كرونيك💕 " حب تحت رحمة التقاليد " 💕

38

#حب_تحت_رحمة_التقاليد🔥🔫💏
#الحلقة_38
#جزء_1
#Mîss_Rõssįlã
_أنت من ضلعي ياحواء..
كيف أحب لك شرا أنت آخر الخلق...
_فأخذتي مني حنانا ومن القمر الجمال
ومن الشمس ٱشراقها ومن كل شي في الكون.
_فكيف أريد بك شرا وحبك ليس مثله في الوجود
              ...............................................
_لم تتوان أن تغيرني يا آدم كنت مستعدا
لتبلدني وتكبلني  ولو ضعفت لك لوهلة واحدة..
_لحولتني إلى إحدى فتياتك...
_كنت تنتظر أن تغيرني ،وكنت أنتظر أن أغيرك..
_كنت تراهن على شرفي وكنت أراهن على الخير فيك..
_وكلآنا لم يكن يعرف أو يدري أننا لن نتغير؟؟!؟!...

_تحاول تفتح في عينيها...راسها رزين...بدنها مدقدق...كل شي يوجع فيها...نجية وفاطمة يخزرو فيها...بعيون كلها لوم وخوف وفجعة...تفكرت اللي صار الكل...دموعها نزلت تحرق على خدها تبكي بوجيعة بحرقة..تبكي بغصة  وقهرة تبكي من الدنيا اللي ضلمتها وخلاتها تعاني...تمنات كان رصاصة جات فيها...كانت رتحتها...وطفات نارها...أما الحياة حالفة تزيد تعذبها... وتكلمت بصوت مغصور ...تاعب..غالبتو بحة...
جوري: أنا قتلتو موش هكا...مات!! تسأل فيهم بعينيها ...تترجى فيهم...
نجية: بعيد شر عليه...هو بخير...جيست جرح صغير...وڨحرت فيها...ڨحرة ترعب وخرجت وخلآتها...خبطت الباب وراها...
_ شنوا تتوقع منها...انها تفهمها...تحس فيها...تحضنها...وتخفف عليها...ولدها الي انضرب برصاصة...وهي كانت السبب...هذا رد صغير..
فاطمة: بطل بكاء عيش بنتي...هلكت روحك...
جوري: تبسمت بوجيعة.😃..حد ماحس بيا...ولا حس بالنار اللي حرقت صدري...ياخالتي شنوا ذنبي أنا...كان رصاصة جات فيه...حبيت نقتل روحي...ونرتح العباد مني...وهو منعني...حرمني من الموت...حتى الموت استخسروها فيا....الكل ظلمني...وحد ماسألني انت شنوا رايك...من صغرتي نعاني...ولا حد حن عليا...حتى أمي سلمت فيا وقت حست رح تخسر ولدها...موش ذنبي أنا. ..إذا خويا غلط وأنا نخلص في بلاصتو...شنيا ذنبي أنا إذا هما حبو بعضهم...هما توا فرحانين ...وعايشين في العسل...وأنساو جوري جملة...مسحوها من حياتهم...ياخالتي هذا ...وأشارت لقلبها...تقهر...تشوى...يوجع برشا...والله تعبت وحد ما ضمني لصدرو...نهد حيلي...حلمت غير أني نكمل قرايتي...جيست حلم صغير..موش كبير هو...علاه...علاه...أنا...وبدات تضرب في وجها...ماشدتها فاطمة كان بسيف...تبكي معاها...غاضتها برشا...قداش سخفتها...وحرقت قلبها...عنقتها بالقوي تحب طمنها أنها بحذاها...أنها حاسة فيها...بقات تمسح على شعرها وظهرها...حتى حست فيها هدات ونفسها انتظم عرفتها رقدت....عدلتها على الفرش...وغطاتها...وتكلمت بصوت قريب للهمس....(آه...يابنيتي...قداش عانيت...نشاء الله..جاسر يعوضك...على كل دمعة...نعرف قلبو حنين...وموش رح يسلم فيك بالساهل...لأنو فجعتو عليك...تبين شي واحد...أنو قلبو...بدى يلين...)...
_دخلت عليه لقاتو دايخ...ودنيا معبية دم....صاحت من فجعتها...وراحت تجري ليه...تحاول تفيقو شي...عافرتو ...وسندتو عليها...وحطتو على الفرش..خلعتلو شوميز...وضلت كابسة على الجرح...حتى دخل عليها أشرف...تقول حس على عشيرو...خرجهم الطبيب..من البيت...حتى يخلص خدمتو....
#بعد_ساعة...
_خرج الطبيب من عندو...يمسح في العرق...راحو ليه يجرو...تكلمت نجية...بصوت مرعوب...
نجية:طمني دكتور ولدي بخير؟؟ وأشرف واقف...رح يطرشق...خايف على عشيرو...يترجو فيه بعيونهم...
