كرونيك💕 " حب تحت رحمة التقاليد " 💕

61

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_61
🌸#Mîss_Rõssįlã🌸

🌸_أحتاجك حبيبي كحاجة الأرض للمطر☔🌂..
_أحتاجك حبيبي كحاجة الأعمى للبصر🌀👀... _أحتاجك حبيبي كحاجة الفجر للشروق🌞... 🌸
🌸فتحت الباب،راجع نجيب في حوايجي،نلقاها في هذيك الحالة ،تفجعت وجمدت في بلاصتي من حالتها اللي داخله بعضها،فيقني على وضعي بكاها اللي طلع وصوتها اعلى اكثر،قربتلها نجري وقعدت بحذاها،كابسة على تلفووني بقوة قريب تكسرو وباقي تئن وهي كابسة على شفافها بسنيها،حطيت ايديا على خدودها طلعتلها راسها:
أنا:عيش حبي ..شبيك ؟جاوبني؟شصار يخي ؟اهدى انا هوني!اشسش...اشششش،متبكيش اعطيني تلفون،اناهنا سيف بحذاك ،هيا اعطيني تلفون ،
جوليا: ..هو.....هو....هو ....شمزال يحب منك،خليه يبعدنا متحكيش معااه منحبش ،هو...هو...دورت ايديها على رقبتي وحضنتني بقوة تبكي بشهقة وانا مزالني على حالتي مش عارف على شنوا تحكي وكيفاه حتى تقلبت حالتها وولات هك ،خذيت تلفوني فتحتو نلقااه هذاك الكلب باعثلي،كبست على سنيا من عصب مش قادر نتحكم في روحي أكثر ،اعصابي تحرق فيا وقلبي يخض بالقااوي بعدتها عليا غير بشوية:
أنا: جوليا اخزرلي هوني في عينيا ،طلعت راسها تخزرلي بعينيها مدمعين طيحت مني النص كل دمعة طيح على خدها تحرقني بالوقت،كيف الملح وقت يطيح على الجرح،انا هوني متخافش منو مدامني حي ونتنفس مش رح يقربلك لا انتي ولا بنتنا،عندك ثيقة فيا أنتي؟؟ جاوبني تاثق فيا ؟؟ هزتلي براسها ايه😭ملا نحيه الخوف هذا واهدى السااعة،إرجع لفرشك وأنا بحذاااك ،وامسح دموعك ياروحي،نروح نجيب تالين ترقد بحذاك ونرجع ،شدتني من ايدي وقت قمت :
جوليا: أوعدني متروحش ليه ،متقابلوش ،أوعدني💔
أنا: اهدى انت ساعة وانسى سيرتو،قربتلها بستها من جبينها،وغمضت عينيا بالقاوي ،مش قادر نتحمل أكثر،رح نتفلق من العصب بصح لازمني نبرد روحي على خاطر منفجعهاااش ،رحت جبت تالين ورجعت نلقاها بنفس position ،حاطة راسها على ركايبها ومدورة ايديها عليهم ،تروح وتجي وعقلها مش هوني ،حطيت تالين قدامها محستش عليها جملة قربتلها:
أنا: جوليا عيش حبيبي اهدى يعيشك متخوفنيش عليك، بايعت بايدي قدامها، تسمع فيا؟هيا تمدد شوف تالين كيفااه تخزرلك😐تلفتتلها بالوقت وقربتلها ليها تشم في ريحتها وتبوس فيها من كل بلاصة،ودموعها نازلة على خدودها تحرق،وبعدها تمددت ولزتها ليها أكثر،حتى الصغرونة كأنها حاسة بوجيعة أمها لا بكاات لا تعبتها حاطه إيدها على خد أمها وتناغي،كأنها تقولها ماما أنا هوني جنبك بحذاك متخاافش،عينيا دمعت من منظرهم وزدت نقمت أكثر عليه ومش رح نسامحو المرة هذي الآ مانشرب من دمو،ونوريه النجوم في الڨايلة،بقيت نمسح على شعرها ومخي بعيد ،حتى رقدت وخذاتني عيني وأنا جنبهم ماحسيت بشي من التعب والستراس والعصب اللي راكبني تعبت وانهد حيلي حتى جاسر مشاكلو فوق راسو،ومش رح نتعبو جرايري رح نحل مشاكلي بايدي،حتى اذا صارتلي حاجة،مش رح تبقى عايلتي بوحدها،مخلي راجل ورايا ومش رح يخون الأمانة 🌸
#يتبع
# Mî_Rõ