كرونيك💕 " حب تحت رحمة التقاليد " 💕

84

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_84
🌸#Mîss_Rõssįlã🌸
#جاسر_يحكي:
أحيانا يكون الإنسان ساذجا..وأحيانا يكون ماكرا..أحيانا يكون  الضحية...وفي أحيان أخرى يكون جلادا...ولكن دائما الظروف هي التي تحكم وترضخك للأمر الواقع ..فلذا لا نظلم أحدا ولا نحكم على ماضيه فلكل منا فرصة ثانية وأخيرة يستحقها ...من خلالها يتغير ويصبح شخصا آخر ..
حمد لله توضحت الأمور أكثر وقدرت جوري تسامح بوها وتقدر تمشي خطوة للقداام ..لمعة الفرح والبهجة اللي زادت في نور عينيهاخلات قلبي يفرح ويدق زاهيلها لنها قطعة من روحي ..نفرح وقت نرى ضحكتها مالية وجهها ..ونحزن وقلبي يتقطع وقت نرى دمعة طاحت من عينيها الشحل ...ضميتها لصدري أكثر كان نلقى نخبيها على الناس الكل ولا نخلي الريح البارد يفوت عليها ...خزرتلها عامل روحي متغشش نجبدعليها بالبارد المستريح ، قاطب حواجبي في بعضهم راسم ملامح الجدية:
أنا: شفتك خذيت راحتك للداخل ..ناسي اني موجود هذا تعنااق وهذا بووس ...(خزرتلي ببهته ، )
جوري: وااه شبيك جاسر، هذاك بابا مش لازمك تغار منو😞..(قريب كشفت روحي ،بصح حالتها ووقت بوزت شفافها رايحه تبكي خلتني نتفلق بالضحك😂😂)
أنا: نتمسخر مع حبي ، رد بالك تطيح دمعة..اليوم بالذات منحبش نرى دموعك ...مش حاب سعادتنا تتعكر..وخصوصي لنو رايحين نشوفو بنوتي😍
جوري:امممم باهي اعمل عملتك وبعدها جوري متبكيش ..
أنا: اسكت ولا رح ننسى اني في المشفى وناكلك 😉ملا ماجربنيش وناتختبرش صبري عليك وخصوصي كيف تعمل بشفافك هك...زيد تعاود فيها ...
جوري: كل اليووم يزيد هبالك على قبل😞..
أنا: مش عاجبك كأنو...(قربت طبعت بوسة مرصوصة على خدها ...ومابعدت عليها كان وقت قرصتها من خشمها ..فيسع حمارت ودخلت بعضها ..😂😂حشمت فرختي ...ودخلت راسها أكثر في صدري...تعجبني وقت تهرب مني ليا ...)
وصلنا بحذا مكتب طبيبتها ...سألت فرملية ...قالت أنو فما وحده لداخل ...وقت تخرج نقدرو ندخلو ...قربت قعدت على اقرب كرسي وقعدت بحذايا ...شابكة ايدها في ايدي وكابسة عليها ...كأنهامتوتره ومزالها داخله بعضها ...حاولت نهديها بعينيا ...تعدي في عينيها على الرايح والجاي كأنها تحاول تنسي في روحها ...فيقني من سرحتي فيها فرملية وقت نادت باسمها:
هي: مدام جوري الغامدي ، تفضل صار دورك..
أنا: هيا ياروحي ..ووقفت ووقفتها في جرتي ..من غير ماتخاف أنا جنبك ..
جوري: وكان ماطلعتش بنوته ؟؟
أنا: مش مهم بنت ولا ولد...مهم الخلقه التامه وتكون صحتكم اثنينكم بخير ..
جوري: ايه نشاء الله حبيبي..هذاك الصح..
دخلنا مع بعض الإيد في الإيد...سلمنا على الطبيبة وقعدنا مقابلينها بقاات تحكي معاها مدة من زمان ..وأنا مركز معاها كيفاه تجاوب وتحاول تفهم فيها بايديها ...ايمت كبرت فرختي وولات هك ..كبرت فيسع قبل وقتها وقبل عمرها ...وصارت تتحمل المسؤولية انها تكون أم ...مراات نشكر مرااد لنو غلط هو وشهد ...لنو لو مش غلطتهم ماكانت جوري قدامي توا ...ماكانت مرتي وعلى اسمي ..وماكنت ام لقطعة مني ...وماكان هذاك القلب البارد نبض كيف هك ...كان مزالو ميت جليد ..مدفوون في صدري مايحس ولا يحب حد ...شكون قال هذي الفرخة رح تهزني بهذي الطريقة وتملك كياني الكل ..وتكون ملكة متربعة على عرش قلبي ❤..
#يتبع
#Mî_Rõ