كرونيك💕 " حب تحت رحمة التقاليد " 💕

45

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_45
🌸#Mîss_Rõssįlã
منصف_يحكي:
_قاعد في ساحة القصر نترشف في القهوة نتاعي...
غير اليووم اللي ارتحت شويا ...بحكم كنت تعبان
وقلبي مزالو تاعب ...في اي لحظة يمكن يتوقف..
والموت تزورني ..اما كل شي بايد ربي...بصح مش
رح نروح من الدنيا غير لما نصفي رقبتي ونهني ضميري
لازمني نواجه بنتي بالحقيقة الكل ونعطيها حقها واسمي
مستعرف اني ظلمتها وقسيت عليها وخليتها تتحاسب على شي ماعندها حتى ذنب فيه...فقت على سرحتي على صوت فران السيارات اللي توقفت قدام الباب ...وتفتح الباب بقوة قريب تكسر ورجالي مفماش ريحتهم شكون اللي يتجرأ يدخل لقصري بهذي الطريقة بصح تصدمت وقت ريتو داخل بالعكازات وعينيه حمراء جمر تطاير شر صحيح شفتو في كل حالاتو بصح ملامحو هذي المرة غير كل المراات احساسي يقولي انو فما اعصار جاي ورح يحرق الاخضر واليابس ...حمحمت وحاولت نتحكم في روحي قد مانجم وتكلمت بكل هدوء ...لنو فازتو هذي وانو يهد على قصري بالطريقة هذي مش رح نتسامح فيها معاه:
منصف: من وقتااش تدخل لداري بهذي الطريقة ياولد؟!
(تبسم على جنب بسخرية..وزبط وجهو وخزرلي خزرة من فوق لتحت مفهمتش معناها ..)
جاسر : عامل روحك مول الدار مش هوني ياااا عمي..رح نسألك كلمتين ونتمنى نجاوبني ولاااا
منصف: ولا شنوا ...اذا ماجاوبتكش شنوا رح تعمل اتكلم انطق ياولد الطاهر كانك نسيت شكون اللي واقف قدامك ..
جاسر: لا منسيتش...(قرب ليا وهو يثبت فيه ...متغير برشا وجههو على غير العادة حتى من عضلاتو مكبوسة ..وعروقو بارزة...تنفس متاعو مش منتظم ..وعينيه كيف الصقر في قوتهم  ...تخزر في عينيا مباشرة من غير ماترمش ...مرة يكبس البونية متاعو مرة يرخف ...واذا بقى هك رح يقسم العكاز على نصفين ...)...ولدك وين..
(قالها وهو يرص على سنيه ) ...قيصر وين؟!؟
منصف: منعرفش ...آخر مرة شفتو فيها قبل بالليلة من وقت ماقوصك وأصلا الله لا يردو ...علاه عمل مصيبة أخرى ؟!؟
جاسر: آه صار مافيبالكش ...مش كنتو تخططو مع بعض قبل على راسي بش توقعوني....(شدني من كول الفاست متاعي وقرب يحكي في وذني ) ..ولدك خطفلي مرتي اللي هيا بنتك وكان يمسها ولا يأذيها نهد هذا القصر على ريوسكم...(كأنو كب عليا سطل مااء بارد ...أطرافي لكل بردت ورعشة سرات في بدني الكل ...قلبي يضخ ينبض بالقاوي رح يخرج من بلاصتو ...انقطع النفس عليا ..تخنقت ...ترميت على الكرسي ...مخطوف لون وجههي ..نحاول نفتح في زرار الشوميز لعلي نهدى وتخف النار اللي شعلت لداخلي...تذكرت كلامو وقت كان يوصف فيها ويتوعد انها ماتكون كان ليه...هزيت براسي لا لا ...لا مايمكنش شعملت ياربي أنا كاني خبرتو بالحقيقة وقتها يمكن ماصار هذا الكل ...تلفت لجاسر اللي باقي واقف وماتهزت ولا شعرة منو ولا حتى قربلي ...حتى صوتي هرب مني ...محبش يطلع ...حمحمت ..)
منصف: جاسر ولدي هذي الحقيقة مش تكذب عليا ..
جاسر: علاه حالتي متاع واحد يكذب...فارغ شغل أنا نقولك مرتي مفماااش وانت تتبهلل عليا ...اتصل فيه ...قطع علينا الحديث تلفوني اللي يصوني على الطاولة ...خطفو مني قبل لا نشوف شكون المتصل ورد متلهف:
جاسر: ألو ...ألو ياكلب وينك ...وينها مرتي ..كانك راجل واجهني ..
قيصر:  ههههه أووه ابن العم هدي روحك ..مرتك مرتاحة بجنبي ..موفرلها كل وسائل الراحة ..مش هكا حبي ..مممممممم(سمعنا غير أنينها ..كأنو مسكرلها فمها)
جاسر: يا **** رد بالك تمسها بعد عليها والله نشرب من دمك ...جوري حبيبتي رح نجي ليك متخافش..
قيصر: والله سخفتني حتى دمعتي طاحت ...اسمعني رح نبعثلك عنوان ورح تجي براسك ...من غير كلابك وياويلك كان تلعب بذيلك ...تودع قطوستك ...هيا في أمان ...
جاسر: يا*** استنى متسكرش ....متسكرش..(طيط..طيط)...
رمى التلفوون على الأرض راح كل قطعة وحدها ..ورمى العكازات حاسس بالعجز وهو متركز عليهم ...
منصف: هدي روحك ..
جاسر: بعد ر*** الزبل طالعلي ...كيفاه تحبني نهدي روحي وهي عندو ..هذاك الطحاان موتو على ايدي فهمتني ...وادعي لربي ماتكون صرالها شي ولا والله رح نخليك تتبع ولدك ورح ننسى انك بوها ...حتى هذي الكلمة خسارة فيك ...حتى نظرة منها ماتسحقهاااش ..فهمت وابعد عليها قد ماتنجم ..ابعد مانحبش نرى خليقتك بعد اليووم ...اهجر من هوني مش حاب نلمحك حتى ولو بصدفة...(رمى هذا الكلااام في وجههي ..وعطاني بالظهر وخرج من القصر..من غير مايتلفتلي ...عندو الحق في كل كلمة قالها ...أنا المثال السيء للأب..وموتي احسن من حيااتي سلمت بنتي بايدي لخوها ..كل اللي كان يهمني هي العادات وكلاام الناس واسم العايلة مخممتش ولا مرة في عايلتي ولا في ولادي ...وهذا التخلف وتقاليد نتاعو أثرو على حياتنا وسيطرو عليها وخيمو على عقولنا زارعين فيها الظلاام والظلم...
#يتبع
#Mî_Rõ