كرونيك💕 " حب تحت رحمة التقاليد " 💕

56

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_56
🌸#Mîss_Rõssįlã🌸
#جوري_تحكي:
💕سمعت حقيقتي وعرفت لمن ننتمي ...حسيت بخيبة كبيرة ..وبفراغ كبير لداخلي ...يعني حياتي الكل طلعت كذبة...بابا حي وتربيت قدام عيونو ...وكان شاهد على كل شي تعدى عليا...من عذاب...قهرة...دمووع...ذل...فقر..ورغم هذا الكل لا حن ولا كن ولا قرب وخذى قرار يبعد ولا أنو يشيلني من وسط الناار هذيكا...حتى أمي مش ناقمة عليها رغم انها تعرف اني مش بنتها عمرها لا حسستني ولا فرقت بيني وبين مراد بالعكس كنت نرى حبها ليا من عيونها من حضنها ومن ضمتها ليا ومن وقوفها في وجه بابا ..وقت تاخذ الضرب في بلاصتي ...وقت تنذل على خاطر كرامتي...وقت تبكي على خاطر ضحكتي وبسمتي...وقت تخدم في بيوت الناس على خاطر مصرووفي...وقت ضحات وتعبت وسهرت على راحتي...ومهما عملت مش رح نردلها خيرها رح تبقى أمي اللي نحبها...صحيح وقت عرفت تمنيت الموت...كتافي بردت وحسيت طرافي الكل جمدت...عرفت وقتها اني صرت وحيدة.. بلاش أم ...فقدت الحق في اني نقولها أمي..في اني نادي مراد بخويا...جيست بقاات كلمة جاسر تتعاود في وذني...وترن ...#جوري_اختك....اختك...يعني كل شي عشتو كذبة ...تبسمت بوجيعة ...وخزرتلو بلووم...يعني عايلة مزيفة عشت معاها...ولقب اعطاهولي كان كذب في كذب ...شهدت على عركتهم وضربهم للبعض..بصح باقية واقفة جامدة في بلاصتي ...مر شريط حياتي الكل قدام عينيا...مشيت ورجليا ترجف حتى الأرض تئن تحتهم كأنها حاسة بوجيعتي وبقهرة وحرقة قلبي..اللي نارو شاعلة شي من خيبة وشي من كذب جاسر عليا...قلبي معادش يتحمل وكل مرة تكبر ثغرة لداخلو وهذا من غدرات اللي كل مرة تقوى ضربتهم أكثر وتخلق فراغ كبيربينا....بقيت نخزرلو في عينيه كأني نلوم فيه ...تهد حيلي وماريت كان قيصر موجه سلاحو جيهتو ...تبسمت بوجيعة ...يمكن لحقت نهايتي وساعتي ...وموتي رح يكون على ايدين خويا ...شفتو الدنيا وقت تلعب بينا وباقدارنا ....خويا كان رح يغتصبني وينهي برائتي ...بصح دارت الساعة وعرف اني اختو ... أصلا مش ناقمة عليه . حتى هو الدنيا ظلمتو كيفي ولعبت بيه ...وكل شي كان ضدو .. يمكن لو مافرقتنااش كنا عشنا مع بعضنا ...وماحسيت كان بحاجة سخونة دخلت لبدني...اخترقتو وقطعت كل شي يربطني بدنيا...توغلت لداخلي وخلت دمي ينزف ....عديت عينيا عليهم اثنينهم حبيت نودعهم ...واحد خويا وثاني راجلي حب حياتي وفرحتي بدنيا ...سامحتو على كل شي صار بينا...صحيح كذب عليا ...يمكن من خوفو عليا...ويمكن شي ثاني بصح عندو سبب منعو انو يقول الحقيقة...طحت بين يديه مسلمة في كل شي ...واسرني ظلااام....بصح فقت اليووم على لمسة ايديه الحنينة اللي شالتني من الغرقة وخرجتني من الظلااام...فتحت عينيا لقيتو في وجهي...دموعو على خدو...وحالتو داخلة بعضها وتاعبه...عينيه محوقين ولحيتو هايجة...كبست على ايدو ...بصح غصة واحلة في حلقي مش قادر يطلع صوتي...باقي يحكي وفرحتو ظاهرة على وجهو ...تبسيمتو اللي تعشق مالية وجهو...ودمعتو غفلتو نزلت على خدو...مافهمت ولا كلمة من اللي يقول فيه ....جيست نطقت باسمو ...
أنا: ج.....جاسر...
هو: عاودها ياروح قلب جاسر انتي...توحشتك..ياعيوني انتي...تعرف اللي صارلي في غيابك...رد بالك تعاودها لنو جاسر ولا شي من غيرك...ابقى فايقة ..رد بالك ترجع ترقد...نروح نخبر دكتور ونرجعلك..نطير وحشتي منك...وعندي ليك مفاجأة...وغمزني بخبث(عادتو ميبدلهااش.. وكمل يحكي...باقية ساكته نملي في عينيا منو...توحشتو ومش عارفه علاه متشهيتو عاللخر..وحابه نغطس فيه..)..يعمبو عمري الكلب أنا على ديك التبسيمة ..(قربلي طبع بوسه على جبيني ...خذيت نفس من ريحتو اللي عندي قداش ماشميتها ولا شبعت بيها ..) خرج من عندي وباقي يتلفتلي ...كأنو مش مصدق اني فقت ...ورجعتلو ...عديت عينيا على البلاصة الكل ...مش عارفه علااه قلبي غم عليا من ريحة ...وحابه نرد.. .
#يتبع
#Mî_Rõ