#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_8
🌸#Mîss_Rõssįlã🌸
∞🌸استثنائية أنت!!
∞🌸حادة النظرات ، قليلة الكلمات بأفكار جريئة
∞🌸واثقة الخطوات مغرية بعطرك ، متكبرة أنيقة
∞🌸ضفائر شقراء، وعينا عسل بالأحلام مليئة
∞🌸ياهادئة الكيان ، عابثة بقلبي ، بابتسامة ظننتها بريئة
∞🌸جعلت من قفص صدري ، أروقة للفؤاد المغرم بك
∞🌸مصيبة ووقعت في حبك طواعية
∞🌸ورضيت بهكذا قدر وهكذا مشيئة
∞∞∞∞🌸∞∞∞∞🌸∞∞∞∞
∞🌸طلع الصبااح...وشرقت معاه شمس جديدة..جابت
معاها يمكن خير ...ويمكن شر...يمكن فرح...ويمكن حزن..
عينيها ماشافت النووم...ولاجفاات رموشها الراحة...طول
الليل تبكي على حالها...وعلى زهرها الكلب...ديمة إذا ضحكت صباح..لازمها تبكي في الليل...من صغرتها هكا...
يعني مستغربتش....حتى هو ماجاش...احسن ماترى وجهو..وتشعل النار في صدرها...تحرق قلبها وترجعو رمااد..سكينة غرسها فيه...تقتل فيها بالعرق...الموت البطيء...توضاات ولبست حجابها...وبدات تصلي...
دخل للبيت حاط الفاست نتاعو على ظهرو...شعرو داخل بعضو...وشوميز نتاعو كمامها واحد مطوي وثاني مسيي..حالتو داخله بعضها...عينيه حمر جمر...على تطليعتو تلفت يلقاها تصلي...قعد وراها وبقى يتأمل فيها ولا خلي نقول يعشق فيها...كأنها ملاك...وجها منور ..ضوء يشع منو...الحجاب وتاها بزاف...سلمت ورفدت ايديها تدعي في قلبها...تدعي ربي ينيرلها طريقها...ويهديها لطريق المستقيم ...يخفف عليها هذا الحمل اللي كيف الجبل على ظهرها...طاحت دمعة سخونة تجري على خدها...تحرق..
وقت شافها ...كبس على البونية نتاعو...وضربها على الفرش...ورمى الفاست على طول يدو...ونزع الشوميز نتاعو بزربة...ودخل لبيت البانو...يحب يعمل دووش..يريح بيه بدنو...لعله يغسل همومو....وينسى أنو بوه...خلاها بيه..ورماه على طول يدو....كملت طوات زربية نتاع صلاتها...ومسحت دموعها الي نزلت تجري على خدها..
وبقات تحكي بصوت واطي...
جوري:اسكت...اسكت...مش نبكي...ملازمش نبكي...هو
مايستاهلش...رح نخليهالو على وسعها...يتزوج منيار نتاعو...يابهلولة انتي كنت لليلة وحدة...خذى اللي حاجتو
بيه ...ورح يرميك عند الباب....اسكت...تحكي وتبكي..هي تمسح في دموعها...بصح محبوش يكفو...مسحت وجهها بزربة وبقاات تتنفس تهدي في روحها...حلت دريسنغ ولبست الروبة اللي جات قدامها...وخرجت من البيت من غير متعمل حس...مش حابة تراه ولا تلمح طيفو...
دخلت للكوزينة تلقى فاطمة تحضر في الفطور...صبحت عليها...
جوري:صباح الخير خالتي...
فاطمة:صباح النور بنتي...اقعد نحطلك فطور تحب تفطر هوني ولا في بيتك مع الآغا...
جوري: لا منحبش ...اعطيني كاس حليب ..
فاطمة:شبيك وجهك كيف حبة القارص...أصفر...انتي مليحة...بيك حاجة...
جوري: مهمت شوية...لا مابيا شي خالتي...جيست مارقدتش مليح...
فاطمة:باهي ...ايجا اقعد بلاما سخنتلك الحليب...
جوري:عيشك خالتي....دخلت عليهم نجية..جات تحكي بصح سكتت وقت شافت جوري...
جوري:صباح الخير أمي...وهبطتت راسها...
نجية:صباح الخير بنتي...وخزرت في فاطمة وسالتها بعينيها بمعنى شبيها...عملتلها بايدها بمعنى منعرف؟؟
قعدت بحذاها...وحطت ايدها على كتفها...تسال فيها:شبيك بنتي انتي مريضة...
جوري:لا أمي طمن انا بخير...جيست مرقدتش البارح..
نجية:بصح يابنتي عينيك متقولش هك...هيا احكيلي عيش بنتي...ولا جاسر عملك حاجة...احكي ...وقت سمعت اسمو..مقدرتش تشد دموعها...وتفلقت بالبكااء...وترمات في حضنها...
نجية:تخلعت...وقلبها خض بالقاوي...واه بنتي احكي شبيك...رتحني ياكبدي...باهي ابكي وفرغ قلبك..وبعدها نحكو...وانتي فاطمة سكر باب الكوزينة...بقااات مدة على هذاك الحاال...وبعدها بعدت عليها...تشهق...مسحت دموعها...وبقاات مهبطة راسها...سامحني أمي قلقتك معايا...
