كرونيك💕 " حب تحت رحمة التقاليد " 💕

88

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_88
🌸#Mîss_Rõssįlã🌸
#الطاهر_يحكي:
اليوم جاء الوقت بش نكشف الحقيقة ..جاء الوقت بش نزيح الحمل اللي ثقل كتافي هذي سنين وهد حيلي...يكفيني ماصارعت وحدي...يكفيني ماسكتت وخبيت في قلبي...وبلعت سكينة بدمها ...غلطت واخطائي مغرقتني للعنكووش أما كل شي عملتو على خاطرها ...حبيت نحميها من النااس الكل...وأولهم أنا..حتى أني اظطريت نكون عبد آخر نكون ظالم ومفمااش في قلبي رحمة ...منعرفش اذا رح يعذروني...ويفهمو نيتي من اللي عملتو...منعرفش زادة كيفااه رح تكون ردة فعلهم...أما لهوون ويكفي...معادش نتحمل نظراات اللوم والقهرة والوجيعة في عينين جاسر...كسرت ظهرو وظلمتو من غير قصدي ...أما ورحمة أمي نحبو أكثر من روحي وكان نجم رح نفديه بروحي مش رح نقصر...نخزرلو هايم يطرطق في صبااعو بالواحد شي من العصب وشي يستنى فيا بش نحكي...حمحمت وعديت عينيا على كل واحد فيهم ...عينيهم عليا ويستنو فيا نبدى ...حتى صقر مش نااقم عليه كان عشيري وبابا خلاه يكون واحد من أعدائي منلومش عليه ...لنو أي حد كيفو وكان في بلاصتو رح يعمل اللي عملو وأكثر...وفهمت قدااش حب أختي ..أما كلمتي وصوتي ضعيف قداام بابا..كنت جبااان وقتها وخليتها بأختي ...مسحت وجهي بزربة نمنع في دموعي تنزل ويراها حد...قربت خذيت رشفة من كاس ماء اللي محطوط ع طاولة لنو شاح ريقي ..واللي رح نحكيه مش سااهل :
أنا: رح نحكي ومنحب حد يقاطعني لنو الحكااية طويلة ولازمها طولة باال ونفس هادية...ونقصد فيك انت بالذاات ولدي نعرفك بصلتك. محروقة ...وشعلة نار قادرة تحرق الأخضر واليابس...أنت جاهز للي رح نقولو...رح تخليني نحكي من غير ماتقاطعني...لنو صعيب عليا نجرحك مرة أخرى..(خزرلي ببرود ...ملامحو ماتفسر شي ..جيست كابس على بونيتو ..وتكلم من غير مايهبط عينيه من عينيا:
جاسر: إيه حااضر ...واطمن أنا هادي عاللخر ابدى من غير ماتلف وتدور نحب نعرف الحقيقة اللي تحكي عليها وتكشف اوراقك الكل...
أنا: باااهي...
بقيت ساااكت مدة ...وبعدها كملت نحكي ..نفرك في ايديا في بعضهم ...لنو صعيب عليا نتذكر هذااك النهاار المشؤوم ..ونعيش تفاصيلو مرة أخرى ..
أنا: مزالني عاالق في هذيك الليلة ...مزالني عايش فيها رغم اللي تعدات 30سنة..أما مقدرت نتسى ولا تفصيل منها..عشت فيها صراع بين عقلي وقلبي...صراع بين عادات تربيت عليهم وأخت كانت بنتي ودنيتي..حطني بابا قدام الأمر الوااقع وقاال نظف شرفك ونظف عاارك خوذ بتارنا طلعنا راسنا اللي حطتو في الطين..بقى يزن في مخي كيف ابليس ...حطلي السلااح بين إيديا وقالي أقتلها..نظف عااري وكون آغا عشيرتتا ...نفذ عاداتنا وطهر شرفنا...حطلي طوق في رقبتي بكلامو وبقى يكبس عليها خنقني بكلامو المسمووم..وخلاني نرجف وياقع قلبي بين إيديا...تخزرلي بعينها العسلية وتترجى فيا نرحمها ومانحرمهااش من الحيااة..ترجتني أما أنا سخيت فيها ..ترماات عند ساقيا ولحلحت بيا ...آااه قدااش عزت بيا ...(في لحظة هجم عليا كان واقف قدامي..عينبه حمراء جمر يتهز بكلو من العصب ...موجووع وقلبو مكسوور أما نارو رح تبرد بعدما يعرف الحقيقة ..)
جاسر: علاه مارحمتهاااش...علااه حرمتي منها...نكرهك...نكرهك...قداش ناقم عليك وتمنيت نقتلك بايديا هذوما...(شادني من خنااقي ويضرب فيا لصدري)
خسارتك كلمة بابا...كيفاه خزرتلي لعينيا وانت تكذب عليا..كيفااه حملتني وايديك مسخة بدم أمي..كيفااه طاوعك قلبك...
(وقف سيف في جرتو غايضو حال صااحبو ..مابعدو عليا كان بسيف..وتكلم يهدن فيه:
سيف: أهدى عيش خويا...مايجيش اللي تعمل فيه..آقف وخليه يكمل مش تحب على الحقيقة ملا أصبر وبرد حالتك ووقت يكمل أعمل اللي تحب عليه..
خزرلو بعينين مدمعة...ونفس مكسورة..وهزلو براسو باهي ..وطبطبلو على كتفو وارجع لبلاصتو...تقول موش هو اللي كان يصيح ورح يكسر الدنيا..شد بلاصتو من غير مايزيد حرف..
#يتبع
#Mî_Rõ