#حب_تحت_رحمة_التقاليد🔥🔫💏
#الحلقة_31
#Mîss_Rõssįlã
_لماذا طريقنا طويل مليء بالأشواك؟!
_لماذا بيدي وبيدك سرب من الأسلآك؟!
_لماذا حين أكون أنا هنا تكون أنت هناك؟!.
يخزر فيها ويتأمل في برأئتها....قطع عليه تخمامو..وقت قعد بحذاه...ريحتو كلها شراب...قعد يخزر فيه بإشمئزاز..وتكلم وهو يرص على سنيه..
منصف: طير من قدامي..عباد تخزر فينا...قوم من غير كلمة
أحمد : شفتها كيف كبرت...جوريتك...ولات وردة مفتحة...وقطفها ولد خوك...وضحك بتمقعير..
منصف وجه تغصور وحمار من العصب...ماولاش يعقل...بدنو تكبس...وعروقو برزت...شاد روحو بسيف...باش مينوضش ...يفرشقو بطريحة كلآب...أما فيسع كبس روحو...وحاول يهدي أعصابو قد ماينجم..وتكلم بصوت هادي عكس بركان اللي في داخلو...
منصف: سكر فمك أحسنلك...تحب تفضحنا...قدام الناس...توا قوم من غير فضايح...ولا نخلي يعطوك طريحة نباشة القبور...ويخسرو عليك رصاصة...
أحمد: حابني نسكت...زيد في سومة...وسرك في بير عليه أمان...وغمزو مش هكا نسيبي...
منصف : تفي عليك...وعلى رجولتك...لو من يومها قتلتك...كنت توا مرتاح...طول عمرك طماع...وحاجتك غير فلوس...رح نعطيك اللي حاجتك بيه...مهم تبقى ساكت..
اما مش توا...غدوا نتلقاو في نفس البلآصة...وفلوسك يوصلوك...احمد :باهي...رد بالك تلعب بذيلك..قام من بحذاه...يدهشر...وخذا دبوسة شراب معاه...خرج من القصر...يتمايل مش متوازن جملة....غمز منذر واحد من رجالو ...وحط إيدو على رقبتو ...بمعنى خلص عليه...رجعلو باهي براسو...وخرج وراه...رجع يتكلم في سرو (سامحني بنتي نعرف طولت برشا...أما لآزمني نقتلو ونريحك من جملة...رح ندمو على كل دمعة نزلت من عينك...نخليه يبكي بدل الدموع دم..) تنهد بقهرة...قطع عليه تخمامو قيصر ...جاء قعد بحذاه...أحمد شكان يعمل معاك...من جاتو جرأة يقعد بحذاك...؟؟
منصف: توتر...من سؤال ولد...راجل سكير...شنوا تحبو يحكي...جاء يسلم...وقعد...يخلط في الحديث..وبعدها قام على روحو...اخطاك منو...
قيصر : ها جوري طلعت قنبلة متاع زين ...صحة ليه جاسر...ربح والله...شنوا رايك نخطفها منو..وتبسم بخبث...بوه مابقاش يعقل من العصب...حس روحو رح يطرشق...صاح فيه..من غير مايعمل حساب للناس الي حوليه:قيصر شبيك ..شنوا هذا الكلآم ..تتغزل في مرت جاسر في حضوري..
قيصر :شبيك شعلت فيا ياخي...طفلة لآهي بنتك(تحرق من هذي كلمة...وغصة شوات في قلبو).أنا صراحة عجبتني...هنا منصف اطرشق...كبس على كاس في إيدو...حتى تكسر..وايدو بدات تنزف...تفجع عليه قيصر...حاول يوقف نزيف...وتكلم بصوت مفجوع انت مليح بابا...نطر إيدو من بقوة..وقام ..خرج من القصر...مخلي قيصر متحير عليه...جاه طاهر يسأل فيه...متحير..وجه خوه كان ميتفسرش...(شبيه بوك..معصب على شنوا...تعاركتو..من بكري ناس تتفرج فيكم)
قيصر: مفما شي عمي ..جيست مشكل صغير...ورح نحلو...وتوا لآزمني نروح...والف مبروك مرة ثانية...يجعلها زواجت الدهر...
طاهر يحكي في سرو...(شي نهار تجلط بوك من ورى عمايلك ياقيصر..الله يهديك)..
تغيرت الموسيقى...وصارت هادية على آخر...موسيقى slaww...ترتح أعصاب وتهديها...قامو لكوبل يرقصوا...وقام مراد مع شهد يرقص مع بعض..إيديه على خصرها مستمتع بقربها...وإيديها على رقبتو مسلمة ليه...مش حاسة على الدنيا اللي دايرة بيها...مهم هي بين إيدين حبيبها...وراجلها...وبو ولدها...راحت نجية تجري لجاسر...وتكلمت معاه...نجية: جاسر وليدي قوم انت...نجية: جاسر وليدي قوم انت وعروستك اشطحو مع بعض...عباد تتفرج فيكم..
