كرونيك💕 " حب تحت رحمة التقاليد " 💕

85

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_85
🌸#Mîss_Rõssįlã🌸
#جوري_تحكي:
وقت طلبت مني تفحصني ..خزرتلو نحاول ناخذ قوتي منو مزالني مرهوجة وخايفة ومتوتره كل افكار الخايبة هدت عليا في اللحظة وخلت الخوف يتسلل لقلبي ..خايفة متكونش صحة اللي في كرشي بخير ...احساسي بالرهبة سيطر عليا وخلى بدني يرجف بصفة مش عادية ولحمي شوك ...أما شي كأنو مش معايا جملة سارح بعيد مش هوني جملة صحيح عينيه عليا أما منعرفش على مخو وين مشى ...حتى قربت ليه نرج فيه من ايدو وقتها حس عليا واستوعب هو ووين وعلاه جينا لهوني ...سألتو بيني وبينو لنو الطبيبة راحت لجيهة الفحص تحضر في روحهها حتى نلحق عليها:
أنا: شايفتك سارح ،شبيك نشاء الله خير من قبيل نادي فيك أما انت مش معبرني جملة😢😒؟؛
جاسر: لا ياروحي كنت معااك ...جيست سرحت في تفاصيلك والله أسرتني يافرخة وانت غير تحلى يوم عن اللي قبلو ...
أنا: هفني بكلامك ...تعرف خايفة وقلبي يدق برشا ..مش مطمنة منعرفش علاه😢
جاسر: من غير ماتخاف فحص ويروح على روحو ..وأنا معااك بحذااك ..هيا طبيبتك تستنى ميجيش نخلوها تستنى أكثر من هاك..شد على ايدي كلما خفت..
قام وعاوني نقووم ...لنو ركابيا مش حاملتني ..نرجف بكلي تقول رح نولد😞...قربت لسرير المعاينة عاوني نتسطح...ووقف بحذايا شادلي إيدي..
الطبيبة: مدام ارخف روحك ...ومن غير ماتخااف ورح تشوف أنها حكاية فارغة ماتستهلش الخوف هذا كلو ..
هزيتلها براسي باهي ...طلعتلي الروبة متاعي ..وحطتلي الجال على كرشي وبقاات تمشي فيه ...وبعدها قربت أبراي متاع الايكو وبقاات تمشي فيها ...وتحكي تحاول تهدي فيا :
هي: امم خلينا نشوفو البيبي ..خليه يتعرف على أمو وبوه ..شايف مداام هوني ولدك ...ولا بنتك ...آه شووف ..شووف ...فما مفاجأة منعرفش اذا رح تعجبكم 😒..
خزرتلها نسأل فيها بعينيا منعرفش علاه خوفي زاد...وماخممت كان بالسالب ..وقلبي خض بالقاوي يدق داخل صدري...شديت على ايدو بقوة حتى اصابعي عملت طراس على ايدو أما ماحكي شي ولا طلع منو صوت يدل على وجيعتو ...سالتها  وانا داخلة بعضي:
أنا: شفما ....شفما دكتورة ...بنتي صايرلها حاجة ...امانك قول حاجة
جاسر: اهدى عزيزتي ...دكتورة شقصدك بالمفاجأة شي خايب ولا يفرح؟
هي: علاه راح تخمامكم للخايب ...لا اطمن مسيو شي يفرح ..مش صغير واحد رح يشرفكم فما اثنين ...اما خلينا نشوفو جنسهم ولا مش حابين تعرفو؟؟سالتنا وضحكت ..
تلفت لجاسر نضحك ونبكي في نفس الوقت ..احساسي بالفرحة بالبهجة منعرفش كيفاه نوصف فرحتي كل قطعة في بدني حابة تعمل جناحين ونطير ..
أنا: تسمع فيها احنا رح يكون عندنا توأم ...ياروحي قداشني فرحانة ...والدنيا مش واسعتني ...