الطبيب: حمد لله تعدات بخير...رصاصة جات في كتف...لآزمو راحة...ومايحركش إيدو حتى يبرى...وإذا صرات مضاعفات ...اتصلو فيا...نشاء الله يقوم لباس...
نجية وأشرف مع بعض:آمين..
أشرف خرج مع الطبيب يوصل فيه...
دخلت عليه...وجه صفر كيف حبة الليمون...تنهدت بحرقة...
ونطقت...آاااااه،ياوليدي...ربي يشفيك ياروحي...وتقوم لباس...نموت كون تصيرلك حاجة ياكبدي...نموت من بعدك...مسحت دموعها...وباستو من خدو...وخرجت...
.....................................................................
توقعاااااااتكم في ريبوووووند
#Mîss_Rõssįlã#حب_تحت_رحمة_التقاليد🔥🔫💏
#الحلقة_38
#جزء_2
#Mîss_Røssįlã
_قاعد في مخزن متاعو.. حاط ساق على ساق
سيقارو في فمو...ينفخ فيه بعصب...منرفز عالآخر
من وقت ماسمع أنو جاسر...هو السبب في نقص السلعة...وهو على أعصابو...ثاني مرة يدخل في شغلو....ديما ينسنس وراه..ويتبع فيه بالخطوة
كيف ظلو..هذي المرة موش
رح يعديها بالساهل...رح يندمو...على عمايلو...
يخطط ويكمبس...شنوا يعمل...ويتخلص منو...
مايرتاح منوكان وقت يموت...ويرى جثتو...جاتو
فكرة جهنمية...
تبسم بخبث...لازمك تموت.....قطع عليه تخمامو...
إيدو اليمين وقت دخل عليه...وجهو مايتفسرش...
متوتر...يقفل في زرار الفاست..ينهح وجبين
يصب بالعرق....صاح فيه...بعصب..رعبو...
قيصر: شبيك...داخل بعضك...موش منبه عليك
ماتدخل كان وقت دق الباب...
راجل: آاااغا...سامحني..فما شي صار...خلاني
ندخل بعضي وننسى ندق الباب..
قيصر: انطق ياسخطة..نسمع فيك...نشاء الله خبر
مهم..ولا تعرف شنو نعمل فيك...
راجل: ..فما خبر من الراجل نتاعنا اللي في القصر
قيصر: انطق...حل جلغتك...متركبهاليش مع
صباح ربي
راجل: قال  أنو جاسر ...تقوص
قيصر: شنوا...مات...موش هكا...
راجل:لآ ...
قيصر: قط بسبع رواح الكلب...ايمت يموت ويرتحني...شكون قوصو...
راجل:مرتو
قيصر:ما...مفهمتش شنوا السبب؟!
راجل :لآ....
قيصر: صاح فيه...اخرج عليا....وكل شي على المكتب ...جابو عالأرض...يروح ويجي ...رح
يطرشقطلع جنونو....نار شعلت...كيف الثور الهايج ....يحكي ويرص على سنيه...ايمت تموت ياكلب...نكرهك...نكرهك... ايمت نرتاح منك،جبد
دبوسة شراب...حطها قدام....تبسم بخبث
والله ها جوري طلعت قوية...وجابت آخرتك
ياجاسر...بردتلي قلبي...وطفات ناري..جوري...
جوري يردد في أسمها كيف مجنون...مختل عقلي..مهووس..حقير...متملك ...وغد...
تكلم وشر يقدح من عينيه....وقت حبيت عليك..
مكنتش غالط...حسيت أنك البنت المناسبة...أنت تلزمني...وجاسر موش رح يعرف قيمتك أكثر مني
رح نعيشك كيف الأميرة..الشرارة اللي في عيونك
الخضر حرقتني..تشهيتك عالآخر...وجهك ....
ملامحك ....بدنك ...كل شي فيك سبيسيال..
كل شي فيك شعل ناري ...وخلى بدني يحب
عليك..وين كنت مخبية..مكنتش نعرف أنو مراد
أختو قنبلة متاع زين وفتنة...وموش رح نرتاح إلآمانبصمك...ونذوق شهدك ياعسل...
عبى الكاس وشربو فرد مرة....
_أنت من طلب مني  أن ألقي بقلبي
في الجحيم وأنا لأوامرك مطيع!!
......................................................................
توقعااااااتكم في ريبوووند
#Mîss_Rõssįlã#حب_تحت_رحمة_التقاليد🔥🔫💏
#الحلقة_38
#جزء_3
#Mîss_Rõssįlã
_بدون أن أدري تركت له يدي.
لينام كالعصفور بين يديه..
_ونسيت فقدي كله في لحظة.
من قال أني حقدت عليه؟
_كم قلت إني غير عائدة له ورجعت..
