كرونيك💕 " حب تحت رحمة التقاليد " 💕

38

حب_تحت_رحمة_التقاليد🔥🔫💏
#الجزء_الثاني😍🌸
#الحلقة_38
🌸#Mîss_Rõssįlã🌸
#منيار_تحكي:
نفتح في عينيا بسيف...حاسة راسي رزين بزااف...
مزالني دايخة ...جيت نقووم مقدرتش ايدي
بسيرووم..وحزامي يوجع فيا...آخر حاجة متذكرتها اني دخت مفجوعة وقت ريت الدم نازل بين فخاذي ...حطيت ايدي على بطني نتحسس فيه اذا مزالو هوني...اذا
داخل احشائي...فكرة اني خسرتو خلات قلبي يدق...
ورعشة تسري في بدني...خلات كل أطرافي تبرد...
منجمتش نتفس...حسيتو يوجع في صدري لدااخل..
قلبي يدق ...يدق بالقااوي ..ودموعي نازلة تحرق
على خدي ...غصة واحلة في حلقي...هزيت براسي نافية احساسي...جيست
بقيت نصيح باعلى صوتي...(لا...لا...دكتووره...دكتووره)
مطولوش وجاوني يجرو...يحاولو يهدو فيا ..ويرجعوني
للفرش:
منيار: دكتووره أمانك ...رحمة على والديك قولي
مخسرتش ولدي...هاا...قولي طمني ربي يخليك..
متحرقنيش...
طبيبة: اهدى مداام....اهدى...ارجع لبلاصتك...ولدك
مزالو عاايش متخاافش...ارجع لبلاصتك وهدي
روحك...(معرفتش اذا نضحك ولا نبكي...يعني..
يعني ولدي مزالو حي...مخسرتووش...آااه ...آه..
تنهدت. تنهيدة من عرووش قلبي...هديت بعدها
وناري طفاات ...ولدي مزالو في رحمي مسلمش
فيا ...ومراحش وخلاني...نردت فيا الرووح بعد
النار اللي كانت شاعلة داخل قلبي...ومايعلم بحالي
كان ربي...توا مستعدة نعمل اللي يحبو عليه..
اللي يهمني ولدي وبس:
طبيبة: بصح مزالت حبالتك في خطر...ولدك مش
راكح داخل الرحم متاعك...وهو هابط يمكن في
أي لحظة تخسرو...لازمك تبعد على السترااس..
وتبقى فترة في الفرش...حتى يركح داخلك..
منيار:قصدك ولدي في خطر...رح نعمل اللي تقول
عليه مهم ميصير شي لولدي...أمانك ...أمانك .
طبيبة: هدي روحك مدام ...لازمك تبقى الليلة
هوني تحت المراقبة ...وننصحك متتحركش
برشا...
منيار: باهي دكتورة باهي مهم ميصير شي
لولدي...
(خرجت وخلاتني ضايعة...اعطاتني أمل صغير..
تسمع فيا ياروحي رد بالك تخليني كما عمل
بووك...متسلمش فيا...خليك متشبت في الحياة
على خاطري لنك قطعة من روحي ...منعرفش
شنعمل ...ولا شنوا نتصرف...كان يسمع بابا
يقتلني...ويقتل ولدي اللي مزال متخلقش...
ضميت كرشي أكثر نحب نحميه من كل شي..
مش رح نخليهم يأذوه هو الشي الوحيد
الباهي في حيااتي...فرصتي في هذي الدنيا..
من صغرتي كل شي نطلب عليه يجيني لحد
ساقي...فلوس...كراهب...جوهر...وكل شي
نسخف عليه ولا تراه عيني...بصح كنت
فاقدة حاجة غالية وماتتكنزش بمال الدنيا..
فقدت حضن أمي...وريحة أمي...وحنان أمي..
وعطف وقلب أمي ...حتى تفاصيل وجهها
نسيتهم...جرد صورة معنديش ...نتذكر كان
اسمها ... #جميلة ...وكانت اسم على مسمى
كيف ماقالتلي نانا (المرأة اللي رباتني )...
بصح خسرتها قبل لا نشبع منها ولا نروى من
ريحتها ...وكل هذا جراير بابا نعرف...هو كذب
عليا...ومش رح نسمحلو يدمرني ويأذي ولدي..
مش رح نسمح لحتى حد ...فيقني من سرحتي
تلفوني اللي ينووقز محبش يااقف ...وقت ريت
اسمو على الإيكرون...قلبي رجف لداخل..وايديا
ترجف...خوفي تسلل لداخلي...خاايفة يكون عرف
بحالتي...ياربي شنعمل....شنعمل...بقيت ناخذ في
نفس لرواريا نهدي في روحي...وتشجعت ورديت
عليه وقلبي قريب يخرج من بلاصتو :
منيار: أ....ألو....أ...أنعم ...ب....بابا...
منذر:وينك يابنت...وينك...اجا للمركز ...
منيار: شنوا علاه شصاير ياخي...
منذر: مصيبة وطاحت على راسي ...مصيبة
الحقني فيسع من غير ماتضيع وقت...
(تنفست براحة ...حمد لله مش اللي في
بالي ...)
منيار: بصح يابابا منقدرش نجي...
منذر: كيفاه متقدرش تجي ...متركبهاليش
اجا توا قتلك....منحبش نفهم ...دبر راسك..
منيار: بصح يابابا اسمعني ...يابابا..(طيط
طيط...قطع عليا ..من غير مايستنى شنحب
نحكي...الله لا تربحك ...شنوا نعمل ياربي..
رح نوحل مع بابا..من جيهة هو ومن جيهة
ولدي...شنعمل ....شنعمل...)
#يتبع
مايحس بالجمرة غير اللي كواتو ..نعرف كلكم
تكرهوها منياار بصح كان وحدة في بلاصتها
رح تفهمها...حطيتلكم قنبلة في الحلقة وكشفت
سر وغير اللي يتبع الكرو رح تنتبه ليه وتكشفو
بعدما تربط أحداث ببعضها ...ومني ليها هدية
انها تقرى الحلقة الجاية هي أول وحدة هيا
تحدي قائم😉👊 ومتنساااوش تفاااعل يا
شريرااات😒
#Mî_Rõ