جاسر: ايه ياروحي...حتى أنا فرحان كنت نستنى في واحد ربي اعطاني اثنين .. حمد لله حمد لله ..وقرب باسني من جبيني بوسة مرصوصة ...عبر بيها على محبتو وعلى امتنانو فهمت منها برشا مشااعر  ... وكمل يحكي :ايه دكتورة حاب نعرف جنس صغاري ..
هزتلو براسها باهي وكملت تمشي في هذاك الجهاز على بطني ...
هي: اممم هذي بنوتة ...خلي نشوف آخر ...وهذا ولد ..مبروك عليكم مسيو طلع عندكم بنية وولد ..
تحبو تسمعو دقاات قلبهم ولا لا ؟
أنا: ايه...ايه ...نحب وتلفت ليه هزلي براسو باهي ..
زادت في volume....وقت سمعت صوتهم كأنها موسيقى سنفونية تعزفت على أوتار قلبي ..شديت على ايدو وغفلوني دمعاتي وقت طاحو على خدي تجري ...ترج قلبي لداخل ولحمي شوك ...فرحانة وفرحتي مانعطيها لحد ...ولثواني تذكرت أمي ...هي نفسها فاتت على هذا الموقف...اكيد فرحت كيف ماأنا فرحانة ... وولادي هما الصفحة الجديدة وفرصتنا أنا وجاسر بش نعوضو كل شي ضااع من عمرنا وخسارتنا لأهلنا ...رح يعوض فيهم نقصو لحنانة ولديه اللي فقدهم ...نرى فيه دموعو نازلة وعينيه فرحانة ...تضحك من الداخل ...وقلبو زادة يضحك لداخل ...وعدتو قبل مانوعد نفسي أني رح نعوض على كل دمعة ونعبي فراغات اللي خلقهم الطاهر لداخلو من صغرتو...ايد بايد رح نكون مع بعض نبنو عايلة وحيااة جديدة بعيدة على كل شيء..
فيقني من سرحتي فيه وفي مستقبلنا اللي رسمتو في خيالي ...وقت حكات :
هي: خلصنا مدام ...تقدر تقووم ..
قربلي يمسحلي في الجاال ...وعاوني قمت واستويت حالتي ...ورحنا قعدنا مقابلينها على البيرو ...عطاتني برشا نصائح بش نحافظ على روحي وعلى صغاري وتمشي حبالتي في وضعهها العادي من غير مشاكل ...كتبلتي فيتامينات بش يعاونوني نرفد صحتي ..ويخلوني نتعدى الوحاام عادي من غير قلق وغثياان ...وعطاتني صورالايكو متاع صغاري ثاني صورة ليهم اولها وقت كان في عمرهم اسبوعين ...وتوا عمرهم أربع شهور ونص..مبقاش قد اللي فات أربع شهور ونص أخرى ونحملهم بين ايديا ونشم ريحتهم...نستنى في هذاك النهار بالثانية والدقايق...
خرجنا من عندها الإيد بالإيد ...عيونا تلمع بالحب والفرحة بصغارنا ...صحيح اللي قالو الحب أعمى وأنو ميعرفش شكون هو المحق واللي على حق...حبنا تعدى مرحلة العشق ..احنا جسدنين بروح وحدةحياتنا ماتسوا شي من غير بعضنا ...عديت إيدي على بطني بحنانة ...نتحسس في صغاري وفي حركتهم داخل احشائي ...نوعدكم نحميكم برمش عيوني ومانخلي شي يقربلكم ولا تعيشواللي عشتو انا وجاسر حتى في حلمكم ...نوعدكم وقت تجو للدنيا رح تلقاونا أنا وبابا نستنو فيكم على أحر من الجمر مع برشا أحلاام وحيااة خالية من الظلم مافيها كان النور والأمان نوعدكم..
#يتبع
#Mî_Rõ