كرونيك💕 " حب تحت رحمة التقاليد " 💕

76

ا#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_76
🌸#Mîss_Rõssįlã🌸
#منيار_تحكي:
نخزر للفرااغ ومخي بعييد مش معايا جملة..جيست دموعي نازلة وشهقااتي كل مرة تعلى أكثر...ضامة في بطني بايديا اثنين مش مصدقة اللي صار مزالني مصدومة لني فقدت آخر أمل كان باقي مخليني متمسكة في الحيااة لنو ولدي كان كيف قارب نجاة ليا...كان رح يخلصني من ظلامي ومن كحولية قلبي ومن حقدي كنت رح نفتح صفحة جديدة كنت رح نبدى من جديد كنت رح ننسى جاسر وكل شي يربطني بيه ..كنت رح ننسى وهم وحاجة اسمها حب لنو كان جيست حب تملك ...وكنت رح ننسى حقدي وكرهي لجوري...كنت رح ننسى كل شي...أما خسرت وهذا بسببها هي لنها كانت السبب ...لنو كن مش هي..مكانش قيصر غصبني نركب في هذيك الكرهبة ..كان ولدي مزال عايش ...كان الرحم نتاعي مزال في بلاصتو..كان بدني ماتحرمش من جزء منو..كان رح تكون عندي فرصة أخرى أني نكوون أم ونحبل من جديد..ههههه
ضحكت بوجيعة...لنو النار اللي داخلي ..مش رح تطفى..مش رح تهدى..مرارة القهرة اللي نحس فيها توا..حد مارح يتحملها وحد مارح يفهمها ...أما رح نخليها تذوق من نفس كاستي ...وتتجرع نفس المرارة...فقت على ايدواللي تحطت على كتفي...شهقاتي زادت أكثر...كيفاه منعرفش لمسة إيدو ..كيفااه منعرفش إيدين اللي كانو السبب في أنهم دخلوني للجنة وقت صرت حبلة...وحرموني منها وقت خسرت ولدي..ورماوني في الناار...مش رح ننسى..تلفتت ليه بعينين كلها حقد وقهرة ...نلووم فيه على حالتي اللي وصلني ليها:
أنا: شمزال تحب عندي...عملت كل شي تحب عليه..معندي شي ...
هو: أنا..أنا...منيار اسمعني ...امانك اسمعني..
أنا: هههه نسمعك..بربي شمزال تحب تحكي...آه..شمزال...
هاو مات ولدي مش كنت تحبو يموت...انت قتلتو انت السبب...انت قتلت ولدي وقتلتني معااه...ياريتك مغصبتنيش نركب في هذيك الكرهبة الملعونة ياريتك...وتوا اطلع لبرا مانحبش نراك ولا نسمع صوتك..وتلفتت للشيرة أخرى وعطيتو بظهري..نبكي بساكت كابسة على فمي بايدي نكتم في شهقاتي ..مش حابة نضعف أكثر..حتى ماسمعليش ماخرجش باقي بحذايا..حط راسو على طرف السرير..وبقى يحكي:
قيصر: هذا حقك ماتسمعنيش ، مش رح نلومك اذا مش حاب تراني ولا تسمع صوتي...كل هذا حقك الطبيعي ..أنا كنت أناني معاك وماخممت كان في روحي وظلمتك وقهرتك ...أما وراس أمي تحت التراب وغلاوتها عندي ماكان قصدي يصير من هذا الكل..مش رح نسامح روحي هذا فااق (ضرب شيرة قلبو) ..والله يوجع فيا يوجع برشا مش قادر نتحمل عذاب الضمير اللي ينخر في مخي لداخل مش قادر سامحني منيار واعطيني فرصة نوعدك مش رح تندم ..اعطيني فرصة نصلح أغلاطي ..خلينا نفتحو صفحة جديدة مع بعضنا ...نعالجو جروحنا فيها ..ونحاولو نتغيرو على خاطر بعضنا ...اعطيني ايدك خلينا ناقفو مع بعضنا ...خلينا ننساو الماضي ونحطو احقادنا وبغضنا على جنب ..نخلو الحقد والكره والتخطيط وتدمير الناس على جنب ...نوعدك مش رح تندم ...بالعكس رح ترتاح ..خلي يفوت النور لقلبك المعتم...احنا الحقد كان عامي قلوبنا على الحقيقة...نسينا انو لكل شي نهااية...
تلفتت ليه ..أول مرة نراه ضعيف ومكسوور هك..ولا مرة ريت دموع في عينيه ...قيصر الميت اللي قلبو حجرة ومافيه رحمة...يطلب في السمااح مني...وجاء لعندي ناادم ومكسورة جنحيه ...مش مصدقة عينيا...قلبي دق بقوة في نص صدري...قربت ايدي ليه مترددة حطيتها على راسو ...نمسح على شعرو منعرفش علاه عملت هك ..مش فاهمة روحي علاه تصرفت هك...طلع راسو دموعو نازلة ..
أنا: (قلتها ببهته) ..قيصر أنت تبكي😱
هو: علاه مستغربة حتى أنا إنسان كيفكم ...الدموع هذوما أول مرة ينزلو من بعد موت أمي دمعة مانزلت اليوم نبكي موجوع ونادم نبكي لني خسرت ولدي لني خسرت سبب كان رح يغير حياتي ...ووجعتك أنتي ...كنت السبب في قهرتك ودموعك هذي...منعرفش شنوا نعمل ولا كيفاه نتصرف أما نحب نقولك انو حقك خذيتو وبالدوبل زادة..مفمااش عقااب أكثر من أنك تخسر رجليك ومعادش تمشي...مش حابك تشفق عليا...حابك تسامحني من قلبك وتعطيني فرصة نكفر على اغلاطي😰..
أنا : مسامحتك قيصر...صار الوقت أني نعطي فرصة لروحي بش نتغير ونرى الدنيا من شيرة أخرى وبعيون صافية فارغة من الحقد...
من فرحتو جبدني لعندو وعنقني بقوة كبيرة...منعرفش شنوا حسيت ...كورون سرى في بدني وخلى لحمي يشوك ..وقلبي دق على غير العادة...يمكن هذا اللي يقولو عليه الحب ولا لا مايمكنش مش رح نطيح على راسي المرة هذي مش رح نوقع في نفس الغلطة😲..نظن جاء الوقت بش نفرقو غيوم قلوبنا المعتمة وتسطع شمس جديدة تنور حياتنا وتعطيني أمل بش نكفي حياتي وننسى وجيعتي وننسى نقصي..
#يتبع
#Mî_Rõ