كرونيك💕 " حب تحت رحمة التقاليد " 💕

29

#حب_تحت_رحمة_التقاليد🔥🔫💏
#الحلقة_29
#منيار...بنية زينة...شخصيتها قوية...أنيقة...فاتنة...جريئة....مدللة...كل شي تطلبو يكون عندها.....متسلطة........عيونها زرق كيف البحر...شعرها لونو مش محدد...كل مرة تبدل ستيل متاعو....شفافها منفخة وكبار مغريين على آخر....بدنها كيف حوته...معمر غير في بلآيص لآزم...قنبلة متاع زين....حاجتها ماتخلي حد يقرب ليها ....تخطبت لجاسر...من غير حب....كانت صفقة صلح بين عيلآتهم...ولكن هي تعلقت بجاسر...وحبتو...حب تملك...سلمت في كل شي على خاطرو...حتى شرفها.....شريكة معاه في احدى شركات متاعو....عمرها 27 سنة....
______________________________________
قاعدة في مطعم تفطر...فطور الصباح...مش تاكل في شي...تلعب بالماكلة...سارحة...عقلها مش معاها جملة....متحيرة على جاسر..من وقت ماسافر...مااتصل...ماحوس عليها...شي اللي خلآها تشك أنو فما حاجة...صايرة معاه...خايفة يكون صاير معاه شي....متوحشتو على الآخر...توحشت صوتو....توحشت تشوفو....حتى عصبيتو توحشتها...تحكي في سرها...( جاسر وينك ياروحي...توحشتك....وينك لتكون فما بنت هي قصة غيابك...لآ منيار جاسر ميعملهاش....إيه هو يحبني أنا...نقتلوا وما يكونش لغيري....خليني نحكي معاه....ونجس نبضو)...كومبست رقم متاعو....واتصلت فيه....بقى ينوقز...حتى رد ....
منيار: صباح الخير حبيبي...
جاسر: صباح النوور...لباس#Mîss_Rõssįlã
منيار: مش لباس...توحشتك....برشا....وينك طولت الغيبة..
جاسر: نعرف ...نعرف...جيست خدمة ..واحلة في راسي...نكملها فيسع...ونرجع..
منيار: إيمت ..ديما مظغوط إنت...عندك يومين......مابان حسك...ديما تلفونك..خارج تغطية...خفت تكون جراتلك حاجة...(تحكي بإغراء وصوت حنين.. وقالبة شفافها)
جاسر: لآ بخير ...متخافيش......توا نخليك عندي خدمة...منبعد نحكي معاك
منيار: أووك رح نعديها هذي المرة.....مواااح باي..
جاسر: باي.
غلقت تلفون...وبدات تتكلم...حاسبني دغفة...مش منيار اللي تعديها عليها ياجاسر آغا...نعرف صاير شي...وقلبي حاسس.وعمرو لا خيبني..لآزمني نروح ...ونعرف اللي صاير الكل....ضربت راسها...وقت تفكرت حاجة...تي منجمش نروح...حتى بعد شهر....لآزمني نوقف على شركة في غيابو...افففف ياجاسر...خليت كل شي واحل في راسي...هبلتني ومخليت فيا عقل...نحبك يا سخطة....الناس اللي في مطعم كلهم يخزرو فيها....مستغربين من حالتها...مرة تعصب ...مرة تضحك...باز تكون مجنونة....شفت ياجاسر الكل..يخزر فيا عجبك اللي عملتو فيا...أحسن شي نخرج من هوني...لآ نتفضح. قدام العباد..
_____________________________________________
وقفت مبعثرا ...جسدي في مدينتي...عقلي في مدن أخرى...وروحي لآ مستقر لها...
نفخ بفدة...ورمى تلفون على الفرش....ياربي عاوني...والله تعبت....شنوا نعمل...خمم في أختو...ونسى أنو منيار...رح تتجرح...رح تدمر....طفلة تتنفس حبو...صحيح هو ميحبهاش...أما يحسها البنت المناسبة ليه....شخصيتها القوية تجذبو...جمالها...يفتنو...أكيد رح تدمر وقت تسمع....مخو رح يتحرق من تخمام...تعب ونهد حيلو....وماحد حس فيها...كل شي واحل في راسو...تذكر إنو غدوا نهار عرسو...صحيح هدد مراد أنو رح يندمو علي عملو مع أختو...ولكن هو مستحيل يضر حد ماعندو حتى ذنب...لأنو أي حد على أسمو هو تحت حمايتو ومن مسؤوليتو...قام يعمل دوش ويفرهد روحو بيه...يبرد أعصابو اللي تحرقت..ويطفي النار الشاعلة في قلبو...عبى البانو للفم...ودخل فيه ...خرج لآف منشفة على روحو...تلفونو نوقز...وصلو مساج فتحو« جاسر عشيري...معنديش الحق نقول هذي الكلمة...سامحني...معنديش وجه نقابلك بيه...لكن جوري ماعندها حتى دخل في اللي صار...خليها تكمل قرايتها متظلمهاش...في جرتي....سامحني...»...كبس على تلفون في إيدو ...كتب مساج ( عندك وجه ومازلت تحكي...طمن مش طحان كيفك ورح تكمل قرايتها...)ورماه...على الحيط...كل قطعة راحت في شيرة...جاسر: إلآ مانربيك ياكلب استنى ...عليا...
لبس حوايجو بزربة ...وخرج ... قابلو أشرف يستنى فيه برى....« آغا..عملت كيف ماطلبت..والسلعة حرقتها...» تبسم على جنب...وتكلم ببرود كيف عادتو ( خلي قلبو يتحرق ويتحمص شوي😉😂)...ميكون غير خاطرك....خليني نروحو للمزرعة عندي مدة...متسابقتش أنا وياك...شنوا رايك...«باهي آغا اللي تشوف مناسب»..ركبو في السيارة متوجهين للمزرعة...بعد مدة من السواڨة...وصلو للمزرعة...نزل جاسر وراح يعمل في طلة على الأحصنة...قداش توحش هذا المكان...يرتاح وقت يجي...وهو مستحق...يبقى وحدو وخمم في اللي جاي...جهز روح ولبس زي يخص ركوب الخيل...وراح للحصان متاعو...بقى يمسح عليه...قداش توحش يركب عليه...ركبو اثنينهم وبداو في السباق...مكانش اللي يقدر يغلب جاسر...في الفروسية...وبحق طلع فارس...على حصان أسود...فاز على أشرف...اللي رجع وجه مايتفسرش...وجاسر يتمسخر عليه«شبيك منرفز ولآ خايف من خلآص الفاتورة😂😂😂»...تكلم أشرف بعصب ...( أخطي راسي...نرفزت ديما تعملها وتغلبني...نعرفك تغش كيف عادتك😒😏)..
جاسر:هذا كلو خوف من خلاص الفاتورة...قداشك بخيل.. ويدك على جيبك...متخافش اليوم على حسابي العشاء...وضحك بوجيعة ...عشاء توديع العزوبية😒
أشرف: متخمم في شي ...يمكن هذا الزواح يكون في صالحك....ويكون زواج الدهر...بقى ساكت من غير مايحكي كلمة...سرح وماسمع حتى كلمة ...من اللي يحكي فيه...فيقو من سرحتو...وقت حط ايدو على كتفو...وتكلم بصوت متقلق...(خلينا نروحو...)...باهي هيا....راحو عملو دوش...نحو بيه التعب...وتوجه للمطعم.....
....................................................................
تعاااااليق داخل الريبووووند....
#Mîss_Rõssįlã