جاسر: جاوبها ببرود...مش وقتو توا أمي خلي من بعد
نجية: إيمت وقتو...وقت تروح الناس...العباد من وقت ماجات وهما يحكو...قوم سكتهم...وماتخليهم يحسو بشي..
جاسر: باهي أمي...باهي..Mîss_Rõssįlã#
قام ومد إيدو ليها...وهي سلمت أمرها لربي وقامت معاه...وقفو وين الناس تشطح...حط إيدو في إيدها...وايد على خصرها...جبدها ليه...لصقها فيه...رعشت وقت مسها...أول مرة تنحط في هذا الموقف...وراجل غريب يحط ايدو عليها...ترهوجت من قربو...وصدرها لآصق في صدرو...نفسها سخون في رقبتو رهوجو...خلا بدنو يرعش...يخزر فيها بكل شهوة...عدى عينيه على كامل وجها...عيونها والي مزيج الي فيهم خلاه يسرح ويبحر فيهم...ونيفها ...وخدودها الوردية رح تطرشق من الحمورية...وشفافها الكبار اللي يرعشو...شهاوه يغطس فيهم...ويذوق شهدهم...ريحتها وآه مبنها دوختو..وقتلتو بالعرق...بدنو تكبس..وسخانة طلعتلو...رح يتطرشق..حاول يهدي روحو...ويبرد أعصابو...قد ماينجم باش ميغلطش معاها...تكلم قريب من وذنها...من غير مايحس على روحو...« محلآاك ياجوري» بصوت محشرج...عيونها تحلو صحافي على وسعهم...صدمها بكلآمو...متوقعتش يحكي هك جملت...وخرت من غير وعي...فاق على روحو...وقت وخرت لتالي...وقت بعدت عليه...لزها ليه وتكلم بصوت هادي« شبيك..عباد تتفرج...رد بالك تبعد حتى نقول أنا ..مفهوم»...جاوبتو بصوت مغصور« ب...باهي»...تحكي في سرها..(يحبني نشطح بسيف...ويزيد يتأمر زادا...سخطة هذا شحاسب في روحو)...كمل رشطيحهم...ماقعدها كان وقت تهد حيلها وتعبت على الآخر...عامل فيها بلعاني...رجعو لبلآيصهم...وبقاو يتفرجو على عباد...محكاو حتى كلمة مع بعض...يستنى بدرج وقتاه الناس تروح....تنهد ...وقت فرغت ساحة القصر من العباد...وقتها قام...واستوى روحو...وخرج من القصر...يحب يبعد جملة.....
حان وقت البعد...وقت تودع شهد أمها وتروح مع مراد...ماخلآتها تروح كان وقت عملت مناحة...وبقات توصي فيها...وتنصح فيها...طمنها مراد أنو رح يحطها في عينيه...من غير ماتخاف عليها....طاهر وقت شافهم هك...راح لغرفتو من غير مايحكي كلمة...اهرب من احساس...خاف الحيط الي بناه...يطيح ويتكشف...ولقى الهروب هو الحل الوحيد....وجوري مسكينة....عيونها نشفت من دموع...تبكي بحرقة...كن لقات ترجع مع أمها...ولا تبقى في هذاك القصر اللي خنقها...ماسيبت أمها كان بسيف.كن لقات ترجع مع أمها...ولا تبقى في هذاك القصر اللي خنقها...ماسيبت أمها كان بسيف...تعنق وتبوس فيها...حرقت أمها معاها...وصات نجية عليها...طمنتها أنها في مقام شهد تروح وهي مطمنة عليها...خرجت وخلآت روحها عندهم.......
طلعت للغرفة...اللي دلتها عليها فاطمة...طلعت ...تجر في أذيال الخيبة...وراها....الحياة حالفة تعذبها...دخلت..وبقات تتفرج...غرفة كلها بلون رمادي طاغي عليه اللون الأسود...كل شي منظم في بلآصتو...فما منيو بار صغير...جاي في زاوية الغرفة...مقابلها بيت البانو...بقات حالة فمها...من فخامة اللي تشوف فيه...غرفتها ماتجي شي قدام هذا الخير كلو...قعدت على حافة الفرش...وضمت ساقيها على صدرها...رمات طرحتها على جنب...قعدت مدة على هذاك الحال...وبعدها ...حملت منشفة...ومن فاليز متاعها.اللي لحقتهالها فاطمة وقت طلعت...بجامة فيها Lolo_katty..... و suvettement ...في الأسود...ودخلت لبيت البانو...عباتو ودخلت في وسطو...قعدت مدة على هذاك الحال...خرجت لآفة منشفة على روحها...مفكرة جاسر برى...لكنو خيب أملها...وقت لقاتو قدامها....مبحلق فيها...اخترق بدنها بنظراتو لكلها شهوة ورغبة...مبحلق فيها...حتى حشمها على روحها...رجعت تجري لبيت البانو بزربة...
......................................................................
توقعاااتكم في ريبوند😉Mîss_Rõssįlã
أنت تقرأ
كرونيك💕 " حب تحت رحمة التقاليد " 💕
عاطفيةكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
