كرونيك💕 " حب تحت رحمة التقاليد " 💕

51

#حب_تحت_رحمة_التقاليد💏🔫🔥
#الحلقة_51
#Mîss_Rõssįlã
_وكيف لي أن أنثر الحرف...
_وأنظم لكي القوافي...
_وأنا كلما نظرت لعينيك...
_تتسارع نبضات قلبي...
_لتعود للحياااة من جديد...
       *★*★*★*★*★*★*★*★*★*★*
_طلعت معاه في السيارة...مخزرتش فيه حتى...ولا عبرتو..دورت راسها للزجاج وحطت راسها عليه...
جاسر: أشرف من غير ماتلحقوني
أشرف: بصح آغا...لازمنا نحمووك موش بعيدة يغدرووك
جاسر: متخافش...عامل إحتياطاتي...نتلقااو في المكتب..
أشرف: قلبي ماقايلي خير...خايف عليك...بصح كيف ما تحب..
جاسر: تبسم على جنب...منخافش من الموت...مرحبا بيها في أي وقت...أيا من بعد ..
_خدم الكرهبة وديمارا...الصمت سيد الموقف...حد فيهم ماحكى مع الثاني...حتى نوقز تلفون متاعو...يلقاه رقم غريب مايعرفوش..استغرب...وبعدها رد..
جاسر: ...
★★★:جاسر آغا ...ضحك بتمقعير😂😂... قاعدة بحذاك موش هكا...مزالها صغيرة ماشافت من الدنيا شي...
جاسر: شكونك أنت ..اتكلم حل فمك (يصيح بعصب حتى فجعها ورعبها) ...
★★★:ههه لهدرجة مقدرتش تميز صوتي...خليها للوقت...نظن أني كريم برشا لأني رح نقتلكم مع بعض...حرام نفرقكم موش هكا...خليتك تودعها وتشوفها آخر مرة قبل لآ تودع الدنيا...
_كان يسمع فيه...ويخزر فيها...يلقاها مفجوعة مرعوبة...تخزر فيها...عينيها مدمعين...تخزر فيه مستغربة تحب تفهم اللي صاير...ومع من يحكي..
★★★: فما قنبلة في سيارتك...رد بالك تنقص السرعة..ولا بوووووم😂😂😂...تيك...تك...توك..بدى العد التنازلي متاااعك...في ظرف 15 دقيقة...السيارة بوووووم...رح تصيرو رماااد....وضحك بتمقعير ...بشر😂😂😂
جاسر: شكونك أنت...تهديدك ماينفعش معاايا...وأنت تعرفني بالقدا...
★★★: 😂😂لازمك تخااف...وتحاول تلقى حل لمصيبتك...موش أنا اللي سيارتي فيها قنبلة...نخليك صاحبي...وصل سلامي لناس الجيهة الأخرى...😂😂😂
جاسر: رح نلقاااك ياكلب...يلقاه سكر...كبس على الفولون...بعصب...زفر بقوة يحاول يهدي رووحو...قد ماينجم...لآزمو يلقى حل...
جاسر: جوري متخاافش باهي...أنا معااك
جوري: شنوا صاير...مع من كنت تحكي...شبيك تصيح...(بصوت غالبتو البكية)
جاسر: رد بالك تبكي...متخافش موش صاير شي..جيست فران السيارة مقطووع...ورح نلقى حل آثق فيا..هزتلو براسها بااهي..اتصل بأشرف بقى ينوقز وبعدها رفد عليه..
جاسر: أشرف أبعثلي رجال صاير مشكلة
أشرف: شنوا صاير آغا...طمني أنت بخير
جاسر: بخير...ابعثلي الدعم ...في طريق الغابة اللي قريبة للمزرعة متاعنا...
أشرف: مسافة الطريق ونكونو عندك...أتحمل آغا..
جاسر: بسرعة...وسكر الخط...وتلفت ليها ...جوري إيجا عندي.. تلفتت ليه مستغربة...وجها رح يطرشق من السخانة..
جاسر: متهبلنيش...هيا إيجا...لازم نرمو رواحنا من السيارة..نوعدك مش رح يصير شي...هزتلو براسها باهي..وقربت ليه وجها رح يطرشق من حمورية...ترعش بكلها...قلبها يدق بالقاوي...قعدت فوق حجرو...شي اللي خلاه يترهوج وهي قريبة منو لهذي الدرجة...تكبس بكلو..بصح موش وقتو...وضعهم ميسمحش يخمم أكثر...تنهد يهدي في روحو وبدى يتكلم..
جاسر: كبشي فيا ووقت نعد لثلاثة...افتحي الباب...باهي..
جوري: خايفة
جاسر: متخافش ...أنا بحذاك موش رح نخليك...
جوري: باهي😖
جاسر: 1.....2.....3....فتحت السيارة..شدها بقوة ولزها ليه...يحب يدخلها في ضلوعو...ورمى روحو من السيارة..
حاول يحميها قد ماينجم وقت طاحو في القااعة....بعد دقائق قليلة ...انفجرت السيارة ...صوتها كان قوي...بقى يرن في وذنها...شي اللي خوفها...طايح بكلو فوقها...مغطيها بجهامتو الكبيرة...راسها في وسط صدرو...يحمي فيها من الإنفجاار....وخر عليها شوية...يخزر فيها...يعدي في عينيه على كامل وجها...عينيها شدوه ...مدمعين...لونهم العسلي...خلااه يسرح ويبحر فيهم...يحب يطمنها أنو بحذاها ...موش رح يخليها....تكلم من غير مايعمل حتى ردة فعل ولا يبعد عليها..
جاسر: إنت بخير
نفسو السخون اللي يضرب في وجها...رهوجها...صوتها مش قادرة تخرجو...خدودها حمر من حشمتها...قلبها يدق بالقاوي...قريب يخرج من بلاصتو...جيست هزتلو براسها...بمعنى باهي...فيقهم على وضعهم ...صوت الرصاص...اللي جاي جيهتهم...كبشت فيه...من فجعتها...
جبد السلاح من خصرو...وخزر فيها يطمن فيها...
★*★*★*★*★*★*★*★*★*★*★*★*★*★
ماكس جام على الحلقااات ...أرائكم وتوقعاتكم في الريبوووند..#Mîss_Rõssįlã