كرونيك💕 " حب تحت رحمة التقاليد " 💕

43

حب_تحت_رحمة_التقاليد🔥🔫💏
#الجزء_الثاني😍🌸
#الحلقة_43
🌸#Mîss_Rõssįlã
#صقر_يحكي:
من أول مرة شفت في عينيك وأنا تايه ...مسحوور بجمالهم وببرائتهم...شحال من ساعة ...يووم...عمر..
حبيتك فيه ...ورح نبقى نحبك فيه...كثر من النجوم 30 سنة مرت كأنها البارح كل يوم حبي ليك يزيد...(صورتها بين ايديه يمسح عليها..) تحملت فراقك وبعدك طول هذي المدة ...مرت كلها جروح وعذاب...وينك انتي متوحشك قد الدنيا ...لايمت رح نصبر ولوقتاش رح نبقى ساكت ونخزر لولدي من بعيد من غير مانضمو لصدري ونشبع بريحتو نحس بقربو...لوقتاش تبقى الحرقة هذي في قلبي تكويت
وحد ماسمعني ولا ربت على كتفي...صحيح أنا رجل قوي
والكل يهابني بصح ضعيف قداام ولدي ...وقوة الكل تروح في الماء وقت نرى وجهو وملامحو كل تفصيل فيه يذكرني فيك عينيه ...نيفو..فمو...شعرو...خزرتو...وآه منها ترجعني لوقت كنت انا ويااك وايدي في ايدي...ياريتني مخفتش ووقفت في وجه بووك نادم وفراقك ذبحني وحرم عيني نوم...شنوا نقول بش نبرأ ذمتي قدامو أنا كيفهم وشريكهم في جريمتهم لني محميتكش ومدافعتش عليك بقيت ساكت ونتفرج من بعيد...نوقف قدامو ..نحكيلو اني مقدرتش نحمي أمو وخليتهم قتلوها بدم بارد وانا نخزر وايديا مربطة...دم امك مزال على الأرض...مقدرتش ناخذ بتاري ونمسح ذنوبي ونكفر على غلطتي...مقدرتش نطفي ناري..لنو اللي مفكرو بوك هو قاتل أمك...ايديه ملطخة بدمها..وارض دارو وقصرو روات عطشها وبلت ضمأها بنزيفها بدمها الطاهر ..حيوطو شاهدة على وجيعة أمك...آه...آه...كهينة قلبي هذا محرووق ...ولازم نطفيه...باني نكشف المستور وتظهر الأسرار...مسحت دموعي وطبعت بوسة على الصورة
كأنها معاايا وعمرها لفارقتني حلمنا مع بعض نبنو عيلة
صغيرة ونتلمو في دار كلها محبة بصح يافرحة ماتمت واحلامنا تحطمت قبل ماتكمل...وطموحنا دمرت قبل لا تتبنى ...اليوم اللي ستنيتو لحق وجاء وقت الحساب يا طاهر الغامدي لازمني نذكرك فيا لنك نسيتني وهذا أكيد وقت نتقابلو وجه لوجه...فقت من سرحتي على صوت تلفوني يدق ...جبدتو وفيسع ماترسمت على وجهي ابتسامة وقت ريت اسمو على الإيكرون ورديت عليه بلهفة متعطش نسمع صوتو :
صقر:ألو اهلا وليدي وحمد لله على سلامتك...
جاسر:الله يسلمك معلمي (سكينة وتغرست في نص قلبي وقت اسمعتها تمنيت تكون كلمة بابا )...محتاج مساعدتك مش قادر نوصل لقيصر ولا قادر نرجع مرتي ايديا مربطة ورح نهبل فتشت في كل بلاصة نعرفها وتحت كل حجرة بصح ولا شي كأنو انشقت الأرض وبلعتها...
صقر: من غير ماتحكي وصيت رجاال ومزالهم يبحثو نوعدك نرجعهالك سالمة ..وشعرة ماتمست منها واعتبر هذا وعد شرف من أب لولدو..(.فيسع ما داركت الوضع لني نسيت روحي )...انت بمثابة ولدي تعرف معزتك عندي ...
جاسر: فما شي يدور في راسي ...ومش رح نضيع وقت أكثر لنو  هذا أسبوع مضى ومش قادر نصبر أكثر من هك..ملا من غير ماتقولي دولة ووطن لنو روحي طلعت وحابس على شعرة وجنوني حاضرة..
صقر: شنوا نقولك اعمل اللي تشوفو مناسب وثيقتي فيك كبيرة وبلا مانوصيك رد بالك تغلط وتوحل روحك ...
جاسر: باهي باهي ...لازمني نروح من غير مانعطلك..
صقر: ربي معاك واتهلا في روحك...
قطعت عليه وشاد قلبي في يدي ...خايف وحرقة واحلة في حلقة..فما ثقل كابس على صدري ...ربي يحميك ...ناديت لواحد من رجالي ثقة...جاء لعندي بعد ماخلى كل شي كان في ايدو....كتبتلو اللي نحبو منو في ورقة...وعطيتهالو جيست اقراها وهزلي براسو وخرج من عندي...نحاول نحتاط من كل الجوانب لنو صاير للحيوط آذان ومش لازم ناثق في أي حد ولا نأمنلو وخصوصي وقت تتعلق الشغلة بولدي وبقطعة من قلبي...
#يتبع
#Mî_Rõ