔
#الجزء_الثاني😍
#الحلقة_10🌸
🌸#Mîss_Rõssįlã🌸
∞🌸خارجة من بيت البانو لافة منشفة على بدنها...وتنشف في شعرها...حتى سمعت تلفونها يدق..استغربت شكون يطلبها في هذا الوقت...بصح وقت راات اسم أمها على شاشة تلفونها...ترسمت تبسيمة على شفايفها الحمر...وبهجة تضوي على عينيها العسليين...ردت عليها متلهفة تسمع صوتها...متوحشتها عاللخر...
جوري:ألوو أمي...كيفك ياروحي..بصح فيسع ماسكتت
وقت قطعت كلامها....
خديجة:(بصوت يرجف،مرعوب) بنتي اهدى الساااعة واسمعني...انت وحدك  يابنتي...
جوري: شنوا صاير يا أمي...طمني صوتك مش عاجبني..ايه انا وحدي بصح فهمني اللي صاير...خرج جاسر من بيت البااانو  لقاها تحكي على تلفوون...سألها بعينيه...بمعنى مع شكون تحكي...عملتلو بايدها بمعنى اسكت...جاء من وراها وحط راسو في رقبتها يشم في ريحتها الحلوة اللي تخليه يسكر...وتاخذو لعالم ثاااني...دخلها بعضها ومخلاهاش تحكي براحتها .. بصح اللي سمعتو خلاااها تتفجع ...
وتتصدم...شنوا ياا أمي ...وينو مستشفى اللي انتو فيه..
باااهي رح نخبرها اطمن...شوية ونكونو عندك...
بعد عليها جاسر مصدوم...واترسمت على وجهو علامات الحيرة...
جاسر: شبيك صارت حاجة احكي يابنتي متفجعنيش
وشكون اللي في مستشفى...
جوري: اهدى وايجا اقعد ياروحي...
جاسر: متركبهاليش احكي ...صاح فيها...
جوري: في الحقيقة...هو...
جاسر:اتكلم
جوري: شهد هي اللي في مستشفى...جاتها وجيعة الولاادة..
جاسر: بصح مش قلتلي على شهرين..
جوري: الظااهر ولد اختك مزروب يحب يجي لدنيا..
جاسر: هيا ازرب  روحك البس...نهبط نخبر أمي..
جوري: هههه وين رايح يامهبول تخبر أمك وحالتك هك..
كان أنا في بلاصتها شنوا رح يصير...
جاسر: قتلي انت في بلاصتها...في وقتها نخبرك ياقلب جاسر أنتي...لبس حوايجو فيسع ونزل لعند أمو...ولحقتو جوري مش حابة تخليه وحدو...
جاسر:أمي....أمي...أمي وينك...
نجية: خرجت تجري من الكوزينة تنشف في ايديها منشفة
تمسح بيها...واه شبيك تصيح ياولدي..نشاء الله خير ..
على صباح ربي...
جاسر: خير ياأمي...كلو خير...اعطيني البشارة يا أمي..
نجية: هبل الطفل...ايه احكي وبعدها خوذ اللي تحب عليه..
جاسر: حفيدك على الطريق...شهد في مشفى جاتها وجيعة
الولاادة...وعلى آخر كلمة طيحت المنشفة من ايدها ورجعت بخطوات لورى ...فقدت توازنها...بنتي..بنتي..
جاسر: أمي...أمي...انت مليحة..
نجية: خوذني لعندها ...نحب نراها..وتفلقت بالبكا..
ياكبدي بنتي كبرت ورح تولي أم...ياروحي مش قدها الوجيعة هذي...كيفاه رح تتحملها..تحكي وتضرب في فخاذها...
جاسر: باهي ياأمي ..مهم انت اهدى..من غير ماتعمل في روحك هك..
جوري: عندو حق جاسر أمي...هيا من غير ماتعمل في روحك هك ..لازم وقت تخرج شهد تلقانا كلنا بحذاها..
مش هكا خالتي فاطمة...
فاطمة: ايه عندها حق يالالة...
جاسر: هيا ازربو ملا نستنى فيكم في السياارة..وخرج وخلى جوري تعاونها تحضر روحها..
_رايح جاي في هذاك الكلواار...العرق يصب عليه..قلبو دم عليها...عندهم تقريب الساعة ...حد ماخرج طمنهم عليها..
اعصابو تحرقت من التوتر...وعلى تلفيتو يلقى جاسر..جوري..نجية...فاطمة...جايين جيهتو...ونجية دموعها شلال على خدودها...هذا قلب الأم...مايحس بوجيعتنا غير هو...اذا وخزتنا شوكة...يحس بينا...كان وجيعة كبيرة...كبدتها تنشوى...
جاسر: طمني عيش خويا...شهد مليحة..
مراد: منعرفش...منعرفش...من وقت دخلوها حد ماخرج
طمني...مافيهم رحمة...والله كان تصيرلها حاجة نهد السبيطار على ريوسهم...
#يتبع
#Mî_Rõ