_ماأحلى الرجوووووع إليه...
          .............................................
_يفتح في عينيه بسيف ....عاود
سكرهم..يحس في بدنو مدقدق...
تقول واكل طريحةراسو رزين برشا...
يغزر للبيت ...موش عارف كيف وصل
للفرش...حط إيدو على الجرح...يتحسس
فيه...يلقاه مضمد...وفما وجيعة قوية..
حاول يقوم منجمش...كتفو وجعو...هز
يدو بسيف وتقوى على روحو وتقعد...يحب
يروح يشوفها...يطمن عليها...ضمير يأنب
فيه...تلفت يغزرلها داخلةوفي إيدها
صينية متاع ماكلة...تبسمتلو بفرحة..
عيونها تلمع...ردلها شطر تبسيمة...قربت
منو...حطتها على تابل دونوي...وقعدت
بحذاه...شدتلوإيدو وباستها...ونطقت بصوت
حنين...
نجية: حمد لله كي فقت ياروحي فجعتني
عليك..
جاسر: بصوت مغصور غالبتو البحة...لباس
أمي متخافش...تعدات بخير..
نجية :خفت عليك برشا...
جاسر: تردد وبعدها نطق...ج..جوري
بخير
نجية:الغاز طلعلها وقت ذكر إسمها...
جاوبتو بعصب بخير خير منك ومني...
راقدة مهنية..وقحرت فيه...وكملت
تحكي خبرت منيار...أنك عرست...؟!
تسأل فيه بعينيها
جاسر: أمممممي موش وقت موضوع
هذا جملة
نجية:لآ وقت...تعرف اللي رح يصير وقت
يسمع بوها أنك عرست...رح  يرجع الدم
من أول وجديد...رح يرجع التار ..خايفة عليك ياروحي...
احكي معاها قبل لآ يوصل الخبر لبوها...حاول تقنعها..
جاسر: ب..باهي أمي..رح نلقى حل...عاوني
نقوم
نجية:وين على خير؟؟؟
جاسر: نروح نشوف جوري..
نجية:بعصب...وين تقوم ترص في بلآصتك
خيرلك
جاسر:أمممممممممي...أخرج من راسي...
نجية:حطت الصينية فوق حجرو...نحبك
تكملو...الكل واشرب دواك...خسرت دم
برشا...
جاسر: زفر بقوة....صبرني يارب...مد يدو
ياكل بسيف
معندو نفس ...كلى لقمتين...وشرب دواه...
وحط الصينيةعلى جنب....وغمزها....
نجية:بزايد الحديث معاك قداش راسك
قاسح...ربي يهديك..
_عاونتو قاااام...سندتو عليها...يكبس على
روحو بسيف مايحبش يبين لآمو...ولا يفجعها
عليه....يرمي في الخطوة بسيف...جرحو مزال جديد....وجه تغصور من وجيعة...وعرق يصب
عليه...ريقو نشف.....دخل عليها...راقدة كيف الملآيكة...خشمها حمر من البكاء...وشفافها
منفخة...فاطمة قاعدة بحذاها...وقت شافتو
قامت بزربة..
فاطمة:آااغا...حمد لله على سلامتك
جاسر: الله يسلمك...عينيه  عليها من
وقت دخل يخزر فيها...ويحكي مع فاطمة...
هي بخير
فاطمة: مزالها مصدومة ومفجوعة...مارقدت
كان بسيف..
جاسر:باهي ...تقدري تشوف شغلك...
وهذا الكل ونجيه...تتحمص...وتدعي عليها...
وتعوج في فمها...خرجت ونطرت الباب وراه...
بلعاني تحب تفيقها...
قرب ليها..يعمل في خطوة بسيف...وقعد
بحذاها على حرف الفرش...يغزرلها...يثبت
فيها...كأنو يحب يحفظ كل أنش في وجها...
مد إيدو متردد...لخدها يمسح عليه...
رجعلها شعرها لتالي....نزل عليها باسها من راسها...معرفش...علاه عمل هكا...ولا مين جاتو جرأة...أحساس بذنب خلاه يعمل هكا...مخو
فسرلو هذا شي..تنهد بالقاوي...وغمض عينيه...
تعدات صورتها بين عينيه...وقت حطت شفافها
على شفافو...عدى لسانو على شفافو لتوا
طعمتهم مزالت...مسح وجه بزربة...وعدى يدو على
شعرو...خذى نفس يهدي في روحو ويطرد في
الأفكار المنحرفة  اللي قاعدة دور في مخو....
اليوم أول مرة يخاف على حد..بخلاف
عيلتو...خاف ميلحقش...وتموت...أحساس
بذنب عذبو وقهرو.....
......................................................................
علقووووو في ريبوووووووند
#Mîss_Rõssįlã