نجية:تزيد تحكي هك...نتغشش منك...هيا احكي شبي بنتي زينة تبكي...شكون زعفك...وغششك...هيا نسمع فيك..والله نعمل من عذابو صنعة....سكتت مدة وبعدها عاودتلها كل شي سمعتو...نجية حطت ايدها على فمها من صدمتها من اللي سمعتو..وهذا الكل اللي صار يا أمي...أنا شذنبي في اللي صار الكل...غير اني اخت مرااد...علاه شعملت أنا حتى يصير فيا هك...
نجية: باهي اهدى الساااعة...ومتحط شي في عقلك...أنا وانتي نعرفو جاسر مستحيل يعمل هك...والله هو يحبك..عمري ماريت جاسر فرحاان هك...غير وهو معااك...عينيه تضحك وقت يخزرلك...انتي متحكمش عليه من غير ماتسمعو...اقعدو مع بعض واتكلمو ووقتها رح تلقى روحك ظلمتو...عمرك لا تحكم على حد من غير ماتسألو وتخليه يبرر موقفو...هكا ماتظلم حتى حد...وحط هذي نصيحة في بالك يابنتي...انا نحب مصلحتك...متهدمش دارك على خاطر سوء تفااهم...أصلا منيار لفعة هذيكا معندها حتى حق على حيااة ولدي...هما فرضوها عليها...وهو تعرفو يعمل كل شي على خاطر عايلتو...شدتها من خدودها..ومسحتلها دموعها...باهي بنتي الزينة...فكر في كلامي بالقدا....ومتغلطش... هزتلها راسها بمعنى حاضر...وترمات في حضنها...وعنقتها بالقاوي...كأنها تشكر فيها ....
جوري:مغسي. بزاااف أمي...يعطيك الصحة...ريحتني..
نجية : من غير مزية يا كبدي...انتي مرت الغالي...ومعزتك من معزة شهد بنتي...وربي شاهد على كلامي...وتوا روح اغسل وجهك...وخوذ الفطور لجاسر...وحاول تحكي معااه...باهي بنتي...
جوري: ب....باهي أمي...اللي تحب عليه انتي...تلقى فاطمة ديجا حضرت سنيوة...نتاع فطور...رفدتها واتوجهت لبيتها قلبها يدق بالقاوي...تقول أول و...دخلت للبيت غير بشوية...تلقااه راقد على كرشو...لابس كان سروال نتاع بيجامة...حطت سنيوة على طرف طابل دونوي...وقربت منو غير بشوية...وبقاات تتأمل فيه...حبت تتلمس وجهو وتتحسسو بكفوف ايدها...بصح تراجعت...
جوري: جاسر انشاء الله منكونش ظلمتك...ويطلع معاك حق تبرر كلامك نتاع البارح ...مش حابة نخليك...مش حابة نخسرك...ونخسر روحي معااك...انت روحي...متاخذهاش مني...انت قلبي كان تخليني نمووت...نحبك تعرف أني نحبك أكثر من رووحي...وعلى كلمتها تالية...جبدها من ايدها جابها تحتو في ظرف ثانية...بقاات حالة فمها من صدمتها...وتتعڨن تحتو...
جاسر: يحكي بالنووم...علاه شنوا اسمعت أنتي..آه اتكلم حل فمك...
جوري:أ....أنا...
جاسر: يعني سمعتنا البارح وقت كنت نحكي مع بابا...
صار بصح مقدرتش تسمع كلامي للآخر...
جوري: علاه شنوا تستنى مني...أنا اسمعت اللي حاجتي بيه...
جاسر: صار يافرخة...طوال لسانك...واتعلمت ترد في وجهي من غير ماتخمم...
جوري: مش فرخة أنا....بعد عليا...تي قوم من فوقي...
جاسر: مش رح نبعد...أنتي نتااعي وحدي...ملكي أنا تسمع فيا...وحط هذا الكلام في مخك الصغير هذا...أنا خليت كل شي على خاطرك...يارفرختي...
جوري: والله يعطيك الصحة...ابعد ...تي ابعد...سكرت عليا نفس...
جاسر: قرب منها أكثر ...وحط جبهتو على جبهتها...نيفو على نيفها...مغمض عينيه يستحلى في قربو منها...أنت مرتي...مرتي أنا...كان تروح لآخرالدنيا رح نلقاااك...منسحقش آغوية هذي..كان انتي مش جنبي...أوعدني عمرك لا تخليني ولا تبعد عليا...مهما صاار...اسمع مني...متسمعش عليا...أثق فيا...
جوري: بصح بوك طلب منك طلقني...
جاسر: حتى واحد معندو حق يدخل بينا...انسى كل شي سمعتو...أنا كلي ملكك أنتي وحدك...جاسر متاع جوري...وجوري متاااع جاسر...وهجم على شفافها يبوس فيها...متعطش لشهد شفافها...هو بحاجتها هي وحدها...هي اللي تريحو من هموم الدنيا الكل...دورت ايديها على رقبتو وتفاعلت معااه...وهو عطاتو الضوء الأحمر...في ظرف ثانية كانت حوايجهم مطيشة على القاااعة...ودخلو في عالمهم الزمردي...🌸∞
∞🌸لآ تؤذي قلبا رق لك يوما
∞🌸فلحظات الود لها عليك ألف حق وحق
#يتبع
#Mî_Rõ
أنت تقرأ
كرونيك💕 " حب تحت رحمة التقاليد " 💕
عاطفيةكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
