#حب_تحت_رحمة_التقاليد🔥🔫💏
#الحلقة_92
🌸#Mîss_Rõssįlã🌸
🌸راقدين معنقين بعضهم..راسها مغروس
وسط صدرو..مكبشة فيه بايديها بقوة...
غارس خشمو في شعرها...ومحاوطها بايديه
اثنين...رجليها بين رجليه...غالق عليها من كل
جوانب معندها وين تهرب...منظرهم يخليك..
تحسدهم على قوة حبهم...وعلاقتهم اللي
استمرت رغم فرااق دام أشهر...
_نزل من السيارة متااعو يجري...لحق للباب
وبدى يدق بالقااوي قريب يكسرو...يسمع فيه
صووت بعيد...يفتح في عينيه بسيف...زاد
غرس راسو في شعرها وضمها أكثر...بصح
فيقو صوت الباب اللي يندق بقوة..واذا ما
قاامش رح يخلعوه...فتحت عينيها بالوقت..
وارتسمت على شفافها ابتسامة خفيفة..
عينيها تلمع...بدات تحكي بصووت كل إغرااء
ونووم...
جوليا:صبااحو يارووحي...
سيف: صباح الورد والسرور..ارجع ارقد
حبيبي ...نشوف شكون ع الباب ونرجعلك
وغمزها بخبث...قام بزربة لبس تيشرت متاعو..
وخرج يشوف شكوون...
جوليا:اععععععع...نمووت عليك ياروح قلبي..
وقربت مخدتو ليها وضمتها لصدرها...تشم في
ريحتو اللي دخلت لخشمها..وردت الروح فيها..
فتح الباب يلقاااه في وجهو ...
سيف:شبي***،شفتني في منامك..تي قريب
كسرت الباب ياسخطة😮😏
أشرف: والله موش ناقص***...طاحت علينا
موصيبة...ياسيف...هيا فيسع البس وخلينا
نروحو...استغرب من نبرة صوتو الحادة ومن
كلامو ممزوج بالألغااز...خلاه يدخل في حيط..
سيف:تي احكي يا **شنوا صااير...
أشرف:جاسر في الحبس..هذا اللي نقدر نحكيه
توا...تفاصيل نكملوهم في الثنية..هيا فيسع..
سيف: شنوا....شصايرً...نلبس فيسع ونروحو..
استنى ...دخل لدار...طلع درج هذاك بزربة..
يلقاها كيف ماخلاها...راح لدريسنغ...يخرج في
حوايجو...تقعدت في بلاصتها عاقدة في حواجبها..
مستغربة ...حتى ملامحو باردة ماتفسر شي...وهي
تعرف انو وقت يكون هكا أكيد فما حاجة...
جوليا:سيف وين رايح؟؟
سيف: جاسر دخل للحبس لازمني نكون بحذااه...
يحكي معاها ويلبس في حوايجو...
جوليا:جاسر ماغيرو...موش هكا...
سيف:إيه..وأنا عندي من غيرو..هيا أنا نخليك
من بعد ...وقرب طبع بوسة على شفاافها..
مابعد عليها كان وقت نفس تقطع عليهم اثنينهم..
اتهلا في روووحك ...واذا احتجت شي جيست
اتصل فيا...نكون عندك...
جوليا:نحب على تالين بنتي😟😞
سيف:احكينا فيه الموضوع هذا...نحبك..
وخرج وخلاها بغصتها واحلة في حلقها...والنار
الشوق اللي شاعلة في قلبها من وحشها لبنتها..
قطعة من رووحها...خرج يلقاه راكب يستنى
فيه...ركب بحذاه..وقلع مخلي العجااج وراااه...
ديركسيو للمركز..
_سيف:احكي شنوا واقع وجاسر علاه في حبس؟؟
أشرف:يا خو تهموه في قتيلة نسيبو...
سيف: شنوا من دون أدلة...ومن دون شهود رماوه
في حبس...وأنا مافيباليش *****
أشرف: فما واحد اشتكى وقال انو شافو وقت
قتلو...والله دخلت في حيط
سيف: لازمنا ندبرو محامي في أسرع وقت
أشرف: هو فما بصح خايف آغاا ميقبلش..
ويجيب آخرتي وقت يخرج..
سيف: شكون هو والباقي عليا...جاسر خليه
أنا نقنعو...
أشرف: منيار يوسفي...هي محامية الشركة..
بصح آغا طردها من القصر وقت جاات.
سيف: بفففففف هذيك...حتى أنا منحملهاش
جملة...بصح جاسر أهم من كل شي...هيا
زيد في فيتاااس...🌸
🌸تخاف منه نجوم السماء🌸
🌸ويتوارى عنه عتم الليل🌸
🌸وتهرب منه شمس الصباح🌸
🌸أنا أنثى دفنت في مقابر الحياة🌸
🌸أحرقت مشاعرها وأصبحت رماد🌸
🌸وتطاايرت في السماااء🌸
🌸فحجبت الشمس عن الأياام🌸
🌸أنا أنثى بلاا طريق...بلا عنواان..🌸
🌸بلا مكااان....بلا موطن...بلا قلب....🌸
🌸مات كل شي بداخلي..🌸
🌸وأصبحت جسداا بلا رووح🌸
🌸أحيا ولكن في عدااد الأمواات🌸
#يتبع🌸😞
أنت تقرأ
كرونيك💕 " حب تحت رحمة التقاليد " 💕
Romanceكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
